နေဟမိ အခန်းကြီး(၁၃)


၁ထိုနေ့ရက်ကာလ၌ မောရှေ၏ ပညတ္တိကျမ်းစာကို လူများရှေ့မှာ ဘတ်ရွတ်သောအခါ၊ အမ္မုန်အမျိုးသားနှင့် မောဘအမျိုးသားသည် ဘုရားသခင်၏ ပရိသတ်တော်ထဲသို့ ဝင်ရောက်သော အခွင့်အစဉ်မရှိဟု တွေ့ကြ၏။ ၂အကြောင်းမူကား၊ သူတို့သည် ဣသရေလအမျိုးသားတို့ကို လုပ်ကျွေးခြင်းငှါ မကြိုဆို၊ ကျိန်ဆဲစေခြင်းငှါ ဗာလံကို ငှါးကြ၏။ သို့ရာတွင် ငါတို့၏ဘုရားသခင်သည် ကျိန်ဆဲသောစကားကို ကောင်းကြီးပေးသောစကားဖြစ်စေတော်မူ၏။ ၃ထိုတရားကိုကြားသောအခါ၊ အမျိုးမစစ်သောသူရှိသမျှတို့ကို ဣသရေလအမျိုးမှ ပယ်ရှားကြ၏။

၎အရင်တခါ ငါတို့ဘုရားသခင်၏ အိမ်တော်ပြင်ခန်းကို အုပ်သော ယဇ်ပုရောဟိတ် ဧလျာရှိပ်သည် တောဘိနှင့်ပေါက်ဘော်တော်သည်ဖြစ်၍၊ ၅ဘောဇဉ်ပူဇော်သက္ကာ၊ နံ့သာပေါင်း၊ တန်ဆာမျိုးကို၎င်း၊ ပညတ်တော် အတိုင်း လေဝိသား၊ သီချင်းသည်၊ တံခါးစောင့်တို့အားပေးရသော ဆန်စပါး၊ စပျစ်ရည်၊ ဆီဆယ်ဘို့တဘို့ကို၎င်း၊ ယဇ်ပုရောဟိတ်တို့အား လှူရသောအလှူတို့ကို၎င်း၊ သိုထားမြဲရှိသော အခန်းကြီးကို တောဘိအဘို့ပြင်ဆင်၏။ ၆ထိုကာလပတ်လုံး ငါသည် ယေရုရှလင်မြို့မရှိ။ ဗာဗုလုန်ရှင်ဘုရင် အာတဇေရဇ် နန်းစံသုံးဆယ်နှစ်နှစ်တွင် အထံတော်သို့သွားရ၏။ အင်တန်ကာလကြာပြီးမှ၊ ရှင်ဘုရင်ထံတော်၌ အခွင့်ရ၍၊ ၇ယေရုရှလင်မြို့သို့ရောက်သော အခါ၊ ဧလျာရှိပ်သည် ဘုရားသခင်၏ အိမ်တော်တန်တိုင်းထဲမှာ အခန်းကို တောဘိအဘို့ပြင်ဆင်၍ ဒုစရိုက်ပြုကြောင့် ကိုငါကြားသိရ၏။ ၈ထိုအခါ ငါသည် အလွန်ကြင်နာသောစိတ်ရှိ၍ တောဘိဥစ္စာပရိကံရှိသမျှကို အခန်းထဲမှ ထုတ်ပစ်ပြီးမှ၊ အခန်းများကိုစင်ကြယ်စေခြင်းငှါ စီရင်၍၊ တဖန်ဘုရားသခင်၏ အိမ်တော်တန်ဆာများ၊ ဘောဇဉ်ပူဇော် သက္ကာ၊ နံ့သာပေါင်းကိုဆောင်ခဲ့၍ သိုထား၏။

၁ဝအမှုတော်စောင့်၊ လေဝိသား၊ သီချင်းသည်တို့သည် အသီးအသီး မိမိတို့လယ်ယာသို့ ပြေးသွားကြသည်ကို ငါထောက်၍၊ သူတို့ခံအပ်သော စားစရာရိတ်က္ခာကို မခံမရကြောင်းကို ငါရိပ်မိလျက်၊ ၁၁ဘုရားသခင်၏ အိမ်တော်ကို အဘယ်ကြောင့်စွန့်ပစ်ကြသနည်းဟု မင်းတို့ကိုအပြစ်တင်၍၊ လေဝိသားတို့ကို စုဝေးစေပြီးမှ၊ သူတို့နေရာ၌ခန့်ထား ပြန်၏။ ၁၂ထိုအခါ ယုဒလူအပေါင်းတို့သည် ဆန်စပါး၊ စပျစ်ရည်၊ ဆီဆယ်ဘို့တဘို့ကို ဘဏ္ဍာတော်တိုက်သို့ ဆောင်ခဲ့ပြန်ကြ၏။ ၁၃ယဇ်ပုရောဟိတ်ရှေလမိ၊ ကျမ်းတတ်ဇာဒုတ်၊ လေဝိသားပေဒါယ၊ သူ့နောက် မဿနိသားဖြစ်သော ဇက္ကုရ၏သား ဟာနန်တို့ကို ဘဏ္ဍာတော်တိုက်စိုး အရာ၌ ငါခန့်ထား၏။ ထိုသူတို့သည် သစ္စာစောင့်ခြင်း အသရေရှိသည်ဖြစ်၍၊ အမျိုးသားချင်းတို့အား ဝေဖန်ရကြ၏။ ၁၄အိုအကျွန်ုပ်၏ ဘုရားသခင်၊ ထိုအမှုကြောင့် အကျွန်ုပ်ကို အောက်မေ့တော်မူပါ။  အကျွန်ုပ်၏ဘုရားသခင့်အိမ်တော်အဘို့၊ အိမ်တော်အမှုစောင့်ခြင်းအဘို့ အကျွန်ုပ်ပြုသောကျေးဇူးကို ချေတော်မမူပါနှင့်။

၁၅ထိုကာလ၊ ယုဒပြည်မှာအချို့တို့သည် ဥပုသ်နေ့၌ စပျစ်သီးကိုနယ်လျက်၊ ကောက်လှိုင်းကို သွင်းလျက်၊ မြည်းပေါ်မှာ ဝန်ကိုတင်လျက်၊ လုပ်ဆောင်ကြသည်ကို၎င်း၊ ဥပုသ်နေ့၌စပျစ်ရည်၊ စပျစ်သီး၊ သင်္ဘောသဖန်းသီးအစ ရှိသည်တို့ကို တင်၍ ယေရုရှလင်မြို့သို့ ဆောင်ခဲ့ကြသည်ကို၎င်း ငါမြင်၍၊ ဤမည်သောနေ့ရက်၌သာ စားစာရာများ ကို ရောင်းအပ်သည်ဟု သူတို့အားကြားပြောကြ၏။ ၁၆ထိုအရပ်၌ နေသောတုရုမြို့သားတို့သည်လည်း၊ ငါးအစရှိသည် တို့ကို ယေရုရှလင်မြို့သို့ ဆောင်ခဲ့၍၊ ဥပုသ်နေ့၌ ယုဒအမျိုးသားတို့အား ရောင်းတတ်ကြ၏။ ၁၇ထိုအခါ ငါက၊ သင်တို့သည် ဥပုသ်နေ့ကိုဖျက်၍ ပြုသောဒုစရိုက်ကား အဘယ်သို့နည်း။ ၁၈ဘိုးဘေးတို့သည် ထိုသို့ပြုသောကြောင့်၊ ဤမျှလောက်ကြီးစွာသော ဆင်းရဲခြင်းကို ငါတို့၌၄င်း၊ ဤမြို့၌၄င်း ဘုရားသခင်ရောက်စေတော်မူမည်လော့။ သင်တို့သည် ဥပုသ်နေ့ကို ဖျက်သောအားဖြင့် သာ၍ပြင်းစွာသောအမျက်တော်ကို ဣသရေလအမျိုး၌ ရောက်စေ ဦးမည်လောဟု ယုဒမှူးမတ်တို့ကို အပြစ်တင်လျက်၊ ၁၉အဘိတ်နေ့တွင် နေရောက်ကွယ်၍ ဥပုသ်နေ့လွန်သည် တိုင်အောင်၊ ယေရုရှလင်မြို့တံခါးတို့ကို ပိတ်ထားရမည်အကြောင်း စီရင်၍၊ ဥပုသ်နေ့၌ ဝန်များကို မြို့ထဲသို့မသွင်းစေခြင်းငှါ၊ မိမိကျွန်အချို့တို့ကို တံခါးတို့၌ခန့်ထား၏။ ၂ဝထိုနောက် ကုန်သည်များ၊ ဥစ္စာမျိုးကိုရောင်း သောသူများတို့သည် ယေရုရှလင်မြို့ပြင်မှာ တခါနှစ်ခါအိပ်ကြ၏။ ၂၁ငါကလည်း၊ မြို့ရိုးပတ်လည်၌ အဘယ်ကြောင့် အိပ်ကြသနည်း။ နောက်တဖန်လာ၍အိပ်လျှင် ဘမ်းဆီးမည်ဟု သူတို့အား သတိပေး၏။ ထိုအခါမှစ၍ ဥပုသ်နေ့တွင် မလာဘဲနေကြ၏။ ၂၂လေဝိသားတို့သည်လည်း၊ ဥပုသ်နေ့ကို သန့်ရှင်းစေခြင်းငှါ၊ စင်ကြယ်သောကိုယ်နှင့် လာ၍ တံခါးတို့ကိုစောင့်ရမည်အကြောင်း ငါမှာထား၏။ အို အကျွန်ုပ်၏ ဘုရားသခင်၊ ထိုအမှုကြောင့် အကျွန်ုပ်ကို အောက်မေ့တော်မူပါ။ ကရုဏာတော် များပြားသည်အတိုင်း အကျွန်ုပ်ကို ကယ်မသနားတော်မူပါ။

၂၃ထိုကာလ၊ အာဇုတ်အမျိုး၊ အမ္မုန်အမျိုး၊ မောဘအမျိုးသမီးနှင့် စုံဘက်သော ယုဒလူအချို့တို့ကို ငါမြင်၏။ ၂၄သူတို့သားသမီးတို့သည် ယုဒစကားကို မပြောတတ်။ အာဇုတ်စကားတဝက် အစရှိသော အသီးအသီးဘာသာ စကားကို ပြောတတ်ကြ၏။ ၂၅သူတို့ကို ငါအပြစ်တင်၍ ကဲ့ရဲ့၏။ အချို့တို့ကိုရိုက်လျက်၊ ဆံပင်နှုတ်လျက် ဒဏ်ပေး၍၊ သင်တို့သည် ကိုယ်သမီးတို့ကို ပြည်သားတို့အားမပေးစားရ။ ပြည်သားသမီးတို့ကို ကိုယ်သားတို့အဘို့ မသိမ်းမယူရ။ ၂၆ဣသရေလရှင်ဘုရင် ရှောလမုန်သည် ထိုသို့ပြု၍ ပြစ်မှားရာရောက်သည် မဟုတ်လော့။ အတိုင်းတိုင်းအပြည်ပြည်၌ သူနှင့် တူသောရှင်ဘုရင်မရှိ။ ဣသရေလရှင်ဘုရင်အရာ၌ ဘုရားသခင် ခန့်ထားသည်တိုင်အောင် စိတ်တော်နှင့် တွေ့သောသူ ဖြစ်သော်လည်း၊ တပါးအမျိုးသားမိန်းမတို့သည် ပြစ်မှားစေသည်တကား။ ၂၇ငါတို့သည် သင်တို့စကားကို နားထောင်၍ တပါးအမျိုးသား မိန်းမတို့နှင့် စုံဘက်သဖြင့်၊ ဤမျှလောက်ကြီးသော ဒုစရိုက်ကိုပြုလျက်၊ ငါတို့၏ဘုရားသခင်ကို ပြစ်မှားရမည်လောဟု ဘုရားသခင်ကို တိုင်တည်၍ သူတို့ကိုကျိန်ဆိုစေ၏။ ၂၈ယဇ်ပုရောဟိတ်မင်း ဧလျာရှိပ်သား ယောယဒ၏ သားတယောက်သည်၊ ဟောရနိလူ သမBာလတ်သမက်ဖြစ်သောကြောင့်၊ သူ့ကို ငါနှင်ထုတ်၏။ ၂၉အိုအကျွန်ုပ်၏ ဘုရားသခင်၊ သူတို့သည် ယဇ်ပုရောဟိတ်အရာကို၎င်း၊ ယဇ်ပုရောဟိတ်၊ လေဝိသားတို့နှင့် ဖွဲ့သောပဋိညာဉ်တော် ကို၎င်း ရှုတ်ချသောကြောင့်၊ သူတို့ကိုမှတ်တော်မူပါ။ ၃ဝထိုသို့ ယုဒအမျိုးသားတို့ကို တပါးအမျိုးသားအပေါင်းတို့နှင့် ကင်းစင်စေပြီးမှ၊ ယဇ်ပုရောဟိတ်နှင့် လေဝိသားတို့ကို အသီးအသီး မိမိတို့အမှု စောင့်ရသည် အတိုင်း ငါခန့်ထား၍၊ ၃၁ချိန်းချက်သောအချိန်၌ ထင်းပူဇော်သက္ကာနှင့် အဦးသီးသောအသီးကို ပူဇော်စေခြင်းငှါစီရင်၏။ အိုအကျွန်ုပ်၏ ဘုရားသခင်၊ ကျေးဇူးပြုပါမည်အကြောင်း၊ အကျွန်ုပ်ကို အောက်မေ့တော်မူပါ။

 

နေဟမိမှတ်စာပြီး၏။