နေဟမိ အခန်းကြီး(၁)


၁ဟာခလိသား နေဟမိစကားဟူမူကား၊ အာတဇေရဇ်မင်းကြီး နန်းစံနှစ်ဆယ်၊ ခိသလုလတွင်၊ ငါသည် ရှုရှန်နန်းတော်၌နေစဉ်၊ ၂ငါ့ညီဟာနန်နှင့် ယုဒလူအချို့တို့သည် ရောက်လာ၍၊ ငါသည် သိမ်းသွားခြင်းကို ခံရသော ယုဒလူစုထဲက လွတ်သောသူတို့၏ အကြောင်းအရာနှင့်၊ ယေရုရှလင်မြို့၏ အကြောင်းအရာကို မေးမြန်းလျှင်၊ ၃သူတို့က၊ သိမ်းသွားခြင်းကိုခံရသော လူစုထဲကလွတ်၍၊ ထိုပြည်၌နေသော သူတို့သည် ကြီးသောဆင်းရဲခြင်း၊ ကဲ့ရဲ့ခြင်းကို ခံရကြ၏။ ယေရုရှလင်မြို့ရိုးသည် ပြိုပျက်လျက် မြို့တံခါးလည်း မီးလောင်၍ကုန်ပြီဟု ပြန်ပြောကြ၏။ ၄ထိုစကားကိုကြားလျှင်၊ ငါသည် ထိုင်၍အင်တန်ကာလပတ်လုံး ငိုကြွေးမြည်တမ်းလျက်၊ အစာရှောင်လျက်နေ၍၊ ကောင်းကင်ဘုံ၏အရှင် ဘရားသခင့်ရှေ့တော်၌ ဆုတောင်းသောပဌနာဟူမူကား၊ ၅အိုကောင်းကင်ဘုံ၏အရှင် ဘုရားသခင် ထာဝရဘုရား၊ ကြီးမြတ်၍ ကြောက်မက်ဘွယ်သောဘုရား၊ ပညတ်တော်တို့ကိုနှစ်သက်၍ ကျင့်စောင့် သောသူတို့နှင့် ဖွဲ့သောကရုဏာ ပဋိညာဉ်ကိုမဖျက်၊ တည်စေတော်မူသောဘုရား၊ ၆ကိုယ်တော်ကျွန် ဣသရေလအမျိုး သားတို့အဘို့၊ ရှေ့တော်၌ နေ့ညဥ့်မပြတ် အကျွန်ုပ်ဆုတောင်း၍၊ ဣသရေလအမျိုးသားဖြစ်သော အကျွန်ုပ်တို့သည် ကိုယ်တော်ကို ပြစ်မှားမိသောအပြစ်များကို ဘော်ပြ၍ တောင်းပန်သော ကိုယ်တော်ကျွန်၏ ပဌနာစကားကို ကြားခြင်းငှါ၊ ယခုနားထောင်၍ စေ့စေ့ကြည့်ရှုတော်မူပါ။ ၇အကျွန်ုပ်နှင့် အကျွန်ုပ်အဆွေအမျိုးတို့သည် ပြစ်မှားပါပြီ။ ကိုယ်တော်ကို ပြစ်မှား၍၊ အလွန်ဆိုးညစ်သောအမှုတို့ကို ပြုမိပါပြီ။ ကိုယ်တော်ကျွန်မောရှေ၌ ထားတော်မူသော ပညတ်တရား၊ စီရင်ထုံးဖွဲ့တော်မူချက်တို့ကို မစောင့်ဘဲနေပါပြီ။ ၈-၉ကိုယ်တော်က၊ သင်တို့သည် လွန်ကျူးလျှင်၊ သင်တို့ကို တပါးအမျိုးသားတို့တွင် ကွဲပြားစေမည်။ တဖန် ငါ့ထံသို့ပြန်လာ၍၊ ငါ့ပညတ်တို့ကို ကျင့်စောင့်ပြန်လျှင်၊ မိုဃ်းကောင်း ကင်အောက် အဝေးဆုံးသောအရပ်သို့ နှင့်ထုတ်ခြင်းကိုခံရသော်လည်း၊ ထိုအရပ်ကငါသိမ်းယူ၍၊ ငါ့နာမတည်ရာဘို့ ငါရွေးချယ်သောအရပ်သို့ ဆောာင်ခဲ့မည်ဟု ကိုယ်တော်ကျွန် မောရှေ၌ ထားတော်မူသော ဂတိတော်ကို အောက်မေ့တော်မူပါ။ ၁ဝယခုမှာ၊ ဤသူတို့သည် မဟာတန်ခိုးတော်နှင့် အားကြီးသောလက်နက်တော်ဖြင့် ရွေးနှုတ်သော ကိုယ်တော်ကျွန်၊ ကိုယ်တော်လူမျိုးဖြစ်ကြပါ၏။ ၁၁အိုဘုရားရှင်၊ ကိုယ်တော်ကျွန်ပြုသော ပဌနာစကား နှင့် နာမတော်ကို ရိုသေချင်သော ကျွန်တော်များပြုသော ပဌနာစကားကို နားထောင်တော်မူပါ။ ကိုယ်တော်ကျွန်ကို ယနေ့ကောင်းကြီးပေးတော်မူပါ။ ဤလူရှေ့မှာ မျက်နှာရပါမည်အကြောင်း ကယ်မသနား တော်မူပါဟု ဆုတောင်း လေ၏။ ထိုအခါ ငါသည် ရှင်ဘုရင်၏ ဖလားတော်ကိုင်ဖြစ်သတည်း။