ယေဇကျေလ အခန်းကြီး (၃၂)


၁သက္ကရာဇ်တဆယ်နှစ်ခု၊  ဒွါဒသမလတရက်နေ့တွင် ထာဝရဘုရား၏ နှုတ်ကပတ်တော်သည်ငါ့ဆီသို့ ရောက် လာ၍ ၂အချင်းလူသား သင်သည် အဲဂုတ္တုရှင်ဘုရင် ဖာရောမင်းအတွက် မြည်တမ်းခြင်းကို ပြု၍ ပြောဆိုရမည်မှာ၊ သင်သည်လူမျိုးတို့တွင် ခြင်္သေ့ပျိုကဲ့သို့ဖြစ်၏။ အိုင်၌ ကူးနေသောမိချောင်းကဲ့သို့လည်းဖြစ်၍၊ မြစ်ကို ကူးသွားလျက်၊ခြေဖြင့်ရေကို လှုပ်ရှားလျက် မြစ်ရေကို နောက်စေ၏။ ၃အရှင်ထာဝရဘုရား မိန့်တော်မူသည်ကား၊ လူမျိုးများ စုဝေး လျက်၊ ငါသည် ပိုက်ကွန်နှင့် သင့်ကို အုပ်မိ၍၊ သူတို့သည် ပို က်ကွန်နှင့်တကွ သင့်ကို ဆွဲယူကြလိမ့်မည်၊ ၄ငါသည် သင့်ကို ကုန်းပေါ်မှာတင်၍ လွင်ပြင်၌ ပစ်ထားမည်။ မိုဃ်းကောင်းကင်ငှက်အပေါင်းတို့ကို သင့်အပေါ်မှာ နားစေမည်။ မြေသားအပေါင်းတို့ကို ဝစွာကျွေးမည်။ ၅သင့်အသားကို တောင်တို့အပေါ်၌ ငါခင်းမည်။ ချိုင့်တို့ကို သင့်ကိုယ်နှင့် ပြည့်စေမည်။ ၆သင်မှ ယိုသော သွေးဖြင့်မြေကို တောင်ထိပ်တိုင်အောင် စိုစေမည်။ မြစ်တို့သည် သင့်အသွေးနှင့် ပြည့်ကြလိမ့်မည်။ ၇သင့်ကို ဆုံးစေသောအခါ မိုဃ်းကောင်းကင်ကို ငါဖုံးလွှမ်း၍ ကြယ်တို့ကို မိုက်စေရမည်။ နေကို မိုဃ်းအုံစေ၍ လှသည်လည်း အလင်းကိုမပေးရ၊၊  ၈သင့်အထက် မိုဃ်းကောင်းကင်၌ ထွန်းလင်းသောအလင်းအိမ်အ လုံးစုံတို့ကို မိုက်စေ၍ သင့်ပြည်ကို မှောင်မိုက်နှင့်ဖုံးလွှမ်းမည်။ ၉သင်မသိဘူးသော အတိုင်းတိုင်းအပြည်ပြည်တို့တွင် သင်ပျက်စီးခြင်းအကြောင်းကို ငါကြားစေသောအခါ၊ လူမျိုးများတို့ကို ပူပန်စေမည်။ ၁ဝအကယ်စင်စစ် သင့်အမှုကြောင့် လူမျိုးများတို့ကို ငါမိန်းမောတွေဝေစေမည်။ ငါသည် ရှင်ဘုရင် တို့ရှေ့မှာထားနှင့်ရွယ်သောအခါ၊ သူတို့သည် သင့်အမှု ကြောင့် အလွန်ထိတ်လန့်ကြလိမ့်မည်။ သင်ဆုံးရှုံးသောနေ့၌ သူတို့သည် အသီးအသီးမိမိတို့ အသက်ကြောင့် ခဏခဏ စိုးရိမ်တုန်လှုပ်ကြလ်ိမ့်မည်ဟု အရှင်ထာဝရဘုရား မိန့်တော်မူ၏။

၁၁အရှင်ထာဝရဘုရား မိန့်တော်မူသည်ကား ဗာဗုလုန်ရှင်ဘုရင်၏ ထားသည် သင့်အပေါ်သို့ရောက်လိမ့်မည်။ ၁၂ခွန်အားကြီးသောသူ၊ ကြောက်မက်ဘွယ်သောလူမျိုးအပေါင်းတို့ဖြင့် သင်၏ အလုံးအရင်းကိုငါလဲစေမည်။ သူတို့ သည် အဲဂုတ္တုမာနကို နှိမ့်ချ၍၊ ပြည်သားအလုံးအင်းရှိသမျှတို့ကို ဖျက်ဆီးကြလိမ့်မည်။ ၁၃များစွာသော ရေအနားမှာ ကျက်စားသမျှသော တိရစ္ဆာန်များတို့ကိုလည်း ငါပယ်ရှင်းမည်။ နောက်တဖန် တိရစ္ဆာန်တို့ကို လည်း ငါပယ်ရှင်းမည်။ နောက်တဖန် လူခြေတို့နှင့် တိရစ္ဆာန်ခြေသည် ထိုရေများကို မနောက်စေရ။ ၁၄ထိုရေကို ငါကြည်စေ၍ မြစ်ရေသည် ဆီကဲ့သို့ စီးစေမည်ဟု  အရှင်ထာဝရဘုရား မိန့်တော်မူသည်။ ၁၅အဲဂုတ္တုပြည်၌ ဥစ္စာရှိသမျှကို ကုန်စေခြင်းငှါ သုတ်သင် ဖယ်ရှား၍ ပြည်သူပြည်သား အပေါင်းတို့ကို ဒဏ်ခတ်သောအခါ၊ ငါသည် ထာဝရဘုရားဖြစ်ကြောင်းကို သိရကြလိမ့် မည်။ ၁၆ဤရွေ့ကား အဲဂုတ္တုပြည်အတွက် ပြုရသော မြည်တမ်းခြင်းတည်း အမျိုးမျိုးသော သတို့သမီးတို့သည်လည်း၊ မြည်တမ်း၍ အဲဂုတ္တုပြည်နှင့် ပြည်သား အလုံးအရင်းရှိသမျှတို့တွင် မြည်တမ်းကြလိမ့်မည်ဟု အရှင်ထာဝရဘုရား မိန့်တော်မူ၏။

၁၇သက္ကရာဇ် တဆယ်နှစ်ခု၊ ပဌမလတဆယ်ငါးရက်နေ့တွင်၊ ထာဝရဘုရား၏ နှုတ်ကပတ်တော်သည်ငါ့ဆီသို့ ရောက်လာ၍၊ ၁၈အချင်းလူသား၊ အဲဂုတ္တုပြည်သားအလုံးအရင်းအတွက် မြည်တမ်းခြင်းကို ပြုလော့။ မြေတွင်းထဲသို့ ဆင်းသွားသော သူတို့နေရာ မြေအောက်အရပ်သို့ တိုင်အောင်၊ ကျော်စောသော လူမျိုး သတို့သမီးတို့နှင့်တကွ နှိမ့်ချလျတ် မြွက်ဆိုရမည်မှာ၊ ၁၉သင်သည် သူတပါးထက်သာ၍ လှသလော။ အရေဖျားလှီးခြင်းကို မခံသော သူတို့နှင့် အတူဆင်းသက်၍ နေရာကျလော့။ ၂ဝထားဘေး၌ အပ်သည်ဖြစ်၍၊ ထားဖြင့်သေသောသူတို့နှင့်အတူ လဲ၍ သေရ သောကြောင့်၊ သူကိုယ်တိုင်မှ စ၍ သူ၏ လူအလုံးအရင်း ရှိသမျှတို့ကိုဆွဲကြလော့။ ၂၁ခွန်အားအကြီးဆုံးသော သူရဲတို့သည် မရဏာ နိုင်ငံ ထဲကသူနှင့်သူ၏ အခြံအရံတို့ကို နှုတ်ဆက်ကြလိမ့်မည်။ သူတို့သည်လည်း ဆင်းသွားကြ ပြီ။ ထားနှင့်သေ၍၊ အရေဖျားလှီးခြင်းမခံသော အဖြစ်၌ လဲနေလျက်ရှိကြသည်။ ၂၂ထိုအရပ်၌ အာရှုရနှင့် လူအလုံးအရင်းအပေါင်းလည်း ရှိကြ၏။ သူတို့သည် ထားဖြင့်သေ၍ လဲနေလျက်၊ ပတ်လည်အရပ်ရပ်တို့၌ သူတို့င်္သချိုင်းများရှိကြသည်။ ၂၃ထိုင်္သချိုင်းတွင်းတို့သည် ဥမင်အတွင်း အနားမှာစီလျက်၊ မင်းင်္သချိုင်း၌ ပတ်လည် ခြံရံလျက် ရှိကြ၏။ အသက်ရှင်သောသူတို့၏ နေရာ၌ သူတပါးကို ကြောက်စေတက်သော သူဖြစ်သော်လည်း၊ ထိုသူရှိသမျှတို့သည် ထားဖြင့်သေ၍ လဲနေကြသည်။ ၂၄ထိုအရပ်၌ ဧလံနှင့် သူ၏ င်္သချိုင်းပတ်လည်၌ သူ၏ လူအလုံး အရင်း ရှိသမျှတို့သည် ထားဖြင့်သေ၍ လဲလျက်ရှိကြ၏။  အသက်ရှင်သော သူတို့၏ နေရာ၌ သူတပါး ကိုကြောက်စေ တက်သော်လည်း၊ အရေဖျားလှီးခြင်းကို မခံရသော လူဖြစ်၍ ထားဖြင့်မြေအောက်အရပ်သို့ ဆင်းသွားရသဖြင့်၊ မြေတွင်းထဲသို့ဆင်းသွားသော သူတို့နှင့်အတူ၊ အရှက်ကွဲလျက် သေသောသူတို့နှင့် အတူနေရာကျကြ၏။ ၂၅မိမိအလုံး အရင်းနှင့်အိပ်၍ သူတို့င်္သချိုင်းတွင်းတို့သည် ပတ်လည်၌ ရှိကြ၏။ ထိုသူရှိသမျှတို့သည် အရေဖျားလှီးခြင်းကို မခံရ သော လူဖြစ်၍ ထားဖြင့်သေကြသည်။ အသက်ရှင်သောသူတို့၏ နေရာ၌ သူတပါးကို ကြောက်စေတက်သော်လည်း  မိမိမြေတွင်းထဲသို့ ဆင်းသွားသောသူတို့နှင့် အတူအရှက်ကွဲ သဖြင့်၊ သေသောသူတို့နှင့်အတူနေရကြ၏။ ၂၆ထိုအရပ်၌ မိမိအလုံးအရင်း ရှိသမျှတို့နှင့် အတူမေရှက်လည်းရှိ၏။ တုဗလလည်းရှိ၏။ င်္သချိုင်းတွင်းတို့သည် ပတ်လည်၌ ရှိကြ၏။ အသက်ရှင်သောသူတို့၏ နေရာ၌ သူတပါးကို ကြောက်စေတက်သော်လည်း၊ ထိုသူရှိသမျှတို့သည် အရေဖျားလှီး ခြင်းကို မခံရသောလူဖြစ်၍ ထားဖြင့်သေလျက်နေကြသည်။ ၂၇သူတို့၏ ရှေးကာလ၌ လဲ၍သေသော၊ အရေဖျားလှီးခြင်း ကို မခံသော လူကြီးတို့နှင့်အတူအိပ်၍ နေရကြလိမ့်မည်မဟုတ်လော။ ထိုလူကြီးတို့သည် အသက်ရှင်သောသူတို့၏ နေရာ၌ လူကြီးတို့ကိုကြောက်စေတက်သော်လည်း၊ စစ်တိုက်လက်နက်ပါလျက် မရဏာနိုင်ငံထဲသို့ ဆင်းသွား၍၊ မိမိထားကို မိမိခေါင်းအောက်မှာ ထားလျက်၊ မိမိတို့အရိုးပေါ်မှာ မိမိတို့အပြစ်တည်လျက် ရှိကြ၏။ ၂၈သင်သည်လည်း အရေဖျားလှီးခြင်းကို မခံရသော လူတို့အလယ်၌ ကျိုးပျက်၍ ထားဖြင့်သေသောသူတို့နှင့် အတူနေရာကျ၍ လဲလျက်နေရလိမ့်မည်။ ၂၉ထိုအရပ်၌ ဧဒုံလည်းရှိ၏။ ဧဒုံရှင်ဘုရင်နှင့် မှူးတော် မတ်တော်တို့သည် မိမိတို့တန်ခိုးပါလျက်၊ ထားဖြင့်သေသောသူနှင့် အတူနေရာကျ၍၊ အရေဖျာလှီးခြင်းကို မခံသောလူ၊ မြေတွင်းထဲသို့ဆင်းသွားသော သူတို့နှင့် အတူ အိပ်ရကြ၏။ ၃ဝထိုအရပ်၌  မြောက်ပြည်မင်း၊ ဇိဒုန်မင်းအပေါင်းတို့သည်  ရှိကြ၏။ ကိုယ်တန်ခိုးကိုရှက်လျက် ထိတ်လန့်လျက်သေသောသူတို့နှင့် အတူ အရေဖျားလှီးခြင်းကို မခံသောလူဖြစ်၍ အိပ်ကြ၏။  မြေတွင်းထဲသို့ ဆင်းသွားသောသူတို့နှင့်အတူ အရှက်ကွဲလျက် နေကြ၏။ ၃၁ဖာရောဘုရင်သည် ထိုလူများကိုမြင်၍၊ ထားဖြင့်သေသောမိမိလူအလုံးအရင်းရှိသမျှတို့ကြောင့် ပူပန်သော စိတ်လျော့၍ ဖာရောဘုရင်နှင့် မိမိဗိုလ်ခြေ အပေါင်းတို့သည် သက်သာကြလိမ့်မည်ဟု အရှင်ထာဝရဘုရား မိန့်တော်မူ၏။ ၃၂အသက်ရှင်သောသူတို့၏ နေရာ၌ သူသည် သူတပါးတို့ကို ကြောက်စေသောအခွင့်ကို ငါပေးသော်လည်း၊ ဖာရောဘုရင်နှင့် သူ၏ အလုံးအရင်းရှိသမျှ တို့သည် ထားဖြင့်သေသောသူတို့နှင့်အတူ အရေဖျားလှီးခြင်းကို မခံသောလူတို့အလယ်၌ လဲ၍ နေကြလိမ့်မည်ဟု အရှင်ထာဝရဘုရား မိန့်တော်မူ၏။