ယေရမိ အခန်းကြီး(၂၀)


၁ထိုသို့ယေရမိဟောပြောကြောင်းကို၊ ဗိမာန်တော်မှူးဖြစ်သော ယဇ်ပုရောဟိတ် ဣမေရသား ပါရှုရသည် ကြားသောအခါ၊ ၂ပရောဖက်ယေရမိကို ရိုက်ပုတ်၍၊ ဗိမာန်တော်နားမှာ ဗင်္ယာမိန်အထက် တံခါးဝတွင် ထိတ်ခတ် ထား၏။ ၃နက်ဖြန်နေ့၌ ပါရှုရသည် ယေရမိကို ထိတ်မှလွှတ်သောအခါ၊ ယေရမိက၊ ထာဝရဘုသည် သင့်ကို ပါရှုရဟူ၍မှည့်တော်မမူ။ မာဂေါမိဿဘိတ်ဟူ၍ မှည့်တော်မူ၏။ ၄ထာဝရဘုရားမိန့် တော်မူသည်ကား၊ ငါသည် သင်နှင့် သင့်၏အဆွေခင်ပွန်းတို့၌ သင့်ကိုကြောက်မက်ဘွယ်သော အရာဖြစ်စေမည်။ သူတို့သည် သင့်မျက်မှောက်၌ ရန်သူ၏ထားဖြင့် ဆုံးကြလိမ့်မည်။ ယုဒပြည်တပြည်လုံးကို ဗာဗုလုန်ရှင်ဘုရင်လက်သို့ ငါအပ်သဖြင့်၊ သူသည်ပြည်သားတို့ကို ဗာဗုလုန်မြို့သို့သိမ်းသွား၍၊ ထားနှင့် သတ်လိမ့်မည်။ ၅ဤမြို့၏ အစွမ်းသတ္တိရှိသမျှကို၎င်း၊ လုပ်ဆောင်၍ ရသမျှသောဥစ္စာကို၎င်း၊ ဆည်းဖူး သမျှသောရတနာကို၎င်း၊ ယုဒရှင်ဘုရင်၏ ဘဏ္ဍာတော်အလုံးစုံ တို့ကို၎င်း၊ ရန်သူလက်သို့ ငါအပ်သဖြင့်၊ ရန်သူတို့သည် လုယက်၍ ဗာဗုလုန်မြို့သို့ သိမ်းသွားကြလိမ့်မည်။ ၆သင်ပါရှုရနှင့် သင်၏အိမ်သူအိမ်သား အပေါင်းတို့ကိုလည်း သိမ်းသွားကြလိမ့်မည်။ သင်သည် ဗာဗုလုန်မြို့သို့ ရောက်ရလိမ့်မည်။ သင်ဟော ပြောသော မုသာစကားကို နားထောင်သော သင်၏အဆွေခင်ပွန်းအပေါင်းတို့နှင့် တကွ၊ သင်သည် ထိုမြို့၌ သေ၍ သင်္ဂြိုဟ်ခြင်းကိုခံရလိမ့်မည်ဟု ပါရှုရအားပြောဆို၏။

၇အိုထာဝရဘုရား၊ ကိုယ်တော်သည် အကျွန်ုပ်ကို သွေးဆောင်တော်မူသည်အတိုင်း၊ အကျွန်ုပ် လိုက်ပါပြီ။ ကိုယ်တော်သည် အကျွန်ုပ်ထက်အားကြီး၍ နိုင်တော်မူပြီ။ အကျွန်ုပ်သည် ကဲ့ရဲ့ခြင်းကို နေ့တိုင်းခံရပါ၏။ လူတိုင်းပြက်ပြယ်ခြင်းကို ပြုတတ်ကြပါ၏။ ၈အကျွန်ုပ်သည် ဟောပြောလေရာရာ၌ အနိုင်အထက်ပြုခြင်း၊ ညှဉ်းဆဲခြင်းအမှုကြောင့် အော်ဟစ်၍ ကြွေးကြော်ရပါ၏။ ထာဝရဘုရား၏ နှုတ်ကပတ်တော်သည် အကျွန်ုပ်၌ ကဲ့ရဲ့ခြင်းအစဉ်ပြက်ပြယ်ခြင်းကို ခံစရာအကြောင်းဖြစ်ပါ၏။ ထိုကြောင့်၊ ငါသည်နှုတ်ကပတ်တော်ကို မကြားမပြော၊ နာမတော်ကို အမှီပြု၍ မဟောဘဲနေမည်ဟု သဘောထားမည်သော်လည်း၊ ငါ့အရိုးတို့၌ ချုပ်ထား၍၊ လောင်သောမီးကဲ့သို့ နှုတ်ကပတ်တော်သည် ငါ့နှလုံး၌ဖြစ်သောကြောင့်၊ အလွန်ငြီးငွေ့သဖြင့် အောင့်၍မနေနိုင်။ ၁ဝလူများကဲ့ရဲ့ပြစ်တင်ခြင်းကို ကြားရ၏။ ခပ်သိမ်းသောအရပ်တို့၌ ကြောက်မက်ဘွယ်သော အကြောင်းရှိ၏။ သူတပါးတို့က သိတင်းကိုကြား ပြောကြလော့။ ငါတို့သည် တဆင့်ကြားပြောလိမ့်မည်ဟု ဆိုကြ၏။ ငါ၏အနားမှာ အစဉ်နေသော ငါ၏မိတ်ဆွေအပေါင်းတို့က၊ ငါတို့သည် သူ့ကိုနိုင်၍ အငြိုးထားသောစိတ်ပြေစေခြင်းငှါ၊ သူ့ကို သွေးဆောင် ကောင်းသွေးဆောင်လိမ့်မည်ဟု ဆိုကြ၏။ ၁၁သို့သော်လည်း၊ ထာဝရဘုရားသည် အားကြီးသော သူရဲကဲ့သို့ ငါဘက်၌ရှိတော်မူ၏။ ထိုကြောင့်၊ ငါ့ကိုညှဉ်းဆဲသောသူတို့သည် မနိုင်ဘဲထိမိ၍ လဲကြလိမ့်မည်။ အကြံမမြောက်သောကြောင့် အလွန်ရှက်ကြလိမ့်မည်။ မပြေမပျောက်နိုင်သော ထာဝရရှက်ကြောက်ခြင်းရှိကြ လိမ့်မည်။ ၁၂ဖြောင့်မတ်သောသူတို့ကို စုံစမ်း၍၊ နှလုံးကျောက်ကပ်သဘောကို သိမြင်တော်မူသော ကောင်းကင်ဗိုလ် ခြေအရှင်ထာဝရဘုရား၊ အကျွန်ုပ်၏အမှုကိုရှေ့တော်၌ ဖွင့်ပြပါသည်ဖြစ်၍၊ သူတို့၌ အပြစ်ဒဏ်စီရင်တော်မူကြောင်းကို အကျွန်ုပ်မြင်ရပါလိမ့်မည်။ ၁၃ထာဝရဘုရားအား သီချင်းဆိုကြလော့။ ထာဝရဘုရားကို ချီးမွမ်းကြလော့။ အကြောင်းမူကား၊ မတရားသဖြင့် ပြုသောသူတို့လက်မှ၊ ဆင်းရဲသောသူကို ကယ်နှုတ်တော်မူသတည်း။

၁၄ငါဘွားသောနေ့ရက်သည် အမင်္ဂလာရှိပါစေသော။ ငါ့ကိုငါ့အမိဘွားသော နေ့ရက်သည် ကောင်းကြီး မင်္ဂလာကို မခံပါစေနှင့်။ ၁၅ငါ့အဘထံသို့သွား၍၊ ကိုယ်တော်သည် သားယောက်ျားကိုရပါပြီဟု သိတင်းပြောလျက်၊ ငါ့အဘကိုအလွန်ဝမ်းမြောက်စေသောသူသည် အမင်္ဂလာရှိပါစေသော။ ၁၆ထာဝရဘုရားသည် နောင်တမရ၊ ဖျက်ဆီးတော်မူသော မြို့တို့ကဲ့သို့၊ ထိုသူသည်ဖြစ်ပါစေသော။ နံနက်အချိန်၌ ကြွေးကြော်သံကို၎င်း၊ မွန်းတည့် အချိန်၌အော်ဟစ်သံကို၎င်း ကြားပါစေသော။ ၁၇အကြောင်းမူကား၊ သူသည်ငါ့ကို ဘွားစကပင် မသတ်ဘဲ၊ ငါ့အမိ၏ ဝမ်းသည် ငါ၏ သင်္ချိုင်းဖြစ်၍၊ ငါ့ကိုအစဉ်ကိုယ်ဝန်ဆောင်မည် အကြောင်းမပြုဘဲ၊ နေပါသည်တကား။ ၁၈ငါသည် ပူပန်ခြင်း၊ ဝမ်းနည်းခြင်းကို ခံရမည်အကြောင်းနှင့်၊ ရှက်ကြောက်ခြင်းအားဖြင့် ကိုယ်အသက်ကို လွန်စေရမည် အကြောင်း၊ အဘယ်ကြောင့် ငါ့ကိုဘွားမြင်ရပါသနည်း။