ယေရမိ အခန်းကြီး (၁၂)


၁အိုထာဝရဘုရား၊ အကျွန်ုပ်သည် ကိုယ်တော်နှင့် တရားစကားကို ဆွေးနွှေးသောအခါ၊ ကိုယ်တော်သည် တရားတော်မူ၏။ သို့သော်လည်း၊ စစ်ကြောစီရင်တော်မူခြင်းအကြောင်းကို မေးလျှောက်ပါမည်။ မတရားသောသူ တို့သည် အဘယ်ကြောင့် အကြံမြောက်ရကြပါသနည်း။ အလွန်သစ္စာပျက်သောသူ အပေါင်းတို့သည် အဘယ်ကြောင့် ချမ်းသာရကြပါသနည်း။ ၂ကိုယ်တော်သည် သူတို့ကို စိုက်တော်မူသဖြင့်၊ သူတို့သည် အမြစ်ကျ၍ ကြီးပွါးလျက် အသီးကိုသီးကြပါ၏။ ကိုယ်တော်သည် သူတို့နှုတ်နှင့် နီး၍ နှလုံးနှင့် ဝေးတော်မူ၏။ ၃အိုထာဝရဘုရား၊ ကိုယ်တော်သည် အကျွန်ုပ်ကို သိမြင်တော်မူ၏။ အကျွန်ုပ်သည် ကိုယ်တော်နှင့် သဘောတူကြောင်းကို စစ်ကြောတော်မူပြီ။ သိုးတို့ကို ထုတ်သကဲ့သို့၊ ထိုမတရားသောသူတို့ကို အသေသတ်ခြင်းငှါ ဆွဲထုတ်တော်မူပါ။ သတ်ရသောနေ့အဘို့ ပြင်ဆင်တော်မူပါ။ ၄ပြည်သားများပြုသော ဒုစရိုက်အပြစ်ကြောင့်၊ ပြည်သည်အဘယ်မျှ ကာလပတ်လုံး မြည်းတမ်းရပါအံ့နည်း။ အရပ်ရပ်တို့၌ ရှိသောမြက်ပင်သည် အဘယ်မျှကာလပတ်လုံး ညိ‡ုးနွမ်းရပါ အံ့နည်း။ ငါတို့ခံရသော အကျိုးအပြစ်ကို ဘုရားသခင်မသိမမြင်ဟု ပြည်သားများဆိုသောကြောင့်၊ သားများနှင့် ငှက်များတို့သည် ပျောက်ပျက်ကြပါပြီ။

၅သင်သည် ခြေသည်တို့နှင့် ပြိုင်ပြေး၍ မောလျှင် မြင်းတို့နှင့် အဘယ်သို့ပြိုင်နိုင်မည်နည်း။ စိုးရိမ်ခြင်းမရှိ၊ ငြိမ်ဝပ်စွာနေရသောပြည်၌ မောလျှင်၊ ယော်ဒန်မြစ်၏ ဂုဏ်အသရေထဲမှာ အဘယ်သို့ပြု လိမ့်မည်နည်း။ ၆သင်၏ညီ အစ်ကို၊ အဘ၏ အိမ်သူအိမ်သားတို့ပင် သင့်ကိုသစ္စာဖျက်၍၊ သင့်နောက်သို့ အော်ဟစ်လျက် လိုက်ကြ၏။ သူတို့သည်ကောင်းသောစကားကို ပြောသော်လည်း မယုံနှင့်။

၇ငါသည် ကိုယ်အိမ်ကိုစွန့်၍၊ ကိုယ်အမွေကို ပြစ်ထားပြီ။ ငါအလွန်ချစ်သော အစ်မကို သူ၏ရန်သူလက်သို့ အပ်နှံပြီ။ ၈ငါ့အမွေသည် တော၌ တွေ့သောခြသေ့င်္ကဲ့သို့ ငါ့အားဖြစ်၍၊ ငါ့ကိုဟောက် သောကြောင့် ငါမုန်းလေ၏။ ၉ငါ့အမွေသည် ဇဘောသားရဲကဲ့သို့ ငါ့အားဖြစ်၏။ ပတ်လည်၌ရှိသော သားရဲတို့သည် တိုက်ကြ၏။ လာကြ။ တောသားရဲအပေါင်းတို့၊ စည်းဝေးကြ။ ကိုက်စားခြင်းငှါ လာကြစေ။ ၁ဝများစွာသောသိုးထိန်းတို့သည် ငါ့စပျစ် ဥယျာဉ်ကို ဖျက်ဆီးကြပြီ။ ငါရထိုက်သောအဘို့ကို ကျော်နင်းကြပြီ။ ငါရထိုက်သော နှစ်သက်ရာအဘို့ကို လူဆိတ်ညံ့ရာ တောဖြစ်စေကြပြီ။ ၁၁သုတ်သင်ပယ်ရှင်းသောကြောင်၊ လူဆိတ်ညံ့လျက်ရှိ၍၊ ငါ့အားညည်းတွားလေ၏။ တပြည်လုံးပျက်စီးသော်လည်း၊ အဘယ်သူမျှ ပမာဏာမပြုတတ်။ ၁၂တော၌မြင့်သောအရပ်အလုံးစုံတို့အပေါ်မှာ လုယက်သောသူတို့သည် တတ်ကြပြီ။ အကယ်စင်စစ်ပြည်စွန်းတဘက်မှ တဘက်တိုင်အောင် ထာဝရဘုရား၏ ထားတော်သည် ဖျက်ဆီးသဖြင့်၊ အဘယ်သူမျှ ချမ်းသာမရ။ ၁၃သူတို့သည် ဂျုံစပါးမျိုးစေ့ကို ကြဲ၍ ဆူးပင်ကိုသာ ရိတ်ရကြ၏။ ပင်ပန်းစွာကြိုးစားသော်လည်း ကျေးဇူးမရှိကြ။ ထာဝရဘုရား၏ အမျက်တော်အရှိန်ကြောင့်၊ မိမိတို့ခံရသော အကျိုးကိုထောက်၍ ရှက်ကြလိမ့်မည်။

၁၄ထာဝရဘုရားမိန့်တော်မူသည်ကား၊ ငါပေးသနား၍၊ ငါ၏လူဣသရေလအမျိုး ပိုင်ထိုက်သော အမွေကို ထိခိုက်သော၊ ငါ၏အိမ်နီးချင်းဆိုးအပေါင်းတို့ကို၊ သူတို့ပြည်ထဲက ငါနှုတ်မည်။ သူတို့ထဲကလည်း ယုဒအမျိုးကို ငါနှုတ်မည်။ ၁၅နှုတ်ပြီးမှ တဖန်ငါသနား၍၊ အသီးအသီးတို့ကို မိမိတို့ပိုင်ထိုက်သောမြေ၊ မိမိတို့နေရင်းပြည်သို့ ငါပြန်ပို့မည်။ ၁၆ဗာလဘုရားကို တိုင်တည်၍ ကျိန်ဆိုစေခြင်းငှါ၊ သူတို့သည် ငါ၏လူမျိုးကို သွန်သင်ဘူးသည် နည်းတူ၊ ထာဝရဘုရားအသက်ရှင်တော်မူသည်ဟု ငါ၏နာမကို တိုင်တည်၍ ကျိန်ဆိုခြင်းငှါ၊ ငါ့လူမျိုး၏ ဘာသာဓလေ့ကို ကြိုးစား၍သင်လျှင်၊ ငါ၏လူမျိုးထဲ၌ သူတို့ကို ငါတည်စေမည်။ ၁၇သို့မဟုတ်၊ နားမထောင်ဘဲနေလျှင်၊ နားမထောင်သောလူမျိုးကို ငါသည်ရှင်းရှင်းနှုတ်ပယ်ဖျက်ဆီးမည်ဟု ထာဝရဘုရား မိန့်တော်မူ၏။