ယေရမိ အခန်းကြီး (၁၄)


၁မိုဃ်းပျက်သောအမှုကိုရည်မှတ်၍၊ ယေရမိသို့ရောက်သော ထာဝရဘုရား၏ နှုတ်ကပတ်တော်ဟူမူကား၊ ၂ယုဒပြည်သည် ညည်းတွား၏။ မြို့တံခါးတို့၌ မြည်းတမ်းသော အသံရှိ၏။ နက်သောအဝတ်ကိုမြေတိုင်အောင် ဝတ်၍၊ ယေရုရှလင်မြို့သားတို့၏ ငိုကြွေးခြင်းအသံသည် တက်လေ၏။ ၃မှူးမတ်တို့သည် မိမိသူငယ်တို့ကို ရေခပ်စေလွှတ်၍၊ သူငယ်တို့သည် ရေကျင်းသို့ ရောက်သောအခါ၊ ရေကိုမတွေ့။ အိုးသက်သက်ကိုသာဆောင်ခဲ့လျက် ပြန်လာကြ၏။ ဦးခေါင်းကိုခြုံလျက် ရှက်ကြောက် မှိုင်တွေကြ၏။ ၄မိုဃ်းပြတ်၍မြေအက်ကွဲသောကြောင့်၊ လယ်လုပ်သောသူတို့သည် ဦးခေါင်းကိုခြုံလျက် ရှက်ကြောက်ကြ၏။ ၅သမင်မသည် လယ်ပြင်၌မွေးသောအခါ မြက်မရှိသောကြောင့်၊ သားငယ် ကိုစွန့်ပစ်၏။ ၆မြည်းရိုင်းတို့သည် မြင့်သောအရပ်ပေါ်မှာရပ်လျက် မြေခွေးကဲ့သို့ လေကိုရှူကြ၏။ မြက်မရှိသောကြောင့် သူတို့မျက်စိပျက်လေ၏။

၇အိုထာဝရဘုရား၊ အကျွန်ုပ်တို့၏အပြစ်သည် အကျွန်ုပ်တို့တဘက်၌ သက်သေခံသော်လည်း၊ နာမတော် ကိုထောက်၍ စီရင်တော်မူပါ။ အကျွန်ုပ်တို့သည် ကြိမ်ဖန်များစွာဖောက်ပြန်ပါပြီ။ ကိုယ်တော်ကိုပြစ်မှားပါပြီ။ ၈အိုဣသရေလအမျိုး၏ မြော်လင့်စရာအကြောင်း၊ အမှုရောက်သောကာလ ကယ်တင်တော်မူသောသခင်၊ ကိုယ်တော်သည် အကျွန်ုပ်တို့ပြည်၌ ဧည့်သည်ကဲ့သို့၎င်း၊ တညဥ့်သာ အိပ်ခြင်းငှါ ဝင်သောခရီးသွားကဲ့သို့၎င်း၊ အဘယ်ကြောင့်ဖြစ်တော်မူသနည်း။ ၉မိန်းမောတွေဝေ သောသူကဲ့သို့ ၄င်း၊ ကယ်တင်ခြင်းငှါ မတတ်နိုင်သောသူရဲ ကဲ့သို့၎င်း အဘယ်ကြောင့် ဖြစ်တော်မူသနည်း။ အိုထာဝရဘုရား၊ ကိုယ်တော်သည် အကျွန်ုပ်တို့တွင် ရှိတော်မူ၏။ အကျွန်ုပ်တို့သည် နာမတော်ဖြင့် သမုတ်သောသူဖြစ်ပါ၏။ အကျွန်ုပ်တို့ကို စွန့်ပစ်တော်မမူပါနှင့်။

၁ဝဤလူမျိုးကိုရည်မှတ်၍ ထာဝရဘုရား မိန့်တော်မူသည်ကား၊ ဤလူတို့သည် လှည့်လည်ခြင်းငှါ အလွန် အလိုရှိကြ၏။ မိမိတို့ခြေကို မချုပ်တည်းကြ။ ထိုကြောင့်၊ ထာဝရဘုရား နှစ်သက်တော်မမူ။ သူတို့ပြုသောဒုစရိုက်ကို အောက်မေ့၍၊ သူတို့အပြစ်များကြောင့် စစ်ကြောတော်မူမည်။ ၁၁ထာဝရဘုရားသည် ငါ့အားမိန့်တော်မူသည်ကား၊ ဤလူမျိုးအဘို့ မေတ္တာပို့၍ ဆုမတောင်းနှင့်။ ၁၂သူတို့သည် အစာရှောင်ခြင်း အကျင့်ကို ကျင့်သောအခါ၊ သူတို့အော် ဟစ်သံကိုငါနားမထောင်။ မီးရှို့ရာယဇ်ကိုသော်၎င်း၊ ပူဇော်သက္ကာကို သော်၎င်း ဆက်ကပ်သောအခါ ငါလက်မခံ။ ထားဘေး၊ မွတ်သိပ်ခြင်းဘေး၊ ကာလနာဘေးဖြင့်၊ သူတို့ကို ငါဆုံးစေမည်ဟု ငါမိန့်တော်မူလျှင်၊ ၁၃ငါကလည်း၊ အိုအရှင်ထာဝရဘုရား၊ ပရောဖက်တို့က၊ သင်တို့သည် ထားဘေးကိုမတွေ့ရကြ။ မွတ်သိပ်ခြင်းဘေးသည် သင်တို့ ရှိရာသို့မရောက်ရကြ။ ဤအရပ်၌မြဲသော ငြိမ်သက်ခြင်းကို ငါပေးမည်ဟု၊ ဤသူတို့အား ဟောပြောကြောင်းကို ငါလျှောက်သောအခါ၊ ၁၄ထာဝရဘုရား က၊ ထိုပရောဖက်တို့သည် ငါ၏နာမကိုအမှီပြု၍ မုသာကိုဟောတတ်ကြ၏။ သူတို့ကို ငါမစေလွှတ်၊ မမှာထား၊ ဗျာဒိတ်မပေး။ သူတို့ဟောပြောချက်တို့သည် မျက်စိကိုလှည့်ခြင်း၊ နတ်ပူးခြင်း၊ အချည်းနှီးကြံစည်ခြင်း၊ မိမိဥာဏ်အတိုင်း လှည့်စားခြင်းသက်သက် ဖြစ်ကြ၏။

၁၅ထာဝရဘုရား မိန့်တော်မူသည်ကား၊ ဤပြည်၌ထားဘေး၊ မွတ်သိပ်ခြင်းဘေးမရှိရဟု၊ ငါမစေလွှတ်ဘဲ၊ ငါ့နာမကိုအမှီပြု၍ ကိုယ်အလိုအလျောက်ဟောပြောသော ပရောဖက်တို့သည် ထားဘေး၊ မွတ်သိပ်ခြင်းဘေးဖြင့် ဆုံးရကြလိမ့်မည်။ ၁၆သူတို့၏တရားနာပရိသတ်တို့သည် ကိုယ်တိုင်မှစ၍၊ မယားသားသမီးတို့နှင့်တကွ မွတ်သိပ် ခြင်းဘေး၊ ထားဘေးကြောင့် ယေရုရှလင်မြို့လမ်းထဲသို့ ပစ်ချခြင်းကိုခံရ၍၊ အဘယ်သူမျှမသင်္ဂြိုဟ်ရ။ သူတို့၏အပြစ်ကို သူတို့အပေါ်သို့ ငါညွန်းလောင်းမည်။ ၁၇သင်သည်လည်း သူတို့အား ပြောရမည့်စကားဟူမူကား၊ ငါသည် နေ့ညဥ့် မပြတ် မျက်ရည်ကျရမည်။ ငါ၏လူမျိုး သတို့သမီးသည် အလွန်ပြင်းစွာသော ဒဏ်ချက်ကိုခံရ၍ အရိုးများကျိုးလေပြီ။ ၁၈ငါသည် မြို့ပြင်သို့သွားသောအခါ သတ်သောအသေကောင်များကို တွေ့ရ၏။ မြို့ထဲသို့ဝင်သောအခါ၊ ငတ်မွတ်၍ နာကျင်စွာခံရသောသူများကိုလည်း တွေ့ရ၏။ ပရောဖက်နှင့် ယဇ်ပုရောဟိတ်တို့သည် အဘယ်အမှု ကိုမျှမသိဘဲ အရပ်ရပ်လှည့်လည်ကြ၏။ ၁၉ကိုယ်တော်သည် ယုဒပြည်ကို အကုန်အစင်ပယ်တော်မူသလော။ ဇိအုန်မြို့ကို စက်ဆုတ်ရွံရှာတော်မူသလော။ ချမ်းသာမရအောင် အကျွန်ုပ်တို့ကို အဘယ်ကြောင့် ဒဏ်ခတ်တော်မူသနည်း။ အကျွန်ုပ်တို့သည် ငြိမ်သက်ခြင်းကိုမြော်လင့်သော်လည်း၊ ကောင်းကျိုးကိုမရကြပါ။ ချမ်းသာကိုမြော်လင့်သော်လည်း၊ ဘေးနှင့်သာတွေ့ရကြပါ၏။ ၂ဝအိုထာဝရဘုရား၊ အကျွန်ုပ်တို့သည် ကိုယ်ဒုစရိုက်များနှင့် ဘိုးဘေးတို့၏ အပြစ်များကို ဝန်ချပါ၏။ ကိုယ်တော်ကိုပြစ်မှားပါပြီ။ ၂၁ကိုယ်တော်၏နာမကြောင့်၊ အကျွန်ုပ်တို့ကို စက်ဆုတ်ရွံရှာတော်မမူပါနှင့်။ ဘုန်းတော်ပလ္လင်၏အသရေကို ရှုတ်ချတော်မမူပါနှင့်။ အောက်မေ့တော်မူပါ။ အကျွန်ုပ်တို့နှင့်ဖွဲ့သော ပဋိညာဉ်တော်ကို ဖျက်တော်မမူပါနှင့်။ ၂၂သာသနာပလူတို့ကိုးကွယ်သော ရုပ်တုဆင်းတုတို့တွင် မိုဃ်းရွာစေနိုင်သောသူ ရှိပါသလော။ မိုဃ်းသည် အလိုလိုရွာနိုင်ပါသလော။ အကျွန်ုပ်တို့ဘုရားသခင် ထာဝရဘုရား ကိုယ်တော်သာလျှင် တတ်နိုင်တော် မူသည်မဟုတ်လော။ သို့ဖြစ်၍၊ ကိုယ်တော်ကို မြော်လင့်လျက်နေပါမည်။ ကိုယ်တော်သည် အလုံးစုံတို့ကို ဖန်ဆင်း သောဘုရားဖြစ်တော်မူ၏။