ယေရမိ အခန်းကြီး (၁၆)


၁တဖန် ငါ့ဆီသို့ရောက်လာသော ထာဝရဘုရား၏ နှုတ်ကပတ်တော်ဟူမူကား၊ ၂သင်သည် ဤအရပ်၌ စုံဘက်ခြင်းကိုမပြုရ။ သားသမီးကိုမဘွားမမြင်ရ။ ၃ဤအရပ်၌ ဘွားမြင်သောသားသမီးများကို၎င်း၊ သူတို့မိဘများ ကို၎င်း၊ ထာဝရဘုရားရည်မှတ်၍ မိန့်တော်မူသည်ကား၊ ၄ထိုသူတို့သည် ဆိုးသောသေခြင်းဖြင့် သေရကြလိမ့်မည်။ သူတို့ကို မြည်တမ်း၍ မသင်္ဂြိုဟ်ရ။ မြေပေါ်မှာမစင်ကဲ့သို့ ဖြစ်ကြလိမ့်မည်။ သူတို့သည် ထားဘေးနှင့် မွတ်သိပ်ခြင်း ဘေးဖြင့် ဆုံးခြင်းသို့ရောက်၍၊ အသေကောင်တို့သည် မိုဃ်းကောင်းကင်ငှက်နှင့် တောသားရဲစားစရာဘို့ ဖြစ်ကြ လိမ့်မည်။ ၅ထာဝရဘုရားမိန့်တော်မူသည်ကား၊ မသာအိမ်သို့မဝင်နှင့်။ သေသောသူတို့အတွက် ငိုကြွေးမြည်တမ်း ခြင်းငှါ မသွားနှင့်။ ငါ၏ငြိမ်သက်ခြင်းတည်းဟူသော မေတ္တာကရုဏာကို ဤလူမျိုးမှငါပယ်ရှင်းမည်ဟု မိန့်တော်မူ၏။ ၆ပြည်သူပြည်သား အကြီးအငယ်တို့သည် သေရကြလိမ့်မည်။ သို့သော်လည်း၊ မသင်္ဂြိုဟ်ရ။ သူတို့အတွက်မြည်တမ်း ခြင်းကိုမပြုရ။ ကိုယ်ကိုကိုယ်ရှနခြင်း၊ ဆံပင်ရိတ်ခြင်းကိုလည်း မပြုရ။ ၇သေသောသူတို့အတွက် စိတ်မသာညည်းတွား သောသူတို့ကို နှစ်သိမ့်စေခြင်းငှါ၊ မသာပွဲကိုမလုပ်ရ။ မိဘသေသော်လည်း၊ နှစ်သိမ့်စေသောခွက်ဖလားကို မပေးရ။

၈ထိုနည်းတူ၊ စားသောက်ပွဲခံရန်အိမ်သို့မဝင်နှင့် သူတို့နှင့်ပေါင်းဘော်၍ မစားမသောက်နှင့်၊ ၉ဣသရေလ အမျိုး၏ ဘုရားသခင် ကောင်းကင်ဗိုလ်ခြေအရှင်ထာဝရဘုရား မိန့်တော်မူသည်ကား၊ ဤအရပ်၌ ဝမ်းမြောက် သောအသံ၊ ရွှင်လန်သောအသံ၊ မင်္ဂလာဆောင်သတို့သားအသံ၊ မင်္ဂလာဆောင်သတို့သမီးအသံကို သင်တို့လက် ထက်၊ သင်တို့မျက်မှောက်တွင် ငါစဲစေမည်။ ၁ဝသင်သည် ဤစကားအလုံးစုံတို့ကို ဤလူများအား ကြားပြော၍ သူတို့ကလည်း၊ ထာဝရဘုရားသည် ဤမျှလောက်ကြီးစွာသော ဘေးဒဏ်ကို ငါတို့အား အဘယ်ကြောင့်စီရင် တော်မူသနည်း။ ငါတို့ပြုသော ဒုစရိုက်ကား အဘယ်သို့နည်း။ ငါတို့ဘုရားသခင် ထာဝရဘုရားကို ငါတို့ပြစ်မှား သောအပြစ်ကား၊ အဘယ်သို့နည်းဟု မေးကြသောအခါ၊ ၁၁သင်သည် ထာဝရဘုရား၏ အမိန့်တော်ကို ဆင့်ဆိုရမည် မှာ၊ သင်တို့၏ ဘိုးဘေးတို့သည် ငါ့ကိုစွန့်၍၊ အခြားတပါးသော ဘုရားနောက်သို့ လိုက်လျက်၊ ဝတ်ပြုကိုးကွယ် သဖြင့် ငါ့ကိုစွန့်ပစ်၍၊ ငါ့တရားကိုမစောင့်သောကြောင့်၎င်း၊ ၁၂ဘိုးဘေးကျင့်သောအကျင့်ထက်၊ သင်တို့သည် သာ၍ဆိုးသောအကျင့်ကို ကျင့်သဖြင့်၊ ငါ့စကားကို နားမထောင်၊ မိမိတို့ဆိုးသော စိတ်နှလုံး၊ ခိုင်မာသော သဘောသို့လိုက်သောကြောင့်၎င်း၊ ၁၃သင်တို့နှင့် သင်တို့၏ဘိုးဘေးမသိသော ပြည်သို့ ဤပြည်ထဲကသင်တို့ကို ငါနှင်လိုက်မည်။ ထိုပြည်၌ သင်တို့သည် ငါ၏ကျေးဇူးကို မခံရ။ အခြားတပါးသော ဘုရားတို့ကို နေ့ညဥ့်မပြတ် ဝတ်ပြုရကြမည်။

၁၄သို့ဖြစ်၍၊ ထာဝရဘုရား မိန့်တော်မူသည်ကား၊ ဣသရေလအမျိုးသားတို့ကို အဲဂုတ္တုပြည်မှ နှုတ်ဆောင် သော ထာဝရဘုရား အသက်ရှင်တော်မူသည်ဟူ၍၊ မကျိန်ဆိုဘဲ၊ ၁၅ဣသရေလအမျိုးသားတို့ကို မြောက်ပြည်မှစ၍၊ နှင်ထုတ်ဘူးသောပြည်ရှိသမျှတို့မှ နှုတ်ဆောင်သောထာဝရဘုရား အသက်ရှင်တော်မူ သည်ဟူ၍ ကျိန်ဆိုရသော ကာလသည် နောက်တဖန် ရောက်လိမ့်မည်။ သူတို့ဘိုးဘေးတို့အား ငါပေးသောပြည်သို့ သူတို့ကို ငါတဖန် ဆောင်ခဲ့ဦးမည်။

၁၆ထာဝရဘုရား မိန့်တော်မူသည်ကား၊ ငါသည် တံငါအများတို့ကို စေလွှတ်၍၊ ဤလူမျိုးကို မျှားစေမည်။ ထိုနောက်၊ မုဆိုးအများတို့ကိုစေလွှတ်၍၊ ခပ်သိမ်းသော တောင်ကြီးတောင်ငယ်၊ ချောက်ကြားတို့၌ ရှာစေမည်။ ၁၇သူတို့သွားသမျှသော လမ်းတို့ကို ငါသည်ကြည့်ရှုလျက်နေ၏။ သူတို့သည် ငါ့မျက်ကွယ်၌ သွားကြသည်မဟုတ်။ သူတို့၏ ဒုစရိုက်ကို ငါ့ရှေ့မှာ ဝှက်၍မထားနိုင်။ ၁၈သူတို့သည် ငါ့ပြည်ကို ညစ်ညူးစေ၍၊ ငါအမွေခံသောမြေကို သူတို့သည် စက်ဆုပ်ရွံရှာဘွယ်သော အသေကောင်တို့နှင့် ပြည့်စေသောကြောင့်၊ သူတို့၌ နှစ်ဆသောအပြစ်ဒဏ်ကို ငါပေးမည်။

၁၉အကျွန်ုပ်အစွမ်းသတ္တိ၊ အကျွန်ုပ်ရဲတိုက်၊ အမှုရောက်သော နေ့၌ အကျွန်ုပ်ခိုလှုံရာဖြစ်တော်မူသော ထာဝရဘုရား၊ တပါးအမျိုးသားတို့က၊ အကယ်စင်စစ် အကျွန်ုပ်တို့ ဘိုးဘေးတို့သည် မုသာ၊ အနတ္တ၊ အချည်းနှီး သောအရာတို့ကို အမွေခံကြပါပြီဟု၊ မြေကြီးစွန်းမှ ကိုယ်တော်ထံသို့လာ၍ လျှောက်ကြပါလိမ့်မည်။ ၂ဝလူသည် ဘုရားမဟုတ်သော ဘုရားတို့ကို ကိုယ်အဘို့လုပ်ရမည်လော။ ၂၁သို့ဖြစ်၍၊ ငါသည် ယခုတခါ သူတို့ကို သတိပေး၍ ငါ့လက်နှင့် ငါ့တန်ခိုးကို ဘော်ပြသောအားဖြင့်၊ ငါ့နာမသည် ထာဝရဘုရားဖြစ်ကြောင်းကို သိရကြလိမ့်မည်။