ယေရမိ အခန်းကြီး (၄၆)


၁တပါးအမျိုးကိုရည်မှတ်၍ ပရောဖတ်ယေရမိသို့ရောက်လာသော ထာဝရဘုရား၏ နှုတ်ကပတ်တော်တည်း ဟူသော။ ၂ယုဒရှင်ဘုရင်ယောရှိသား၊ ယောရကိမ်မင်းနန်းစံလေးနှစ်တွင် ကာခေမိတ်အရပ်၊ ဥဖရတ်မြစ်နား၌ တပ်ချ၍ ဗာဗုလုန်ရှင်ဘုရင် နေဗုခဒ်နေဇာလုပ်ကြံသော အဲဂုတ္တုရှင်ဘုရင်ဖာရောနေခေါ်၏ စစ်သူရဲ၊ အဲဂုတ္တုပြည်သားကို ရည်မှန်းသော နှုတ်ကပတ်တော်ဟူမူကား၊ ၃ဒိုင်းလွှားတို့ကို ပြင်ဆင်၍ စစ်တိုက်ခြင်းငှါ ချဉ်းကပ်ကြလော့။ ၄မြင်းဆီးသူရဲများတို့၊ မြင်းကိုက ကြိုးတန်ဆာဆင်၍ စီးပြီးလျှင်၊ သံခမောက်လုံးကို ဆောင်းလျတ် ထွက်ကြလော့။ လှံတို့ကိုပွတ်ကြလော့။ သံချပ်အ င်္ကျီကို ဝတ်ကြလေ့ာ။ ၅သူတို့သည်ကြောက်ရွံ့၍  ဆုပ်သွားကြသည် ကို အဘယ်ကြောင့် ငါမြင်ရသနည်း။ အားကြီးသောသူတိုသည် ရှုံးသဖြင့် ပြန်၍မကြည့်ဝံ့။ အလျင်အမြန်ပြေးကြ၏။ ပတ်လည်အရပ်၌ ဘေးရှိသည်ဟု ထာဝရဘုရားမိန့်တော်မူ၏။ ၆လျင်မြန်သောသူကို မပြေးစေနှင့်။ အားကြီး သောသူကိုမလွတ်စေနှင့်။ ဥဖရတ်မြစ်နား၊ မြောက်မျက်နှာ၌ထိမိ၍ လဲကြလိမ့်မည်။ ၇နိလမြစ်ထသကဲ့သို့၎င်း မြစ်ရေစီသကဲ့သို့၎င်း၊ တက်လာသောဤသူကားအဘယ်သူနည်း။ ၈အဲဂုတ္တုပြည်သည် နိလမြစ်ထ သကဲ့သို့၎င်း၊ မြစ်ရေစီးသကဲ့သို့၎င်းတက်လာလျက်၊ ငါသည်ထ၍ မြေကြီကိုလွှမ်းမိုးမည်။ မြို့နှင့်တကွ မြို့သားတို့ကို ဖျက်ဆီးမည်ဟု ပြောဆို၏။ ၉မြင်းများတို့၊ တက်ကြလော့။ ရထားများတို့၊ ဟုန်းဟုန်းမြည်ကြလော့။ သူရဲများတည်းဟူသော ၊ ဒိုင်းလွှား ကိုကိုင်တက်သော ကုရှအမျိုး၊ ဖုတအမျိုးသား ၊ လေးကိုကိုင်၍ ပစ်တက်သော လုဒိအမျိုးသား တို့သည် ထွက်သွား ကြစေ။ ၁ဝကောင်းကင်ဗိုလ်ခြေအရှင် ထာဝရဘုရား၏ရန်သူတို့ကို ဒဏ်ပေးရသောနေ့၊ အမျက်တော်ကို ဖြေရသော နေ့ရက်ဖြစ်သည်နှင့်အညီ၊ ထားတော်သည် ကိုက်စား၍ ဝလိမ့်မည်။ သူတို့အသွေးနှင့်ယစ်မူးလိမ့်မည်။ ကောင်းကင်ဗိုလ်ခြေ အရှင်ထာဝရဘုရားအဘို့၊ မြောက်မျက်နှာ၌ ဥဖရက်မြစ်နားမှာ ယဇ်ပူဇော်စရာ အကြောင်းရှိ၏။ ၁၁အိုအဲဂုတ္တုသတို့ သမီးကညာ၊ ဂိလဒ်ပြည်သို့ သွား၍ ဗာလစံစေးကို ယူလော့။ သင်သည် များစွာသောဆေးကို အချဉ်းနှီးသုံးတက်၏။ သင်၏ အနာမပျောက်နိုင်ရာ။ ၁၂သင်သည်အရှက်ကွဲကြောင်းကို လူမျိုးတို့သည် ကြားကြပြီ။ သင်မြည်တမ်းသော အသံသည် မြေတပြင်လုံး၌ နှံ့ပြားပြီ။ သူရဲချင်းတယောက်နှင့် တယောက်ထိခိုက်၍၊ နှစ်ယောက်တို့သည် လဲကြပြီဟု မိန့်တော်မူ၏။

၁၃အဲဂုတ္တုပြည်ကို လုပ်ကြံခြင်းငှါ ဗာဗုလုန်ရှင်ဘုရင်  နေဗုဒဒ်နေဇာ လာမည်အကြောင်းကြောင့်၊ ထာဝရ ဘုရားသည် ပရောဖတ်ယေရမိအား မိန့်တော်မူသောစကားဟူမူကား၊ ၁၄သင့်ပတ်လည်၌ နေသော သူတို့ကို ထားတော်သည်  ကိုက်စားပြီ။ ကိုယ်ကိုပြင်ဆင်၍ မြဲမြံစွာ နေလော့ဟု အဲဂုတ္တုပြည်၌ ကြွေးကြော် ကြလော့။ မိဂဒေါလမြို့၌    သိတင်းကြားကြလော့။ နောဖမြို့၊ တာပနက်မြို့၌ လည်းကြားပြောကြလော့။ ၁၅သင်၏ သူရဲသည်အဘယ်ကြောင့် ရှုံးသနည်း။ ထာဝရဘုရားတွန်းချတော်မူသောကြောင့် သူသည် မရပ်မနေနိုင်ရာ၊ ၁၆လူများတို့သည်ထိမိ၍ တယောက် အပေါ်မှာ တယောက်လဲစေခြင်ငှါ ပြုတော်မူသည်ဖြစ်၍၊ သူတို့က ထကြကုန်အံ့၊ ညှဉ်းဆဲတက်သော ထားကြောင့် ကိုယ်အမျိုး ကိုယ်နေရင်းပြည်သို့ ပြန်ကြကုန်အံ့ဟု ပြောဆိုကြ၏။ ၁၇ရောက်ပြီးမှ အဲဂုတ္တုရှင်ဘုရင်ဖာရောမင်း သည်ဆုံးရှုံးပြီ။ စည်းဝေးရသောအချိန်ကို လွန်စေပြီဟု ဟစ်ကြ၏။ ၁၈ကောင်းကင်ဗိုလ်ခြေအရှင်ထာဝရဘုရားဟု ဘွဲ့နာမရှိသော ရှင်ဘုရင်မိန့်တော်မူ သည်ကား၊ ငါသည်အသက်ရှင်သည်ဖြစ်၍၊ တောင်တို့တွင်  တာဗော်တောင်ကဲ့ သို့၎င်း၊ ပင်လယ်နာမှာ ကရမေလ တောင်ကဲ့သို့၎င်းထိုမင်းသည် လာလိမ့်မည်။ ၁၉နေရာကျသောအဲဂုတ္တုသတို့သမီး၊ နေရာပြောင်းဘို့ ကိုယ်အသုံးအဆောင်များကို ပြင်လော့။ အကြောင်းမူကား၊ နောဖမြို့သည် နေသောသူမရှိအောင် သုတ်သင်ဖျက်ဆီးခြင်းကိုခံရမည်။

၂ဝအဲဂုတ္တုပြည်သည်အဆင်းလှသော နွားမဖြစ်၏။ သို့ရာတွင်၊ မြောက်မျက်နှာဘက်က နှောင့်ယှက်ခြင်း အကြောင်းပေါ်လာ၏။ ၂၁သူငှါးတို့သည် သူ၏ အလယ်၌ ဆူအောင်ကျွေးသော  နွားကဲ့သို့ ဖြစ်သော်လည်း၊ ပျက်စီး ခြင်းနေ့၊ ဆုံးမခြင်းကိုခံရသော အချိန်ရောက်သောကြောင့်၊ သူတို့သည်မရပ်မနေ၊ ကျောကိုလှည့်၍ တညီတညွတ် တည်း ပြေးသွားကြ၏။ ၂၂သစ်ခုတ်သောသူကဲ့သို့ ပုဆိန်ပါလျက်၊ လူအလုံးအရင်းနှင့် တကွချီလာကြသောအခါ၊ သူ၏ စကားသံသည် မြွေမြည်သံကဲ့သို့ဖြစ်လိမ့်မည်။ ၂၃ထိုတောသည် အလွန်ရှုပ်သော်လည်း၊ သူတို့သည်ကျိုင်းကောင် ထက်မကမရေတွက်နိုင်အောင်များးသောကြောင့်ခုတ်လှဲကြလိမ့်မည်ဟုထာဝရဘုရားမိန့်တော်မူ၏။ ၂၄အဲဂုတ္တု သတို့သမီးသည် မိန်းမောတွေဝေလျတ်ရှိ၏။ မြောက်မျက်နှာ ပြည်သားတို့လက်သို့ ရောက်လေပြီ။ ၂၅ဣသရေ အမျိုး၏ ဘုရားသခင် ကောင်းကင်ဗိုလ်ခြေအရှင် ထာဝရ မိန့်တော်မူသည်ကား၊ နောမြို့၌ ရှိသော အမ္မုန်ဘုရား နှင့် ဖာရောဘုရင် မှစ၍ အဲဂုတ္တုပြည်သားဘုရားများ၊ ရှင်ဘုရင်များတည်းဟူသော၊ ဖာရောဘုရင် အစရှိသော၊  ထိုဘုရင်ကိုကိုးစားသော သူတို့ကိုငါဆုံးမမည်။ ၂၆သူတို့အသက်ကို ရှာသောသူတည်း ဟူသော ဗာဗုလုန်ရှင်ဘုရင် နေဗုခဒ်နေဇာမင်းနှင့် သူ၏ ကျွန်တို့လက်သို့ သူတို့ကိုငါအပ်မည်။ ထို့နောက်မှ တဖန်  အဲဂုတ္တုပြည်သည် အရင်ကဲ့သို့ စည်ပင်လိမ့်မည်ဟု ထာဝရဘုရား မိန့်တော်မူ၏။

၂၇အိုငါကျွန်ယာကုပ်၊ မကြောက်နှင့်။ အို ဣသရေလအမျိုး၊ စိတ်မပျက်နှင့်။ သင့်ကို ဝေးသော အရပ်မှ၎င်း၊ သင်၏အမျိုးသားတို့ကို သိမ်းသွားရာ ပြည်မှ၎င်း၊ ငါနှုတ်ယူဆောင်ခဲ့သဖြင့်၊ ယာကုပ်အမျိုးသည် ပြန်လာ၍၊ ချောက်လှန့် သော သူမရှိ၊ ငြိမ်ဝပ်ချမ်းသာစွာ နေရလိမ့်မည်။ ၂၈ငါ့ကျွန်ယာကုပ် မကြောက်နှင့်။ သင်နှင့်အတူငါရှိ၏။ သင်ကိုငါနှင်ထုတ်သော တိုင်းနိုင်ငံ ရှိသမျှတို့ကို ငါသည် ဆုံးစေသော်လည်း၊ သင့်ကိုမဆုံးစေ။ သို့ရာတွင်၊ ရှင်းရှင်းအပြစ်မလွတ်ဘဲ  အတော်အတန်ဆုံးမမည်ဟု ထာဝရဘုရားမိန့် တော်မူ၏။