ယောဘ အခန်းကြီး(၁၀)


၁ငါ့ဝိညာဉ်သည် အသက်ကို ငြီးငွေ့၏၊၊ မြည်တမ်းသော အပြစ်ကိုခံရမည်၊၊ စိတ်အလွန်ညိုးငယ်၍ ပြောရမည်။ ၂ဘုရားသခင်ကို လျှောက်ရသောစကားဟူမူကား၊ အကျွန်ုပ်ကို အပြစ်စီရင်တော်မမူပါနှင့်၊၊ အကျွန်ုပ်နှင့် ဆန့်ကျင်ဘက် ပြုတော်မူမည်အကြောင်းကို ပြတော်မူပါ၊၊ ၃ကိုယ်တော်သည် ညှဉ်းဆဲတော်မူ သင့်သလော၊၊ ကိုယ်တိုင်ဖန်ဆင်းသော အရာကို ရွံ့ရှာ၍ လူဆိုးတို့၏ အကြံအစည်ကို ကောင်းကြီး ပေးတော်မူသင့်သလော၊၊ ၄ကိုယ်တော်သည် ရူပမျက်စိ ရှိတော်မူသလော၊၊ လူမြင်သည်နည်းတူမြင်တော် မူသလော၊၊ ၅ကိုယ်တော်၏ နေ့ရက်တို့သည် လူနေ့ရက်ကဲ့သို့ ဖြစ်ပါသလော၊၊ ကိုယ်တော်၏ နှစ်တို့သည် လူယောက်ျား နေ့ရက်ကဲ့သို့ ဖြစ်ပါသလော၊၊ ၆အကျွန်ုပ်ပြုသော ဒုစရိုက် ကို စစ်၍ အပြစ်ကိုတွေ့ခြင်းငှါ အဘယ်ကြောင့် ရှာတော်မူသနည်း၊၊ ၇အကျွန်ုပ်သည် လူဆိုးမဟုတ်ကြောင်းနှင့်  လက်တော်မှ အဘယ်သူမျှမကယ်မနှုတ်နိုင်ကြောင်းကို သိတော်မူ၏၊၊ ၈အကျွန်ုပ်တကိုယ်လုံးကို လက်တော်နှင့် စေ့စပ်စွာ ဖန်ဆင်းတော်မူသည်ဖြစ်၍၊ ယခုဖျက်ဆီးတော်မူမည်လော၊၊ ၉သရွတ်ကိုလုပ်သကဲ့သို့ အကျွန်ုပ်ကိုလုပ်တော်မူ ကြောင်း ကို အောက်မေ့တော်မူပါ၊၊ တဖန်မြေမှုန့် ဖြစ်စေတော်မူမည်လော၊၊ ၁ဝအကျွန်ုပ်ကိုနှို့ကဲ့သို့ သွန်းလောင်း၍ ဒိန်ခဲကဲ့သို့ ခဲစေတော်မူ၍ မဟုတ်လော၊၊ ၁၁အရေအသားဖြင့် ဖုံးလွှမ်း၍ အရိုးနှင့်အကြော တို့ဖြင့် ခိုင်ခံ့စေတော်မူပြီ၊၊ ၁၂အသက်ရှင် ရသောအကြောင်းနှင့်တကွ ကျေးဇူးများကို ပြုတော်မူပြီ၊၊ ကြည့်ရှုပြုစုခြင်း ကျေးဇူးတော်သည်လည်း အကျွန်ုပ်၏ ဝိညာဉ်ကို မစပါပြီ၊၊ ၁၃ယခုရောက်သော အမှုတို့ကိုလည်း၊ နှလုံးတော်၌ သိုထား၍ ကြံစည်တော်မူသည်နှင့်အညီ ရောက်ကြောင်းကို အကျွန်ုပ်သိပါ၏၊၊ ၁၄အကျွန်ုပ်သည် ပြစ်မှားလျှင် ကိုယ်တော်မှတ်တော်မူ၏၊၊ အကျွန်ုပ်အပြစ်ကို လွှတ်တော်မူမည်မဟုတ်၊၊ ၁၅အကျွန်ုပ်သည် ဆိုးညစ်လျှင် အမင်္ဂလာရှိပါ၏၊၊ ဖြောင့်မတ်သော်လည်း ကိုယ်မျက်နှာကိုမပြ ရ၊၊ ကိုယ်ခံရသော ဒုက္ခဆင်းရဲကို ဆင်ခြင်၍ မိန်းမောတွေဝေလျက် နေရပါ၏၊၊ ၁၆အကျွန်ုပ်ထလျှင် ကိုယ်တော်သည် ခြင်္သေ့ကဲ့သို့ အကျွန်ုပ်အပေါ်သို့ခုန်၍ ကြောက်မက်ဘွယ်သော အခြင်းအရာတို့ကို ပြတော်မူ၏၊၊ ၁၇အကျွန်ုပ်တဘက်၌  သက်သေခံတော်မူချက်များပြား၍၊ အမျက်တော်ကိုတိုးပွားစေခြင်းငှါ ပြုတော်မူသဖြင့် အကျွန်ုပ်တဘက်၌ ရန်စစ် တို့သည် အထပ်ထပ်ထကြပါ၏။  ၁၈အကျွန်ုပ်ကို အမိဝမ်းထဲက အဘယ်ကြောင့် ဆောင်ခဲ့တော်မူသနည်း၊၊ ထိုသို့ပြု တော်မမူလျှင် အကျွန်ုပ်သည်အသက်မရှိ၊ အဘယ်သူမျှ အကျွန်ုပ်ကိုမမြင်ရပါ၊၊ ၁၉ထိုသို့အကျွန်ုပ်သည် မဖြစ်သကဲ့ သို့ဖြစ်၍၊ အကျွန်ုပ်ကို အမိဝမ်းထဲမှ သင်္ချိုင်းသို့ ဆောင်ပို့ရကြ၏၊၊ ၂ဝအကျွန်ုပ် နေ့ရက်တို့သည် နည်းပါးသည် မဟုတ်လော၊၊ ၂၁မှောက်မိုက်နှင့်သေခြင်း အရိပ်ဖုံးလွှမ်းသောပြည်၊ သေခြင်းအရိပ်ဖြစ်စေသော ညဥ့်ကဲ့သို့တခဲနက်မိုက် သဖြင့် အလင်းပင်မှောက်မိုက် သက်သက် ဖြစ်၍၊ ရှင်းလင်းခြင်းအလျှင်း မရှိသောပြည်၊ အကျွန်ုပ်တခါရောက်ပြီးမှ တဖန်ပြန်၍ မလာရသော ပြည်သို့အကျွန်ုပ် သွား၍ မရောက်မှီ၊ သက်သာခြင်း၊ အနည်းငယ်ရှိပါမည်အကြောင်း နေတော်မူပါ၊၊ အကျွန်ုပ်ကိုတတ်တိုင်းရှိစေတော်မူပါဟု မြွက်ဆို၏၊၊