ယောဘ အခန်းကြီး(၁၈)


၁တဖန်ရှုအာအမျိုးသား ဗိလဒဒ်မြွက်ဆိုသည်ကား၊ ၂ဤစကားသည် အဘယ်အခါမှ ပြတ်လိမ့် မည်နည်း၊၊ သတိပြုကြ၊၊ သို့မှသာ ငါတို့သည် စကားပြောကြမည်၊၊ ၃သင်သည် ငါတို့ကို တိရစ္ဆာန်ကဲ့သို့ အဘယ်ကြောင့် မှတ်သနည်း၊  အဘယ်ကြောင့် မထီမဲ့မြင်ပြုသနည်း၊၊ ၄အမျက်ထွက်၍ မိမိကိုယ်ကို ကိုက်ဖြတ်သောသူ၊ သင့်အတွက်မြေကြီး ကို စွန့်ပစ်ရမည်လော၊၊ ကျောက်သည် မိမိနေရာမှရွှေ့ရမည်လော။ ၅အကယ်စင်စစ်ဆိုးသောသူ၏ အလင်းသည်ကွယ် လိမ့်မည်၊၊ သူ၏မီးလျှံမတောက်ရ။ ၆သူ၏နေရာ အလင်းသည် မှောင်မိုက်ဖြစ်လိမ့်မည်။ သူ၏ဆီမီးလည်းသေလိမ့် မည်၊ ၇ခိုင်ခံ့စွာသွားသောအခါ ကျဉ်းမြောင်းရာသို့ ရောက်လိမ့်မည်၊၊ မိမိအကြံအစည်အားဖြင့် ရှုံးရလိမ့်မည်၊၊ ၈ပိုက်ထဲသို့ အလိုလိုဝင်တတ်၏၊၊ ကျော့ကွင်းပေါ်မှာ နင်းတတ်၏၊၊ ၉ ဂိုင်းပြုတ်၍ခြေကို မိသဖြင့် ကျော့ကွင်းနှင့် မကျွတ်နိုင် ဘဲနေရ၏၊  ၁ဝမြေ၌ဂျမ်းကြိုးကို သူ့အဘို့ ဝှက်ထားလျက်၊ သူသွားရာလမ်း၌ ထောင်ချောက်ကိုပြင်လျက်ရှိ၏၊၊ ၁၁ကြောက်မက်ဘွယ်သော အခြင်းအရာတို့သည်ဝိုင်း၍ ကျပ်တည်းစွာလိုက်နှင့် ကြလိမ့်မည်၊၊ ၁၂သူသည် ငတ်မွတ် သောအားဖြင့် အားလျော့လျက်၊ ပျက်စီးခြင်းဘေးနှင့် တွေ့လုလျက်ရှိ၏၊၊ ၁၃ထိုဘေးသည် သူ၏အရိုးတို့ကို ကိုက်ခဲ၍ သေမင်း၏သားဦးသည် သူ၏ခွန်အားကို မျိုလိမ့်မည်၊၊ ၁၄သူခိုလှုံအကြောင်းကို သူ၏နေရာမှ ပယ်ရှင်း၍၊ သူ့ကိုယ်ကို ဘေးဒဏ်တို့၏  ရှင်ဘုရင်ထံသို့ဆောင်သွားရ၏၊၊ ၁၅သူ၏နေရာ၌ အရှင်မရှိ၊၊ ပျက်စီးခြင်းဘေးနေ၍ အမိုးပေါ်မှာ ကန့်ဖြူးလျက်ရှိလိမ့်မည်၊ ၁၆သူ၏အမြစ်တို့သည် သွေ့ခြောက်လျက်၊ အခက်အလက်တို့လည်း သေလျက်ရှိကြလိမ့် မည်၊၊ ၁၇မြေပေါ်မှာ သူ့ကိုအောက်မေ့စရာ အမှတ်ပျောက်ပျက်၍ ပွဲသဘင်၌ သူ၏နာမကို အဘယ်သူမျှ မခေါ်မပြော။ ၁၈သူ့ကိုအလင်းထဲက  မှောက်မိုက်ထဲသို့ မောင်း၍ လူ့ပြည်မှနှင်ထုတ်ရ၏၊၊ ၁၉သူ့အမျိုးတွင်သူ့သားမြေးမရှိ၊၊ သူ၏ အိမ်သူအိမ်သား တယောက်မျှ မကျန်ရစ်ရ၊၊ ၂ဝသူ၏လက်ထက်၌ရှိသော သူတို့သည် ထိတ်လန့်သကဲ့သို့၊ သူ့နောက်၌ ဖြစ်သောသူတို့သည် သူ၏ အမှုကြောင့် မိန်းမောတွေဝေကြလိမ့်မည်၊၊ ၂၁အကယ်စင်စစ်ဆိုးသောသူ၏ နေရာသည် ထိုသို့သော လက္ခဏာရှိ၏၊ ဘုရားသခင်ကိုမသိသော သူသည် ထိုသို့သော နေရာသို့ ရောက်လိမ့်မည်ဟုမြွက်ဆို၏။