ယောဘ အခန်းကြီး(၂၁)


၁-၂ယောဘပြန်၍ မြွက်ဆိုသည်ကား၊ ငါ့စကားကိုစေ့စေ့နားထောင်၍ ငါ့အားနှစ်သိမ့်ခြင်းကို ပြုကြလော့၊၊ ၃ငါပြောရသော အခွင့်ရှိစေခြင်းငှါ သည်းခံကြလော့၊၊ ငါပြောပြီးမှပြက်ယယ်ပြုချင်လျှင် ပြုကြလော့၊၊ ၄ငါမြည်တမ်းသော  အရာနှင့် လူဆိုင်သလော၊၊ အဘယ်ကြောင့် စိတ်မတိုသင့်သနည်း၊၊ ၅ငါ့ကိုကြည့်ရှုလျက် မိန်းမောတွေဝေ၍၊ သင်တို့ပစပ်ကို သင်တို့လက်နှင့် ဖုံးအုပ်ကြလော့၊၊ ၆ငါသည်အောက်မေ့ သောအခါ မိန်းမောတွေဝေ၍ ကိုယ်အသားသည် တုန်လှုပ်လျက်ရှိ၏၊၊

၇လူဆိုးတို့သည် အသက်ရှင်ရုံမျှမက၊ အဘယ်ကြောင့် အသက်ကြီး၍ ဘုန်းစည်းစိမ်နှင့် ပြည့်စုံကြသနည်း။ ၈သူတို့သားသမီးတို့သည် သူတို့ပတ်ဝန်းကျင်အရပ်၌၄င်း၊ သူတို့အမျိုးအနွယ်သည် သူတို့ရှေ့မှောက်၌၄င်း၊ နေရာကျ ကြ၏၊၊ ၉သူတို့အိမ်များသည်လည်းဘေးနှင့် လွတ်၍ငြိမ်ဝပ်ကြ၏၊၊ ဘုရားသခင်ဒဏ်ခတ်တော်မူခြင်းနှင့် ကင်းလွတ်ကြ၏။ ၁ဝသူတို့နွားလားသည် မချွတ်မလွှဲအရွယ် လိုက်တတ်၏၊၊ နွားမသည်လည်း ဝမ်းပိုးမပျက်ဘွား တတ်၏၊၊ ၁၁သူတို့သူငယ် များကို သိုးစုကဲ့သို့လွှတ်၍ သားသမီးတို့သည် ကခုန်တတ်ကြ၏၊၊ ၁၂သူတို့သည် ပတ်သာနှင့် စောင်းကိုတီးလျက်၊ သီချင်းဆို၍ နှဲခရာမှုတ်သံနှင့် ဝမ်းမြောက်တတ်ကြ၏၊၊ ၁၃ပျော်မွေ့လျက် အသက်ကာလကို လွန်စေ၍၊ ချက်ခြင်းသေမင်းနိုင်ငံသို့ ဆင်းသက်တတ်ကြ၏၊၊ ၁၄ဘုရားသခင်အားလည်း ငါ့တို့ထံမှ ထွက်သွားလော့။  ကိုယ်တော်၏တရားကို   ငါတို့မသိလိုဟူ၍၄င်း၊ ၁၅အနန္တတန်ခိုးရှင်သည် အဘယ်သို့သောသူဖြစ်၍ ငါတို့သည် ဝတ်ပြုရမည်နည်း၊၊ သူ့ကိုဆုတောင်းလျှင် အဘယ်ကျေးဇူးရှိလိမ့်မည်နည်းဟူ၍၄င်း ဆိုတတ်ကြ၏၊၊

၁၆သို့သော်လည်း သူတို့သည် ကိုယ်စည်းစိမ်ကို ကိုယ်မပိုင်ကြ၊၊ မတရားသောသူတို့၏ အကြံအစည်ကို ငါသည်ဝန်မခံ။ ၁၇မတရားသောသူတို့၏ မီးခွက်သည်သေ၍၊ သူတို့ကို ဖျက်ဆီးခြင်းငှါ ဘုရားသခင်သည် အမျက်တော်ထွက်သဖြင့်၊ ဘယ်နှစ်ကြိမ်ဘေးဥပဒ်တို့ကို စီရင်တော်မူဘူးသည်ကို၎င်း၊ ၁၈သူတို့သည် လေရှေ့မှာ အမှိုက်နှင့် မုန်တိုင်းတိုက်သွားသော ဖွဲကဲ့သို့ ဘယ်နှစ်ကြိမ်ဖြစ်ဘူးသည်ကို၎င်း၊ ၁၉ဘုရားသခင်သည် သူ၏အပြစ်ကို သူ၏သားသမီးတို့အဘို့ ဘယ်နှစ်ကြိမ် သုိုထားတော်မူဘူးသည်ကို၎င်း၊ သူသည် ကိုယ်တိုင်သိ၍ ၂ဝကိုယ်ပျက်စီးခြင်းကို ကိုယ်မျက်စိနှင့်မြင်လျက်၊ အနန္တတန်ခိုးရှင်၏ အမျက်တော်ကို သောက်စိမ့်သောငှါ သူ၏အပြစ်ကိုဘယ်နှစ်ကြိမ် ဆပ်ပေးတော်မူဘူးသည်ကို၎င်း သိမှတ်ကြလော့၊၊ ၂၁သူနေရသော နှစ်လစေ့သောအခါ၊ သူ့သားသမီးတို့၌ ရောက်သောအမှုနှင့် သူသည်အဘယ်သို့ ဆိုင်သနည်း၊၊ ၂၂မြင့်သောအရပ်၌နေသော သူတို့ကို အစိုးရတော်မူသော ဘုရားသခင်ကို အဘယ်သူ သွန်သင်လိမ့်မည်နည်း၊၊ ၂၃တယောက်သောသူကား ခွန်အားနှင့် ပြည့်စုံလျက်၊ ငြိမ်ဝပ်ချမ်းသာစွာ သေတတ်၏၊၊ ၂၄သူ၏နံဖေးတို့သည် ဆူဖြိုး၍ အရိုးတို့လည်းခြင်ဆီနှင့် စိုစွတ်ကြ၏။ ၂၅တယောက်သောသူကား တခါမျှ မပျော်မွေ့၊ စိတ်ညိုးငယ်လျက်သေတတ်၏၊၊ ၂၆နှစ်ယောက်လုံးတို့သည် မခြားမနား မြေမှုန့်၌အိပ်၍ တီကောင်များ ဖုံးလွှမ်းခြင်းကို ခံရကြ၏။

၂၇သင်တို့သည် အောက်မေ့သောအရာ၊ ငါ့ကိုမနာလိုသောစိတ်နှင့် ဆင်ခြင်သောအရာတို့ကို ငါသိ၏၊၊ ၂၈အာဏာထားတတ်သော သူ၏အိမ်သည်အဘယ်ရှိသနည်း၊၊ မတရားသော သူတို့၏ ဘုံဗိမာန်တို့သည် အဘယ်မှာ ရှိသနည်းဟူ သင်တို့သည်ဆိုကြလိမ့်မည်။ ၂၉ခရီးသွားသောသူတို့ကို မမေးကြဘူးသလော။ ၃ဝဖျက်ဆီးရာနေ့ရက် ကာလဘို့မတရားသော သူတို့သည် ယခုဘေးလွတ်လိမ့်မည် အကြောင်း၊ ဒေါသအမျက်ခံရာနေ့ရက်ကာလဘို့ ယခုထွက်မြောက်လိမ့်မည် အကြောင်းတည်းဟူသော သူတို့လက္ခဏာသက်သေများကိုမသိကြသလော။ ၃၁သူပြုသော အမှုကိုသူ့ရှေ့မှာ အဘယ်သူဘော်ပြ လိမ့်မည်နည်း။ သူ၏အပြစ်နှင့် အလျောက်အဘယ်သူ ဆပ်ပေးလိမ့်မည်နည်း။ ၃၂သူသည် သင်္ဂြိုဟ်ခြင်းသို့ ရောက်၍ သူ၏သင်္ချိုင်းပုံကို အစောင့်ထားကြလိမ့်မည်၊ ၃၃သူသည် ချိုင့်မြေစိုင်တို့ ကို  ချိုနိုးထင်လိမ့်မည်။  မရေတွက်နိုင်အောင် များစွာသော သူတို့သည် သူ့ရှေ့၌ သွားနှင့်သကဲ့သို့၊ သူသည် လူခပ်သိမ်းတို့ကို မိမိနောက်၌သွေးဆောင်လိမ့်မည်၊၊ ၃၄သို့ဖြစ်၍ သင်တို့ပြန်ပြောသော စကား၌မုသာပါ သောကြောင့်၊ အဘယ်သုိ့ငါ့ကို အချည်းနှီး နှစ်သိမ့်စေကြလိမ့်မည်နည်းဟု မြွက်ဆို၏။