ယောဘ အခန်းကြီး(၂၂)


၁တဖန်တေမန်အမျိုးသားဧလိဖတ် မြွက်ဆိုသည်ကား၊ ၂လူသည်မိမိပညာအားဖြင့် မိမိအကျိုးကို ပြုစုသကဲ့သို့  ဘုရားသခင်၌ ကျေးဇူးပြုနိုင်သလော့။ ၃သင်၏ ဖြောင့်မတ်ခြင်းအားဖြင့်၊ အနန္တတန်ခိုးရှင်သည် ကျေးဇူးရှိတော်မူ သလော။ သင်၏အကျင့်၌ အပြစ်မပါကြောင်းကို ထင်ရှားစေသောအားဖြင့် အကျိုးစီးပွား ရှိတော်မူသလော၊၊ ၄သင့်ကို ကြောက်ရွံ့သောကြောင့် ဆုံးမ ပေးတော်မူမည်လော။ ၅သင်နှင့်တရားတွေ့ တော်မူမည်လော။ သင်ပြုသော ဒုစရိုက် သည် အလွန်ကြီးသည် မဟုတ်လော။ သင့်အပြစ်တို့သည် မရေတွက်နိုင်အောင် များပြားသည်မဟုတ်လော။ ၆သင်သည် ညီအစ်ကိုပေါင်ထား သော ဥစ္စာကိုမတရားသဖြင့် ခံယူပြီ။ ဆင်းရဲသောသူတို့၏ အဝတ်ကိုလည်း ချွတ်ယူပြီ။ ၇မောသောသူသောက်ဘို့ ရေကိုမပေး၊ ငတ်မွတ်သောသူကိုမကျွေး၊၊ ၈အားကြီးသောသူမူကား မြေကိုပိုင်ရ၏၊၊ ဂုဏ်အသရေရှိသော သူသည် နေရသောအခွင့်ကိုရ၏။ ၉သင်သည် မုတ်ဆိုးမတို့ကို လက်ချည်းလွှတ်လိုက်၍၊ မိဘမရှိသော သူငယ်တို့၏ လက်ကို ချိုးပြီ၊၊ ၁ဝထိုကြောင့်ကျော့ကွင်းနှင့် ကျော့မိပြီ၊၊ ထိတ်လန့်သော စိတ်နှင့် ပင်ပန်းရ၏။ ၁၁မမြင်နိုင်သော မှောင်မိုက်သည် ညှဉ်းဆဲ၍ ပြင်းစွာစီးသော ရေသည်လွှမ်းမိုးရ၏။ ၁၂ဘုရားသခင်သည် ကောင်းကင်ဘဝဂ် ပေါ်မှာ ရှိတော်မူသည်မဟုတ်လော။ ကြယ်တို့သည် အဘယ်မျှလောက် မြင့်ကြသည်တကား။ ၁၃သို့ဖြစ်၍သင်က၊ ဘုရားသခင်သည် အဘယ်သို့ သိတော်မူမည်နည်း။ ထူသောတိမ်တိုက်ကွယ်လျက်နှင့် စီရင်တော်မူနိုင်မည်လော။ ၁၄မမြင်နိုင်အောင် ထူထပ်သော တိမ်တို့သည် ကိုယ်တော်ကို လွှမ်းမိုးကြ၏၊၊ ကောင်းကင်စကြဝဠာထိပ်ပေါ်မှာ လှည့်လည်တော်မူသည်ဟု ဆိုတတ်၏၊  ၁၅ကာလအချိန်မစေ့မှီဖျက်ဆီးခြင်း၊ ရေလွှမ်းမိုး၍၊ ၁၆-၁၇အခြေအမြစ်ပယ်ရှင်းခြင်းကို ခံရသော သူတည်းဟူသော ဘုရားသခင်အား ငါတို့ထံမှ ထွက်သွားလော့ဟူ၍၄င်း၊ အနန္တတန်ခိုးရှင်သည် ငါတို့အဘို့ အဘယ်သို့ ပြုနိုင်သနည်းဟူ၍၄င်း၊ ဆိုတတ်သော အဓမ္မလူတို့လိုက်ဘူးသော လမ်းဟောင်းကို သင်သည် လိုက်ဦး မည်လော၊၊ ၁၈သို့ရာတွင်  ဘုရားသခင်သည် သူတို့အိမ်ကိုကောင်းသောအရာနှင့် ပြည့်စေတော်မူ၏၊၊ မတရား သောသူတို့၏ အကြံအစည်ကို ငါသည်ဝန်မခံ၊၊ ၁၉ဖြောင့်မတ်သောသူတို့သည် ကြည့်မြင်၍ ဝမ်းမြောက်ကြ၏။ အပြစ်ကင်းသော သူတို့သည် ထိုအဓမ္မလူတို့ကို ကဲ့ရဲ့တတ်ကြ၏၊၊ ၂ဝအကယ်စင်စစ် ငါတို့ရန်သူသည် ပျက်စီးလေပြီ။ သူ၏စည်းစိမ်ကို မီးလောင်လေပြီဟု ဆိုရကြ၏၊၊

၂၁ဘုရားသခင်နှင့် အကျွမ်းဝင်၍ မိဿဟာယဖွဲ့လော့။ ထိုသို့ပြုမှ ကောင်းစားခြင်းသို့ ရောက်ရလိမ့်မည်။ ၂၂နှုတ်တော်ထွက်တရားကို ခံယူ၍ စကားတော်ကို နှလုံး၌ သွင်းပါလော့၊၊ ၂၃အနန္တတန်ခိုးရှင်ထံတော်သို့ ပြန်လာလျှင် တည်ဆောက်ခြင်းရှိလိမ့်မည်။ သင့်အိမ်မှဒုစရိုက်ကိုပယ်ရှားလျှင်၊ ၂၄ရွှေကို မြေမှုန့်ကဲ့သို့၎င်း၊ သြဖိရရွှေကို မြစ်၌ရှိသော ကျောက်စရစ်ကဲ့သို့၎င်း၊ သိုထားရလိမ့်မည်။ ၂၅ထိုအခါအနန္တတန်ခိုးရှင်သည် သင်၌ရွှေရတနာ၊ သင်သုံးရသောငွေ ဘဏ္ဍာဖြစ်တော်မူလိမ့်မည်။ ၂၆သင်သည် အနန္တတန်ခိုးရှင်၌ မွေ့လျော်၍ ဘုရားသခင်ကို ဖူးမြော်ရသောအခွင့်ရှိလိမ့် မည်၊၊ ၂၇သင်ဆုတောင်းသောအခါ နားထောင်တော်မူမည်။ သစ္စာဂတိထားသည်အတိုင်း၊ သစ္စာဝတ်ဖြေရသောအခွင့် ရှိလိမ့်မည်၊၊ ၂၈သင်ကြံစည်သော အကြံအစည်သည် ထမြောက်၍၊ သင်သွားသောလမ်း၌ ရောင်ခြည်ထွန်းလိမ့်မည်။ ၂၉သူတပါးတို့သည် နှိမ့်ချခြင်းကို ခံရသောအခါ သင်ကမြှောက်သောအခွင့်ရှိသည်ဟု ဆိုရလိမ့်မည်။ စိတ်နှိမ့်ချသော သူကို ကယ်တင်တော်မူလိမ့်မည်။ ၃ဝအပြစ်မကင်းသော သူကိုပင်ကယ်နှုတ်တော်မူလိမ့်မည်။ သင်ပြုသောအမှု သန့် ရှင်းသောအားဖြင့် သူသည် ကယ်တင်ခြင်းသို့ ရောက်လိမ့်မည်ဟု မြွက်ဆို၏။