ယောဘ အခန်းကြီး(၂၈)


၁ငွေလိုက်သော ငွေကြောင်းသည် စင်စစ်ရှိ၏၊၊ လူစစ်တတ်သော ရွှေနေရာလည်းရှိ၏၊၊ ၂သံကိုမြေကြီးထဲက တူးယူတတ်၏၊၊ ကျောက်ကိုချက်၍ ကြေးနီကိုရတတ်၏၊၊ ၃လူသည် မှောင်မိုက်ကို ပျောက်စေတတ်၏၊၊ အဆုံးတိုင်အောင်၎င်း မှောက်မိုက်ကျောက်၊ သေမင်းအရိပ်တိုင်အောင်၎င်း၊ လိုက်၍စစ်တတ်၏၊၊ ၄တောင်ခြေရင်း၌တွင်းတူး၍ ခြေဖြင့်ကိုယ်ကိုမထောင်ဘဲဆင်း၍ လူနေရာကိုစွန့်သွား တတ်၏၊၊ ၅မြေသည် စားစရာကိုပေးတတ်သော်လည်း၊ အောက် အရပ်၌ မီးဖြင့် ပျက်သကဲ့သို့ အပျက်ခံရ၏၊၊ ၆သူ၏ကျောက်တို့သည် ကျောက်နီနေရာဖြစ်၏၊၊ မြေမှုန့်လည်း ရွှေဖြစ်၏၊ ၇အဘယ်ငှက်မျှမသိ၊ လင်းတမျက်စိလည်း မမြင်သေးသောလမ်းရှိ၏၊၊ ၈ထိုလမ်းကို သားရဲမနင်း၊ ခြင်္သေ့မရှောက်သေး၊ ၉လူသည် ကျောက်ပေါ်မှာလက်တင်၍ တောင်တို့ကို ခြေရင်းတိုင်အောင် မှောက်တတ်၏၊၊ ၁ဝကျောက်တို့တွင် ရေစီး စေတတ်၏၊၊ သူ၏မျက်စိသည် ထူးဆန်းသော အရာရှိသမျှတို့ကို ကြည့်မြင်တတ်၏၊၊ ၁၁စီးသောရေကို တဖန်ဖြတ်၍ ဝှက်ထားသော အရာတို့ကို ထုတ်ဘော်တတ်၏၊၊

၁၂သို့ရာတွင် ပညာကိုအဘယ်မှာ တွေ့ရလိမ့်မည်နည်း၊၊ ဥာဏ်သည်လည်း အဘယ်အရပ်၌ နေသနည်း၊၊ ၁၃ဥာဏ်ပညာအဘိုးကို လူမသိနိုင်၊၊ အသက်ရှင်သောသူတို့၏ နေရာ၌ ရှာ၍မတွေ့နိုင်၊၊ ၁၄နက်နဲသော အရပ်က ငါ၌ မရှိ၊၊ ပင်လယ်ကလည်း၊ ငါ၌မရှိဟုဆိုတတ်၏၊၊ ၁၅ရွှေစင်ကိုပေး၍ပညာကိုမရ၊၊ ငွေကိုချိန်၍ ပညာအဘိုးကို မမှီနိုင်၊၊ ၁၆သြဖိရရွှေ၊ မြတ်သော ရှဟံကျောက်၊ နီလာကျောက်နှင့် ဝယ်သော်လည်း မရနိုင်၊၊ ၁၇ရွှေဖြစ်စေ၊ ကျောက်သလင်းဖြစ် စေမမှီနိုင်၊၊ ရွှေစင်တန်ဆာများနှင့် ဖယ်လှည်၍ မရနိုင်၊၊ ၁၈သန္တာနှင့် ပုလဲကိုပြောစရာမရှိ၊၊ ပညာသည် ပတ္တမြားထက် သာ၍ အဘိုးကြီး၏၊၊ ၁၉ကုရှဥဿဘယားသည် မမှီနိုင်၊၊ အမြတ်ဆုံးသော ရွှေနှင့်ဝယ်၍ မရနိုင်၊၊

၂ဝသို့ဖြစ်၍ ပညာသည် အဘယ်က လာသနည်း၊၊ ဥာဏ်သည် အဘယ်ဆီမှာ နေရာကျသနည်း၊၊ အသက်ရှင်သော သတ္တဝါတစုံတယောက်မျှ ကြည့်၍မမြင်နိုင်၊၊ မိုဃ်းကောင်းကင်ငှက်တို့သည် ရှာ၍မတွေ့နိုင်၊၊ ၂၂အဗဒ္ဒုန်မင်းနှင့် သေမင်းတို့က၊ ပညာ၏သိတင်းကိုနားနှင့် ကြားရုံမျှသာရှိသည်ဟု ဆိုတတ်ကြ၏၊၊ ၂၃ဘုရားသခင်သာလျှင် ပညာလမ်း ကိုနားလည်တော်မူ၏၊၊ ၂၄ပညာနေရာအရပ်ကိုသိတော်မူ၏၊၊ ၂၅လေကိုချိန်လျက်၊ ရေကိုလည်းခြင်လျက်၊ မြေကြီးစွန်း တိုင်အောင်ကြည့်ရှု၍၊ ကောင်းကင်အောက်၌ ရှိသမျှတို့ကို မြင်တော်မူ၏၊၊ ၂၆မိုဃ်းရွာမှုကို စီရင်၍၊ မိုဃ်းကြိုးလျှပ်စစ် ပြက်ရာ လမ်းကို ဖန်ဆင်းသောအခါ၊ ၂၇ပညာကိုမြင်၍ ဘော်ပြတော်မူ၏၊၊ ၂၈ပညာတရားကိုထား၍ စုံစမ်းတော်မူ၏၊ ၂၈လူတို့အားလည်း ထာဝရဘုရားကို ကြောက်ရွှံ့ခြင်းသည် ပညာဖြစ်ကြောင်းနှင့်၊ ဒုစရိုက်ကိုရှောင်ခြင်းသည် ဥာဏ် ဖြစ်ကြောင်းကို မိန့်တော်မူပြီဟု မြွက်ဆို၏၊၊