ယောလ အခန်းကြီး(၃)


၁ထိုနေ့ရက်ကာလ၌ အထက်ကသိမ်းသွားခြင်းကို ခံရသောယုဒပြည်သူ၊ ယေရုရှလင်မြို့သားတို့ကို ငါဆောင်ခဲ့ပြန်သောအခါ၊ ၂ခပ်သိမ်းသောလူမျိုးတကာတို့ကို ငါသည်စုဝေးစေ၍ ယောရှဖတ်ချိုင့်သို့ ခေါ်ခဲ့မည်။ သူတို့သည်ငါ့ပြည်ကို ဝေဖန်၍ အတိုင်းတိုင်း အပြည်ပြည်တို့တွင် ကွဲပြားစေသော ငါ၏အမွေလူ ဣသရေလအမျိုး ဘက်မှာ ငါသည်တရားစီရင်မည်။ ၃သူတို့သည် ငါ၏လူတို့အဘို့ စာရေးတံချကြမည်။ လူကလေးကို ပြည်တန်ဆာ နှင့်၎င်း၊ မိန်းမကလေးကို မိမိသောက်စရာ စပျစ်ရည်နှင့်၎င်း ဖယ်လှယ်ကြပြီတကား။ ၄အိုတုရုမြို့၊ ဇိဒုန်မြို့၊ ပါလေတ္တိန ပြည်နှင့် နီးစပ်သောအရပ်ရှိသမျှတို့၊ သင်တို့သည် ငါနှင့်အဘယ်သို့ဆိုင်ကြသနည်း။ ငါ့ကိုရန်တုံ့ပြုကြမည်လော။ ငါ့ကိုရန်တုံ့ပြုကြလျှင်၊ ထိုရန်ကို သင်တို့ခေါင်းပေါ်သို့ အလျှင်အမြန်ငါပြန်ရောက်စေမည်။ ၅သင်တို့သည် ငါ့ရွှေငွေကို ယူ၍၊ ငါနှစ်သက်ဘွယ်သော ဥစ္စာမြတ်တို့ကို သင်တို့ဘုံဗိမာန်ထဲသို့ သွင်းသောကြောင့်၎င်း၊ ၆ယုဒပြည်သူ၊ ယေရုရှလင်မြို့သားတို့ကို နေရင်းပြည်မှ အဝေးသို့ ပြောင်းစေလိုသောငှါ၊ ဟေလသအမျိုးသားတို့အား ရောင်းလိုက်သောကြောင့်၎င်း၊ ၇သင်တို့ရောင်းလိုက်ရာအရပ်မှ ငါသည် ထမြောက်၍၊ သင်တို့ရန်တုံ့ပြုခြင်းကို သင်တို့ခေါင်းပေါ်သို့ ပြန်ရောက်စေမည်။ ၈သင်တို့သားသမီးများကိုလည်း ယုဒအမျိုးသား တို့၌ငါရောင်း၍၊ သူတို့သည် တဖန်ဝေးသော အမျိုး၊ ရှေဘပြည်သားတို့၌ ရောင်းလိုက်ကြလိမ့်မည်။ ထိုသို့ ထာဝရမိန့်တော်မူပြီ။

၉ဤအမှုကို တပါးအမျိုးသားတို့အား ကြားပြောကြလော့။ စစ်တိုက်ခြင်းငှါ ပြင်ဆင်၍၊ စစ်သူရဲတို့ကို နှိုးဆော်ကြလော့။ စစ်သူရဲအပေါင်းတို့သည် ချဉ်းကပ်၍ တက်လာကြစေ။ ၁ဝသံထွန်သွားများကို ထားဖြစ်စေခြင်းငှါ ၄င်း၊ တံစဉ်များကို လှံဖြစ်စေခြင်းငှါ၎င်း၊ ထုလုပ်ကြလော့။ အားနည်းသောသူက၊ ငါအားကြီးသည်ဟု ပြောဆိုစဉ်။ ၁၁ပတ်လည်၌နေသော တပါးအမျိုးအပေါင်းတို့၊ စုဝေး၍လာကြလော့။ သင်းဖွဲ့ကြလော့။ စုဝေးရာအရပ်၌ သင်တို့ သူရဲများကို ထာဝရဘုရား နှိမ့်ချတော်မူမည်။ ၁၂တပါးအမျိုးသားတို့သည် ထ၍ ယောရှဖတ်ချိုင့်သို့ တတ်လာကြစေ။ ပတ်လည်၌နေသောတပါးအမျိုးသား အပေါင်းတို့ကို စစ်ကြောစီရင်ခြင်းငှါ၊ ထိုအရပ်၌ ငါထိုင်မည်။ ၁၃ရိတ်စရာစပါးမှည့်သောကြောင့် တံစဉ်ကိုလွှတ်ကြလော့။ စပျစ်သီးနယ်ရာတန်ဆာပြည်၍၊ စပျစ်ရည်ကျင်း တို့သည်  လျှံသောကြောင့်လာကြ။ ဆင်းကြလော့။ အကြောင်းမူကား၊ သူတို့ပြုသောဒုစရိုက်အပြစ်သည် ကြီးလှ၏။ ၁၄ကွပ်မျက်ရာချိုင့်၌ လူများစည်းဝေးလျက်၊ လူများစည်းဝေးလျက်ရှိကြ၏။ ကွပ်မျက်ရာချိုင့်၌ ထာဝရဘုရား၏ ချိုင့်တို့သည်ရောက်လုနီးပြီ။ ၁၅နေနှင့်လသည် မိုက်လိမ့်မည်။ ကြယ်တို့သည်လည်း မထွန်းလင်းဘဲ နေကြလိမ့်မည်။ ၁၆ထာဝရဘုရားသည်လည်း ဇိအုန်တောင်ပေါ်က ကြွေးကြော်၍၊ ယေရုရှလင်မြို့ထဲက အသံကိုလွှင့်တော်မူသဖြင့်၊ မိုဃ်းကောင်းကင်နှင့် မြေကြီးသည် တုန်လှုပ်လိမ့်မည်။ သို့ရာတွင် ထာဝရဘုရားသည် မိမိလူတို့၏ ခိုလှုံရာ၊ ဣသရေလအမျိုးသားတို့သည် အစွမ်းသတ္တိ ဖြစ်တော်မူလိမ့်မည်။ ငါသည်လည်း ငါ၏သန့်ရှင်းသော ဇိအုန်တောင် ပေါ်မှာ နေသောသင်တို့၏ ဘုရားသခင် ထာဝရဘုရားဖြစ်ကြောင်းကို သင်တို့သိရကြလိမ့်မည်။ ယေရုရှလင်မြို့သည် လည်း သန့်ရှင်းလိမ့်မည်။ နောက်တဖန် ထိုမြို့ကို တပါးအမျိုးသားမနင်းရ။

၁၈ထိုကာလ၌ ချိုသောစပျစ်ရည်သည် တောင်တို့မှ ယိုလိမ့်မည်။ နို့ရည်သည် ကုန်းတို့မှ ထွက်လိမ့်မည်။ ယုဒမြစ်ရှိသမျှတို့သည် ရေစီးကြလိမ့်မည်။ ထာဝရဘုရား၏ အိမ်တော်ထဲက စမ်းရေထွက်၍ ရှိတ္တိမ်ချိုင့်ကို စိုစေလိမ့်မည်။ ၁၉ယုဒပြည်၌ အပြစ်မရှိသောသူတို့ကို သတ်၍ ယုဒအမျိုးသားတို့ကို ညှဉ်းဆဲသောကြောင့်၊ အဲဂုတ္တုပြည်သည် လူဆိတ်ညံလျက်ရှိလိမ့်မည်။ ဧဒုံပြည်သည်လည်း လူဆိတ်ညံသောတောဖြစ်လိမ့်မည်။ ၂ဝယုဒပြည်မူကား၊ ထာဝရပြည်၊ ယေရုရှလင်မြို့မူကား၊ ကာလအစဉ်အဆက်တည်သော မြို့ဖြစ်လိမ့်မည်။ ၂၁ထိုမြို့သား တို့သည် အသေသတ်ခြင်းကို ခံရသောအပြစ်ကြောင့် ငါသည်မပေးသေးသောဒဏ်ကို တဖန်ပေးဦးမည်။ ထာဝရဘုရားဇိအုန်တောင်ပေါ်မှာ ကျိန်းဝပ်တော်မူသတည်း။

 

ပရောဖက် ယောလစီရင်ရေးထားသော အနာဂတ္တိကျမ်းပြီး၏။