ဟေရှာယ အခန်းကြီး (၁၁)


၁ယေရှဲအမျိုးအငုတ်၌ အတက်ပေါက်လိမ့်မည်၊၊ သူ၏အမြစ်တို့တွင် အညွန့်သည် အသီးသီးလ်ိမ့်မည်၊၊                         ၂ထာဝရဘုရား၏ ဝိညာဉ်တော်တည်းဟူသော ဥာဏ်ပညာကိုပေးသော ဝိညာဉ်၊ ကြံစည်တတ်စွမ်းနိုင်သော သတ္တိကို ပေးသောဝိညာဉ်၊ ထာဝရဘုရားကိုသိ၍ ကြောက်ရွံ့သောသဘောကို ပေးသော ဝိညာဉ်တော်သည် ထိုသူအပေါ်မှာ ကျိန်းဝပ်တော်မူလိမ့်မည်၊၊ ၃ထိုသူသည် ထာဝရဘုရားကို ကြောက်ရွံ့ခြင်း၌ မွေ့လျော်သည်ဖြစ်၍၊ မိမိမျက်စိမြင် သည်အတိုင်း တရားမစီရင်၊ မိမိနားကြားသည်အတိုင်း မဆုံးဖြတ်ဘဲ၊  ၄ဆင်းရဲသားတို့၏ အမှုကို တရားတော်အတိုင်း စီရင်၍၊ နှိမ့်ချသော မြေကြီးသားတို့ဘက်၌ နေလျက်၊ ဖြောင့်မတ်စွာဆုံးဖြတ်လိမ့်မည်၊၊ မြေကြီးကို နှုတ်ကပတ်တော် လှံတံနှင့်ဒဏ်ခတ်၍၊ ဆိုးသောသူကိုနှုတ်ခမ်းထွက်သက်နှင့်ကွပ်မျက်လိမ့်မည်၊၊ ၅တရားနှင့်သစ္စာသည် သူ၏ ခါးပန်းခါးစည်းဖြစ်လ်ိမ့်မည်၊၊

၆တောခွေးသည် သိုးသငယ်နှင့်အတူနေလိမ့်မည်၊၊ ကျားသစ်သည် ဆိတ်သငယ်နှင့်အတူ အိပ်လိမ့်မည်၊၊ နွားသငယ်၊ ခြင်္သေ့သငယ်၊ ဆူအောင်ကျွေးသော အကောင်တို့သည် အတူသွားလာကြ၍၊ လူသူငယ်သည် သူတို့ကို ပို့ဆောင်လိမ့်မည်၊၊ ၇နွားမနှင့်ဝံမသည် အတူကျက်စား၍၊ သူတို့သားငယ်များသည် အတူအိပ်ကြ လိမ့်မည်၊၊ ခြင်္သေ့သည် လည်း နွားကဲ့သို့မြက်ကို စားလိမ့်မည်၊၊ ၈နို့စို့သူငယ်သည်လည်း မြွေဆိုးတွင်းပေါ်မှာ ကစားလိမ့်မည်၊၊ နို့ကွာသော သူငယ်သည်လည်း၊ မြွေဟောက်တွင်းဝ၌ မိမိလက်ကိုသွင်းလိမ့်မည်၊၊ ၉ငါ၏သန့်ရှင်းသော တောင်တပြင်လုံး၌ အချင်းချင်းညှဉ်းဆဲခြင်း၊ ဖျက်ဆီးခြင်းကိုမပြုရကြ၊၊ အကြောင်းမူကား၊ ပင်လယ်ရေသည် မိမိနေရာကို လွှမ်းမိုးသကဲ့သို့၊ မြေကြီး သည် ထာဝရဘုရားကို သိကျွမ်းခြင်းပညာ နှင့်ပြည့်စုံလိမ့်မည်၊၊

၁ဝထိုကာလ၌ ယေရှဲ၏အမြစ်သည်ပေါက်၍၊ လူများအဘို့ထူသော အလံဖြစ်လိမ့်မည်၊၊ ထိုအလံ၌ တပါး အမျိုး သားတို့သည် ဆည်းကပ်ကြလိမ့်မည်၊၊ ကျိန်းဝပ်တော်မူရာအရပ်သည်လည်း ဘုန်းကြီးလိမ့်မည်၊၊ ၁၁ထိုကာလ၌ ထာဝရ ဘုရားသည် လက်တော်ကို ဆန့်၍၊ ကျန်ကြွင်းသော ကိုယ်တော်၏လူတို့ကိုအာရှုရိပြည်၊ အဲဂုတ္တုပြည်၊ ပါသရုပြည်၊ ကုရှပြည်၊ ဧလံပြည်၊ ရှိနာပြည်၊ ဟာမတ်ပြည်၊ ပင်လယ်ဘတက်၌ ရှိသောပြည်များတို့မှ ကယ်ယူခြင်းငှါ တဖန် ပြုတော်မူလိမ့်မည်၊၊ ၁၂တပါးအမျိုးသားတို့အဘို့အလံကို ထူတော်မူသဖြင့်၊ နှင်ထုတ်သော ဣသရေလ အမျိုး သားနှင့်၊ အရပ်ရပ်ကွဲပြားသော ယုဒအမျိုးသားတို့ကို မြေကြီးလေးမျက်နှာတို့မှခေါ်၍ စုဝေးစေတော်မူလိမ့်မည်။ ၁၃ဧဖရိမ်အမျိုးသည် ငြုစူသော စိတ်ငြိမ်းလိမ့်မည်၊၊ ရန်ပြုတတ်သော ယုဒအမျိုးသား တို့သည်လည်း၊ ရန်ပြေကြလိမ့်မည်။ ဧဖရိမ်အမျိုးသည် ယုဒအမျိုးကိုမငြူစူရ၊၊ ယုဒအမျိုးလည်းဧဖရိမ်အမျိုးကို ရန်မပြုရ၊၊ ၁၄သူတို့သည် အနောက်ဘက်၌ ဖိလိတ္တိလူများကို လိုက်၍ တိုက်ကြလိမ့်မည်၊၊ အရှေ့ပြည်သားတို့၏ ဥစ္စာကိုအတူလုယူကြလိမ့်မည်၊၊ ဧဒုံအမျိုးနှင့် မောဘအမျိုးကိုလည်း လုပ်ကြံကြလိမ့်မည်၊၊ အမ္မုန်အမျိုးသား တို့သည် သူတို့၏အုပ်စိုးခြင်းကို ခံရကြလိမ့်မည်၊၊ ၁၅ထာဝရဘုရားသည်လည်း၊ အဲဂုတ္တု ပင်လယ်၏လျှာကို ဖျောက်ဖျက်တော်မူမည်၊ ပြင်းစွာသော လေတော်နှင့် တကွလက်တော်ကို မြစ်ပေါ်မှာလှုပ်၍၊ ချောင်းခုနှစ်သွယ်ဖြစ်စေခြင်းငှါ ရိုက်ခတ်တော်မူသဖြင့် လူတို့သည် ခြေနင်းစီးလျက် ကျော်သွားကြလိမ့်မည်၊၊ ၁၆ဣသရေလအမျိုးသားတို့သည် အဲဂုတ္တုပြည်မှ ထွက်သွားသောအခါ၌ ဖြစ်သကဲ့သို့၊ အာရှုရိပြည်မှ ကျန်ကြွင်းသော ကိုယ်တော်၏လူတို့သွားရာ လမ်းကြီးဖြစ်ရလိမ့်မည်၊၊