ဝတ်ပြုရာ အခန်းကြီး (၁၅)


၁တဖန် မောရှေနှင့်အာရုန်အား ထာဝရဘုရားက၊ ၂သင်တို့သည် ဣသရေလအမျိုးသားတို့အား ဆင့်ဆို ရမည်မှာ၊ ရိနာစွဲသောယောက်ျားသည် မစင်ကြယ်။ ၃အစဉ်ယိုသည်ဖြစ်စေ၊ တခါတလေရပ်သည် ဖြစ်စေ၊ ထိုသူသည် မစင်ကြယ်။ ၄အိပ်သမျှထိုင်သမျှသော အိပ်ရာထိုင်ရာတို့သည်လည်း မစင်ကြယ်။ ၅-၈သူ၏အိပ်ယာကို ထိသော သူ၊ သူ့ထိုင်ရာပေါ်မှထိုင်သောသူ၊ သူ၏ကိုယ်ကိုထိသောသူ သူ၏တံထွေး ထိမိသောသူသည်၊ မိမိအဝတ်ကိုလျှော်၍ ကိုယ်ကိုရေချိုးရမည်။ ညဦးတိုင်အောင် မစင်ကြယ်ဖြစ်၏။ ၉ရိနာစွဲသောသူ၊ စီးသောကုန်းနှီးလည်းမစင်ကြယ်။ ၁ဝသူအောက်၌ ရှိသောအရာကို ထိသောသူသည် ညဦးတိုင်အောင်မစင်ကြယ်။ ထိုအရာတစုံတခုကိုဆောင်သော သူသည်၊ မိမိအဝတ်ကိုလျှော်၍ ကိုယ်ကိုရေချိုး ရမည်။ ညဦးတိုင်အောင် မစင်ကြယ်ဖြစ်၏။ ၁၁ရိနာစွဲသောသူသည်၊ လက်မဆေးဘဲ သူတပါးကို လက်နှင့် ထိလျှင်၊ ထိုသူသည် မိမိအဝတ်ကိုလျှော်၍ ကိုယ်ကိုရေချိုးရမည်။ ညဦးတိုင် အောင်မစင်ကြယ်ဖြစ်၏။ ၁၂ရိနာစွဲသောသူ ထိသောမြေတန်ဆာကို ခွဲရမည်။ သစ်သားတန်ဆာကို ရေနှင့်ဆေးရမည်။ ၁၃ရိနာစွဲသော သူသည် အနာပျောက်သောအခါ၊ ပျောက်သောနေ့ကစ၍၊ ခုနစ်ရက်လွန်မှ မိမိအဝတ်ကို လျှော်၍၊ စီးသော ရေနှင့် ကိုယ်ကိုချိုးသဖြင့် စင်ကြယ်ရ၏။ ၁၄အဋ္ဌမနေ့၌လည်း၊ ခိုနှစ်ကောင်ဖြစ်စေ၊ ချိုးကလေးနှစ်ကောင် ဖြစ်စေ၊ တခုခုကို ထာဝရဘုရားရှေ့တော်၌ ပရိသတ်စည်းဝေးရာ တံခါးနားသို့ ဆောင်ခဲ့၍၊ ယဇ်ပုရောဟိတ်အား ပေးရမည်။ ၁၅ယဇ်ပုရောဟိတ်သည် အပြစ်ဖြေရာယဇ်ဘို့တကောင်၊ မီးရှို့ရာယဇ်ဘို့တကောင်ကို ပူဇော်၍၊ ရိနာစွဲသောသူအဘို့ ထာဝရဘုရားရှေ့တော်၌ အပြစ်ဖြေခြင်းကိုပြုရမည်။ ၁၆ယောက်ျားသည် သုတ်ရည် ထွက်လျှင် တကိုယ်လုံးရေချိုးရမည်။ ညဦးတိုင်အောင် မစင်ကြယ်ဖြစ်၏။ ၁၇သုတ်ရည်ထိသောအဝတ်၊ သားရေရှိသမျှတို့ကို ရေနှင့်လျှော်ရမည်။ ညဦးတိုင် အောင်မစင်ကြယ်ဖြစ်၏။ ၁၈ယောက်ျားသည် မိန်းမနှင့် သံဝါသပြုလျှင်၊ နှစ်ယောက်စလုံးတို့သည် ရေချိုးရမည်။ ညဦးတိုင်အောင် မစင်ကြယ်ဖြစ်၏။

၁၉မိန်းမသည် ဥတုရောက်လျှင်၊ ခုနစ်ရက်ပတ်လုံး ဥတုမစင်ကြယ်ရာ၌ နေရမည်။ သူ့ကိုထိသော သူသည် ညဦးတိုင်အောင် မစင်ကြယ်ဖြစ်၏။ ၂ဝဥတုမစင်ကြယ်လျက် အိပ်သမျှ၊ ထိုင်သမျှတို့သည် မစင်ကြယ်ဖြစ်၏ ၂၁-၂၂သူ၏အိပ်ယာ၊ သူ၏ထိုင်ရာကိုထိသောသူသည၊် မိမိအဝတ်ကိုလျှော်၍ ကိုယ်ကိုရေချိုး ရမည်။ ညဦးတိုင်အောင် မစင်ကြယ်ဖြစ်၏။ ၂၃သူ၏နေရာထိုင်ရာစွန်းလျှင်၊ ထိုနေရာထိုင်ရာကို ထိသောသူ သည် ညဦးတိုင်အောင် မစင်ကြယ် ဖြစ်၏။ ၂၄ဥတုရောက်သောမိန်းမနှင့် သံဝါသပြုသောသူသည် ခုနှစ်ရက်ပတ်လုံး မစင်ကြယ်၊ အိပ်ရာာရှိသမျှလည်း မစင်ကြယ်ဖြစ်၏။ ၂၅ဥတုမစင်ကြယ်ရာ ကာလလွန်မှ၊ သွေးယိုနာမပျောက်လျှင်၊ အနာမပျောက်မှီတိုင်အောင် ဥတု မစင်ကြယ်လျက်၊ နေရသကဲ့သို့ မစင်ကြယ် ဖြစ်၏။ ၂၆အနာမပျောက်မည်တိုင်အောင် သူ၏အိပ်ယာသည် ဥတုမစင်ကြယ်သော အိပ်ယာကဲ့သို့၎င်း၊ ထိုင်ရာသည်လည်း ထိုကဲ့သို့၎င်း၊ မစင်ကြယ်ဖြစ်ကြ၏။ ၂၇ထိုအရာတို့ကို ထိသောသူသည်လည်း မစင်ကြယ်သောကြောင့်၊ မိမိအဝတ်ကိုလျှော်၍ ကိုယ်ကိုရေချိုးရမည်။ ညဦးတိုင်အောင် မစင်ကြယ်ဖြစ်၏။ ၂၈ထိုမိန်းမသည် သွေးယိုနာပျောက်၍ ခုနစ်ရက်လွန်လျှင် စင်ကြယ်လိမ့်မည်။ ၂၉အဋ္ဌမနေ့၌ ခိုနှစ်ကောင်ဖြစ်စေ၊ ချိုးကလေးနှစ်ကောင်ဖြစ်စေ၊ တခုခုကို ပရိသတ်စည်းဝေးရာ တဲတော်တံခါးနား၊ ယဇ်ပုရောဟိတ်ထံသို့ ဆောင်ခဲ့ရမည်။ ၃ဝယဇ်ပုရောဟိတ်သည် အပြစ်ဖြေရာယဇ်ဘို့တကောင်၊ မီးရှို့ရာယဇ်ဘို့  တကောင်ကို ပူဇော်၍၊ ဥတုမစင်ကြယ်သော မိန်းမအဘို့ ထာဝရဘုရားရှေ့တော်၌ အပြစ်ဖြေခြင်းကို ပြုရမည်။ ၃၁ထိုသို့ ဣသရေလအမျိုးသားတို့သည် မိမိတို့တွင်ရှိသော ငါ့တဲတော်ကို ညစ်ညူးစေ၍၊ မိမိတို့မစင်ကြယ်ရာ၌ မသေစေခြင်းငှါ၊ သူတို့ကို မစင်ကြယ်ခြင်းနှင့် ကင်းစေရမည်။ ၃၂ဤရွေ့ကား၊ ရိနာစွဲသောသူ၊ သုတ်ရည်ထွက်၍ ညစ်ညူး သောသူ၊ ၃၃ဥတုရောက်သောမိန်းမ၊ သံဝါသပြုသော ယောက်ျားမိန်းမ၊ မစင်ကြယ်သောမိန်းမနှင့် သံဝါသပြုသော ယောက်ျား စောင့်ရသောတရားဖြစ်သတည်း ဟုမိန့်တော်မူ၏။