ဝတ်ပြုရာ အခန်းကြီး (၂၀)


၁တဖန် မောရှေအား ထာဝရဘုရားက၊ သင်သည် ဣသရေလအမျိုးသားတို့အား ဆင့်ဆိုရမည်မှာ၊ ၂ဣသရေလ အမျိုးသားဖြစ်စေ၊ ဣသရေလအမျိုး၌ တည်းနေသောတပါးအမျိုးသားဖြစ်စေ၊ မိမိသားကို မောလုတ်ဘုရား အား ဆက်ကပ်သောသူသည် အသေသတ်ခြင်းကို အမှန်ခံရမည်။ ပြည်သားတို့လည်း ခဲနှင့်ပစ်ရကြမည်။ ၃ငါ့သန့် ရှင်းရာဌာနတော်ကို ညစ်ညူးစေလျက်၊ ငါ့သန့်ရှင်းသောနာမတော်ကို ရှုတ်ချလျက်၊ မိမိသားကိုမောလုတ်ဘုရားအား ဆက်ကပ်သောသူကို၊ ငါသည်မျက်နှာထား၍ သူ၏အမျိုးမှ ပယ်ရှင်းမည်။ ၄မိမိသားကို မောလုတ်ဘုရားအား ဆက်ကပ်သောသူကို၊ ပြည်သားတို့သည် အမှုမထား မသတ်ဘဲနေလျှင်၊ ၅ထိုသို့နေသောသူနှင့် သူ၏အိမ်သူအိမ် သားတို့ကို ငါသည်မျက်နှာထား၍၊ ထိုသူကို၎င်း၊ သူနှင့်အတူ မောလုတ်ဘုရားထံ၌ မှားယွင်းသောသူကို၎င်း၊ သူတို့ အမျိုးမှပယ်ရှင်းမည်။ ၆လမ်းလွဲ၍ နတ်ဝင်သူ၊ စုန်းလုပ်သူနောက်သို့ လိုက်လျက်၊ မှားယွင်းသောသူကို ငါသည် မျက်နှာထား၍ သူ၏အမျိုးမှ ပယ်ရှင်းမည်။ ၇သင်တို့၏ဘုရားသခင် ငါထာဝရဘုရားသည် သန့်ရှင်းသောကြောင့်၊ သင်တို့သည် ကိုယ်ကိုသန့်ရှင်းစေ၍၊ သန့်ရှင်းခြင်းရှိကြလော့။ ၈ငါနည်းနိဿယတို့ကို ကျင့်ဆောင်ရကြမည်။ ငါသည် သင်တို့ကို သန့်ရှင်းစေသော ထာဝရဘုရားဖြစ်၏။

၉မိဘကို ကျိန်ဆဲသောသူတိုင်း အသေသတ်ခြင်းကိုအမှန်ခံရမည်။ မိဘကို ကျိန်ဆဲသောကြောင့် သေထိုက်သော အပြစ်ရှိ၏။ ၁ဝသူ့မယားကို ပြစ်မှားသောသူသည် မှားယွင်းသောမိန်းမနှင့်တကွ အသေသတ် ခြင်းကို အမှန်ခံရမည်။ ၁၁ကိုယ်အဘ၏မယားနှင့် သင့်နေသောသူသည် အဘနှင့်သာဆိုင်သောအရာကို ပြစ်မှားသောကြောင့်၊ ထိုမိန်းမနှင့်တကွ အသေသတ်ခြင်းကို အမှန်ခံရမည်။ သေထိုက်သောအပြစ်ရှိ၏။ ၁၂ယောက်ျားသည် ကိုယ်ချွေးမနှင့် သင့်နေလျှင်၊ ထိုသူနှစ်ယောက်တို့သည် ရွံရှာဘွယ်သောရောနှောခြင်းကို ပြုသောကြောင့် အသေသတ်ခြင်းကို အမှန်ခံရမည်။ သေထိုက်သောအပြစ်ရှိ၏။ ၁၃မိန်းမနှင့်ပေါင်း ဘော်သကဲ့သို့ ယောက်ျားခြင်းပေါင်းဘော်လျှင်၊ ထိုသူ နှစ်ယောက်တို့သည်၊ ရွံရှာဘွယ်သောအမှုကို ပြုသောကြောင့်၊ အသေသတ်ခြင်းကို အမှန်ခံရမည်။ သေထိုက်သော အပြစ်ရှိ၏။ ၁၄ယောက်ျားသည် သမီးနှင့်အမိကို မယားပြုလျှင်၊ မတရားသောအမှုဖြစ်၏။ သင်တို့တွင် မတရားသော အမှုမရှိစေခြင်းငှါ၊ ထိုသူသုံးယောက်တို့ကို မီးရှို့ရမည်။ ၁၅ယောက်ျားသည် တိရစ္ဆာန်နှင့်ပေါင်းဘော်လျှင် အသေသတ် ခြင်းကို အမှန်ခံရမည်။ ထိုတိရစ္ဆာန်ကိုလည်း သတ်ရမည်။ ၁၆မိန်းမသည်လည်း၊ မိမိနှင့်တိရစ္ဆာန်၏ ပေါင်းဘော်ခြင်းကို ခံလျှင်၊ ထိုမိန်းမနှင့်တိရစ္ဆာန်သည် အသေသတ်ခြင်းကို အမှန်ခံရမည်။ သေထိုက်သောအပြစ်ရှိ၏။ ၁၇ယောက်ျားသည် အဘ၏သမီး၊ အမိ၏သမီးဖြစ်သော မိမိနှမနှင့်သင့်နေလျှင်၊ မတရားသောအမှုဖြစ်၏။ ထိုသူတို့သည် အမျိုးသား ချင်းတို့ရှေ့မှောက်၌ ပယ်ရှင်းခြင်းကိုခံရကြမည်။ ထိုယောက်ျားသည် နှမနှင့်သင့်နေ သောကြောင့်၊ မိမိအပြစ်ကိုခံရမည်။ ၁၈ယောက်ျားသည် ဥတုရောက်လျက်ရှိသော မိန်းမနှင့်သင့်နေလျှင်၊ ထိုသူတို့သည် သဘောတူ၍၊ သွေးသွန်နာကို ထင်ရှားစေသောကြောင့်၊ သူတို့အမျိုးမှ ပယ်ရှင်းခြင်းကို ခံရကြမည်။ ၁၉အဘ၏နှမ၊ အမိ၏ညီမနှင့်မသင့်မနေရ။ ထိုသို့သော ပေါက်ဘော်အရင်းနှင့် သင့်နေသော သူတို့သည် မိမိအပြစ်ကိုခံရကြမည်။ ၂ဝအဘ၏ညီအစ်ကိုမယားနှင့် သင့်နေလျှင်၊ အဘ၏ညီအစ်ကိုနှင့်သာ ဆိုင်သောအရာကို ပြစ်မှားသောကြောင့်၊ ထိုသူတို့သည် မိမိအပြစ်ကို ခံရသဖြင့်၊ တသက်လုံး သားမရဘဲနေရလိမ့်မည်။ ၂၁ညီအစ်ကို၏ မယားနှင့်သင့်နေလျှင်၊ ညစ်ညူးသောအမှုဖြစ်၏။ ညီအစ်ကိုနှင့်သာ ဆိုင်သော အရာကို ပြစ်မှားသောကြောင့်၊ ထိုသူတို့ သည် သားမရဘဲနေရလိမ့်မည်။

၂၂သင်တို့ကို ငါပို့ဆောင်၍နေရာချသောပြည်သည် မအော့အန်စေခြင်းငှါ၊ သင်တို့သည် ငါစီရင်ထုံးဖွဲ့ သမျှတို့ကို ကျင့်ဆောင်ရမည်။ ၂၃သင်တို့ရှေ့မှ ငါနှင်ထုတ်သော လူအမျိုးမျိုးတို့၏ ဘာသာဓလေ့သို့မလိုက်ရ။ သူတို့သည် ထိုသို့သောခပ်သိမ်းတို့ကို ပြုသောကြောင့် ငါရွံရှာ၏။ ၂၄သူတို့ပြည်တည်းဟူသော နို့နှင့် ပျားရည်စီးသောပြည်ကို သင်တို့သည် အမွေခံစေခြင်းငှါ ငါအပိုင်ပေးမည်ဟု ငါ့အမိန့်တော်ရှိပြီ။ ငါသည် သင်တို့ကို အခြားသောအမျိုးနှင့်ခွဲထားသော သင်တို့ဘုရားသခင် ထာဝရဘုရားဖြစ်၏။  ၂၅ထိုအကြောင်း ကြောင့်၊ စင်ကြယ်သောသား၊ မစင်ကြယ်သော သား၊ စင်ကြယ်သောငှက်၊ မစင်ကြယ်သောငှက်တို့ကို ပိုင်းခြားရမည်။ ငါခွဲထားသည်အတိုင်း၊ မစင်ကြယ်သောသား၊ ငှက်၊ မြေပေါ်မှာတွားတတ်သော တိရစ္ဆာန် တစုံတခုအားဖြင့် ကိုယ်ကိုကိုယ်ရွံရှာဘွယ်မဖြစ်စေရ။ ၂၆ငါထာဝရဘုရား သန့်ရှင်းသည်ဖြစ်၍၊ သင်တို့ကို ငါအလိုရှိ သဖြင့်၊ အခြားသောအမျိုးနှင့် ခွဲထားသောကြောင့်၊ ငါ့အဘို့သန့်ရှင်းခြင်း ရှိရကြမည်။ ၂၇ယောက်ျားဖြစ်စေ၊ မိန်းမဖြစ်စေ၊ နတ်ဝင်သောသူ၊ စုန်းလုပ်သောသူသည် အသေသတ်ခြင်းကို အမှန် ခံရမည်။ ထိုသို့သောသူကို ခဲနှင့်ပစ်ရကြမည်။ သူ၌သေထိုက်သော အပြစ်ရှိသည်ဟု မိန့််တော်မူ၏။