သြဗဒိ အခန်းကြီး(၁)


၁အရှင်ထာဝရဘုရားသည် ဧဒုံပြည်ကိုရည်မှတ်၍ မိန့်တော်မူသည်ကား၊ ထာဝရဘုရားကြွေးကြော် တော်မူ သံကိုငါတို့သည် ကြားကြ၏။ သင်တို့ထ၍ ဧဒုံပြည်ကိုတိုက်ခြင်းငှါ စစ်ချီကြလော့ဟု၊ တပါးအမျိုးသားတို့ထံသို့ သံတမန်ကိုစေလွှတ်တော်မူပြီ။ ၂သင့်ကိုတပါးအမျိုးသားတို့တွင် ယုတ်မာစေခြင်းငှါ ငါစီရင်သဖြင့်၊ သင်၏အသရေသည် အလွန်ရှုတ်ချခြင်းရှိလိမ့်မည်။ ၃ကျောက်ကြားတို့၌နေ၍ မြင့်သောအရပ်ကိုခိုလှုံလျက်၊ ငါ့ကိုမြေသို့ အဘယ်သူ နှိမ့်ချနိုင်ချနိုင်သနည်းဟု အောက်မေ့သောသူ ဖြစ်သောကြောင့်၊ သင်၏မာနသည် သင့်ကိုလှည့်စားပြီး။ ၄သင်သည် ရွှေလင်းတကဲ့သို့ ကိုယ်ကိုမြှောက်၍၊ ကြယ်တို့တွင် အသိုက်ကိုလုပ်သော်လည်း၊ ထိုအရပ်မှသင့်ကိုငါနှိမ့်ချမည်ဟု ထာဝရဘုရား မိန့်တော်မူ၏။ ၅ညဥ့်အခါ သူခိုးထားပြတို့သည် သင်ရှိရာသို့ လာလျှင်၊ စိတ်ပြေလက်လောက်အောင် သာခိုးယူကြလိမ့်မည်မဟုတ်လော။ စပျစ်သီးကို ဆွတ်သောသူတို့သည် လာလျှင်၊ သူတပါးလိုက်၍ ဆွတ်စရာဘို့ ကြွင်းစေကြလိမ့်မည် မဟုတ်လော။ ၆သင်သည် အလွန်ပျက်စီးပြီတကား။ ဧသောသည် အလွန်အစစ်ခံရပြီတကား။ သူဝှက်ထားသော ဥစ္စာကိုအလွန်ရှာဖွေကြသည်တကား။ ၇သင်နှင့်မဿဟာယ ဖွဲ့သောသူအပေါင်းတို့သည် ပြည်စွန်းသို့ နှင်ကြပြီ။ အဆွေလုပ်သောသူတို့သည် သင့်ကိုလှည့်စား၍ နိုင်ကြပြီ။ သင်နှင့်အတူ စားသောက်သောသူ တို့သည် သင့်အောက်၌ ကျော့ကွင်းကိုထောင်ထားကြပြီ။ သင်၏ဥာဏ်ပညာ ကုန်ပြီ။ ၈ထာဝရဘုရားမိန့်တော်မူ သည်ကား၊ ထိုကာလ၌ ဧဒုံပြည်မှပညာ ရှိတို့ကို၎င်း၊ ဧသော၏ တောင်မှဥာဏ်ကောင်းသော သူတို့ကို၎င်း ငါပယ်ရှားမည်။ ၉အိုတေမန်မြို့၊ ဧသော၏ တောင်မှခပ်သိမ်းသောသူတို့ကို ပယ်ဖြတ်မည်အကြောင်း၊ သင်၏သူရဲ တို့သည်ကြောက်ကြမည်။

၁ဝသင်သည် ညီယာကုပ်ကိုအသေသတ်ခြင်း၊ အနိုင်အထက်ပြုခြင်းအပြစ်ကြောင့် ကိုယ်တိုင်အရှက် ကွဲ၍၊ အကုန်အစင်ပယ်ဖျက်ခြင်းကို ခံရလိမ့်မည်။ ၁၁သင်သည်တဘက်၌ နေသောနေ့၊ တကျွန်း တနိုင်ငံသားတို့သည် သူ၏အမှုထမ်းများကို သိမ်းသွားသောနေ့၊ တပါးအမျိုးသားတို့သည် သူ၏မြို့တံခါးထဲသို့ဝင်၍၊ ယေရုရှလင်မြို့ကို စာရေးတံချသောနေ့၌ သင်သည်လက်ခံသောသူဖြစ်၏။ ၁၂သင်၏ ညီသည်တပါးအမျိုးသားဖြစ်သောနေ့၌ သူ၏အမှုကိုသင်မကြည့်သင့်။ ယုဒအမျိုးသားတို့သည် ပျက်စီးသောနေ့၌ မဝါကြွားသင့်။ ဒုက္ခခံရသောနေ့၌ စော်ကားသောစကားကိုမပြောသင့်။ ၁၃ငါ၏လူတို့သည် ဘေးဥပဒ်ကို ခံရသောနေ့၌ သူတို့နေရာတံခါး တွင်းသို့ မဝင်သင့်။ ဘေးဥပဒ်ကိုခံရသောနေ့၌ သူတို့၏ ဆင်းရဲဒုက္ခကို မကြည်မရှုသင့်။ ဘေးဥပဒ်ကိုခံရသောနေ့၌ သူတို့ကို ဥစ္စာကိုမလုမယူသင့်။ ၁၄လွတ်သောသူတို့ကိုဆီးတားခြင်းငှါ ဖြတ်လမ်း၌မရပ်မနေသင့်။ အမှုရောက်သောနေ့၌ ကျန်ကြွင်းသော သူတို့ကိုမအပ်သင့်။ ၁၅အကြောင်းမူကား၊ ထာဝရဘုရား၏နေ့ရက်သည် ခပ်သိမ်းသောလူမျိုးတို့နှင့် နီးပြီ။ သင်ပြုသည်အတိုင်း သင်၌သူတပါးပြုလိမ့်မည်။ သင်ပြုသောအမှုသည် သင့်ခေါင်းပေါ်သို့ရောက်ရလိမ့်မည်။ ၁၆ယုဒအမျိုးသားတို့သည် သန့်ရှင်းသောငါ့တောင်ပေါ်မှာ စားသောက်သကဲ့သို့ ပတ်လည်၌နေသော လူမျိုးအပေါင်း တို့သည် စားသောက်ရကြလိမ့်မည်။ စားသောက်၍ မျိုသဖြင့် မရှိဘူးသောသူကဲ့သို့ ဖြစ်ရကြလိမ်မည်။

၁၇ဇိအုန်တောင်ပေါ်မှာ ဘေးလွတ်သောသူအချို့ ရှိကြလိမ့်မည်။ သန့်ရှင်းသောအရပ်ဖြစ်လိမ်မည်။ ယာကုပ်အမျိုးသည် မိမိပိုင်ထိုက်သော မြေကိုပိုင်ရလိမ့်မည်။ ၁၈ယာကုပ်အမျိုးသည် မီး၊ ယောသပ်အမျိုးသည် မီးလျှံ၊ ဧသောအမျိုးသည် အမှိုက်ဖြစ်လျက်၊ မီးညှိ၍ လောင်သဖြင့်၊ ဧသောအမျိုးသားမကျန်ကြွင်းရ။ ထာဝရဘုရား မိန့်တော်မူပြီ။ ၁၉တောင်မျက်နှာသားတို့သည် ဧသော၏တောင်ကို၎င်း၊ မြေညီသော အရပ်သားတို့သည် ဖိလိတ္တိပြည်ကို၎င်း၊ ဧဖရိမ်လယ်ပြင်နှင့် ရှမာရိလယ်ပြင်ကို၎င်း၊ ဗင်္ယာမိန်အမျိုးသည် ဂိလဒ်ပြည်ကို၎င်း သိမ်းယူကြလိမ့်မည်။ ၂ဝသိမ်းသွားခြင်းကိုခံရ၍၊ ခါနနိလူတို့တွင်ရှိသော ဣသရေလအမျိုးအလုံးအရင်းသည် ဇရတ္တမြို့တိုင်အောင်၎င်း၊ သိမ်းသွားခြင်းကိုခံရ၍ သေဖရဒ်ပြည်၌ရှိသော ယေရုရှလင်မြို့သားတို့သည် တောင်မျက်နှာမြို့ရွာတို့ကို၎င်းသိမ်းယူကြလိမ့်မည်။ ၂၁ဧသော၏ တောင်ကို တရားစီရင်ခြင်းငှါ ကယ်တင်သောသူ တို့သည် ဇိအုန်တောင်ပေါ်သို့ တတ်ကြလိမ့်မည်။ တိုင်းနိုင်ငံသည်လည်း ထာဝရဘုရား၏ နိုင်ငံတော်ဖြစ်လိမ့် သတည်း။

 

ပရောဖက်သြဗဒိ၏ ဗျာဒိတ်ရှုပါရုံပြီး၏။