ဖိလိပ္ပိ အခန်ကြီး(၂)


၁ထိုကြောင့် ခရစ်တော်၌ သက်သာခြင်း၊ မေတ္တာနှင့်စပ်ဆိုင်သော ချမ်းသာခြင်း၊ ဝိညာဉ်တော်နှင့် မိဿဟာယ ဖွဲ့ခြင်း၊ သနားစုံမက်ခြင်းတည်းဟူသောအရာ တစုံတခုရှိလျှင်၊ ၂သင်တို့သည် အချင်းချင်းချစ်ကြ၍၊ စိတ်မကွဲပြားဘဲ တလုံးတဝတည်း ကြံစည်ခြင်းနှင့် တကွ၊ သဘောတညီတညွတ်တည်းရှိသောအားဖြင့်၊ ငါဝမ်းမြောက်စရာ အကြောင်းကို စုံလင်စေကြလော့။ ၃ရန်တွေ့လိုသောစိတ်၊ အချည်းနှီးကျော်စောကိတ္တိကို တပ်မက်သောစိတ်ရှိ၍ အဘယ်အမှုကို မျှမပြုကြနှင့်။ သူတပါးသည် ကိုယ်ထက်သာ၍ ကောင်းမြတ်သည်ဟု နှိမ့်ချသောစိတ်ရှိ၍ တယောက်ကိုတယောက် ထင်မှတ်ကြလော့။ ၄ကိုယ်အမှုအရာကိုသာ မရှုမမှတ်ဘဲ၊ သူ့အမှုအရာကို အချင်းချင်း ရှုမှတ်ကြလော့။ ၅ယေရှုခရစ်၌ ရှိသော ထိုစိတ်သဘောကို သင်တို့၌လည်းရှိစေ ကြလော့။ ၆ထိုသခင်သည် ဘုရားသခင်၏ သဏ္ဍန်တော်နှင့် ပြည့်စုံ တော်မူသည်ဖြစ်၍၊ ဘုရားသခင်နှင့် ပြိုင်သောအမှုကိုလုယူခြင်းအမှုဟူ၍ မထင်မမှတ်လျက်ပင်၊ ၇မိမိအသရေကို စွန့်၍ အစေခံကျွန်၏ သဏ္ဍန်ကို ယူဆောင်လျက်၊ လူကဲ့သို့သောအဖြစ် ၌ဘွားမြင်ခြင်းကို ခံတော်မူ၏။ ၈ထိုသို့လူ၏ ဂုဏ်အင်္ဂါလက္ခဏာနှင့် ပြည့်စုံလျက်၊ အသခံခြင်းသာမဟုတ်၊ လက်ဝါးကပ်တိုင်မှာ အသေခံခြင်းတိုင်အောင် အစေကျွန်ခံ၍ ကိုယ်ကိုကိုယ်နှိမ့်ချတော်မူ၏။ ၉ထိုကြောင့် ဘုရားသခင်သည် ကိုယ်တော်ကိုအလွန်မြှောက်၍ ဘွဲ့နာမတကာ တို့ထက် ကြီးမြတ်သော ဘွဲ့နာမတော်ကို ပေးသနားတော်မူ၏။ ၁ဝအကြောင်းမူကား၊ ကောင်းကင် သတ္တဝါ၊ မြေကြီးသတ္တဝါ၊ မြေကြီးအောက်၌ရှိသော သတ္တဝါတည်းဟူသော ခပ်သိမ်းသော သတ္တဝါတို့သည် ယေရှု၏ ဘွဲ့နာမတော်ကို ဒူးထောက်၍၊ ၁၁ယေရှုခရစ်သည် သခင်ဖြစ်တော်မူ၏ ဟုနှုတ်နှင့် ဝန်ခံသဖြင့်၊ ခမည်းတော် ဘုရား၏ ဘုန်းအသရေတော်ကို ထင်ရှားစေကြမည်အကြောင်းတည်း။

၁၂သို့ဖြစ်၍ ငါ့ချစ်သူတို့၊ သင်တို့သည်ငါ့မျက်မှောက်၌ နားထောင်သည်သာမက၊ မျက်ကွယ်၌လည်း အစဉ် နားထောင်ကြသည်နှင့် အညီ၊ ကြောက်ရွံ့တုန်လှုပ်သော စိတ်နှင့်၊ ကိုယ်ကိုကယ်တင်ခြင်းငှါ ကိုယ်တိုင်ကြိုးစား အားထုတ်ကြလော့။ ၁၃အကြောင်းမူကား၊ သင်တို့သည် အလိုရှိစေခြင်းငှါ၎င်း၊ အကျင့်ကျင့်စေခြင်းငှါ၎င်း၊ သင်တို့ အထဲ၌ စေတနာတော်အားဖြင့် ပြုပြင်တော်မူသောသူကား၊ ဘုရားသခင်ပေတည်း။ ၁၄သင်တို့သည် ပြုလေသမျှ တို့၌ မြည်းတမ်းခြင်း၊ ငြင်းခုံခြင်းမရှိဘဲပြုကြလော့။ ၁၅-၁၆သို့ပြုလျှင် အပြစ်တင်ခွင့် မရှိ၊ အဘယ်သူကိုမျှ မပြစ်မှားဘဲ နေ၍၊ မဖြောင့်မမှန် ဖောက်ပြန်သော လူမျိုးအထဲ၌ အဘယ်အပြစ်မျှ မပါသောဘုရားသခင်၏ သားဖြစ်ကြ လိမ့်မည်။ အသက်ရှင်ခြင်းနှင့် ဆိုင်သော နှုတ်ကပတ်တရားတော်ကိုပြသ၍၊ စကြာဝဠာ၌နေ၊ လ၊ ကြယ်နက္ခတ် ကဲ့သို့ ထိုလူမျိုး အထဲ၌ထွန်းလင်းကြ၏။ သို့ပြုလျှင်ငါသည် အကျိုးမရှိဘဲလျက် ပြေးသည်မဟုတ်၊ အကျိုးမရှိဘဲ လျက် ကြိုးစားအားထုတ်သည် မဟုတ်ကြောင်းကို ငါထောက်၍ ခရစ်တော်၏ နေ့ရက်၌ ဝါကြွားဝမ်းမြောက်ခြင်း ရှိလိမ့်မည်။

၁၇ထိုမျှမက၊ သင်တို့၏ ယုံကြည်ခြင်းကို တင်လှူပူဇော်သော ယဇ်အပေါ်မှာ ငါ့ကိုလောင်းသော်လည်း ဝမ်းမြောက်ခြင်းရှိ၏။ သင်တို့ရှိသမျှနှင့် အတူငါဝမ်းမြောက်ခြင်းရှိ၏။ ၁၈ထိုနည်းတူသင်တို့သည်လည်း ဝမ်းမြောက် ကြလော့။ ၁၉သင်တို့အကြောင်းအရာများကို ငါသိ၍ စိတ်သက်သာခြင်းငှါ၊ တိမောသေကို သင်တို့ရှိရာသို့များ မကြာ စေလွှတ်မည်အကြောင်း၊ သခင်ယေရှုခရစ်၌ ငါမှီဝဲခြင်းရှိ၏။ ၂ဝအကြောင်းမူကား၊ ထိုသူသည် သင်တို့အကျိုးကို ကြည့်ရှုချင်သော စေတနာစိတ်ရှိသကဲ့သို့ စိတ်သဘောတူသော သူတယောက်မျှငါတို့၌မရှိ။၊ ၂၁လူခပ်သိမ်းတို့သည် ယေရှုခရစ်၏ အကျိုးကိုမရှာ၊ ကိုယ်အကျိုးကိုသာရှာ ကြ၏။ ၂၂သို့သော်လည်း သားသည် အဘနှင့်အတူဆောင်ရွက် သကဲ့သို့၊ သူသည်ငါနှင့် အတူဧဝံဂေလိတရားအမှုကို အမှန်ဆောင်ရွက်သည်ဟု သူပြသောသက်သေကို သင်တို့သိကြ၏။ ၂၃ထိုကြောင့် ငါ၌အဘယ်သို့ဖြစ်မည်ဟု ငါသိသောအခါ၊ သူ့ကိုသင်တို့ ရှိရာသို့ ချက်ခြင်းစေလွှတ်မည်ဟု ကြံစည်မြော်လင့်လျက်ငါနေ၏။ ၂၄ထိုမျှမက၊ ငါ့ကိုယ်တိုင်သင်တို့ရှိရာသို့ များမကြာ လာမင်္ညဟု သခင်ဘုရားအားဖြင့် ယုံမှတ်စွဲလမ်းသောစိတ်ရှိ၏။

၂၅သို့သော်လည်း ဆောင်ရွက်ခြင်း၊ စစ်တိုက်ခြင်းအမှု၌ ငါ၏အပေါင်အဘော်၊ ငါ့ကိုပြုစုသောသူတည်းဟူ သောသင်တို့တမန်၊ ငါ့ညီဧပဖြောဒိတ်ကို သင်တို့ရှိရာသို့ ယခုစေလွှတ်သင့်သည်ဟု ငါထင်မှတ်၏။ ၂၆အကြောင်း မူကား၊ သူသည်နာကြောင်းကိုသင်တို့ကြားသိသောကြောင့်၊ သူသည်သင်တို့အပေါင်းကိုလွမ်းဆွတ်၍ စိတ်မသာ လျက်နေ၏။ ၂၇သူသည်သေလုအောင် နာသည်မှန်၏။ ထိုအခါ ဘုရားသခင်သည် သူ့ကိုသနားတော်မူ၏။ သူ့ကိုသာသနားတော် မူသည်မဟုတ်။ ငါ၌ဝမ်းနည်းခြင်းအဆင့်ဆင့် အထပ်ထပ်မရှိစေခြင်းငှါ၊ ငါ့ကိုလည်းသနား တော်မူ၏။ ၂၈ထိုကြောင့် သင်တို့သည် သူ့ကိုတဖန် တွေ့မြင်၍ ဝမ်မြောက်စေခြင်းငှါ၎င်း၊ ငါသည်လည်း သက်သာစေခြင်းငှါ၎င်း၊ သူ့ကိုသာ၍ကြိုးစားသည်နှင့် ငါစေလွှတ်၏။ ၂၉သို့ဖြစ်၍ သခင်ဘုရားကို ထောက်လျက်၊ ဝမ်းမြောက်သောစိတ်နှင့် သူ့ကို လက်ခံကြ လော့။ ထိုသို့သောသူတို့ကို ရိုသေလေး မြတ်ကြလော့။ ၃ဝအကြောင်းမူကား၊ သင်တို့သည် ငါ့ကိုပြုစု၍ မပြည့်စုံသေးသော ဝတ်ကိုသူသည်ပြည့်စုံစေခြင်းငှါ၊ ကိုယ်အသက်ကိုစွန့်စား၍ ခရစ်တော်၏ အမှုကြောင့်သေခြင်း သို့ ရောက်လုနီးပြီ။