ယောဟန် အခန်းကြီး (၁၈)


၁ထိုသို့ မိန့်မြွက်တော်မူပြီးမှ ယေရှုသည် တပည့်တော်တို့နှင့်အတူ ကေဒြုန်ချောင်းတဘက်သို့ကြွ၍၊ ထိုအရပ်၌ရှိသောဥယျာဉ်သို့ ဝင်တော်မူ၏။ ၂ထိုအရပ်သို့ ယေရှုသည် တပည့်တော်တို့နှင့်အတူ သွားမြဲရှိ သောကြောင့်၊ ကိုယ်တော်ကိုအပ်နှံသော ယုဒရှကာရုတ်သည် ထိုအရပ်ကိုသိသည်ဖြစ်၍၊ ၃စစ်သူရဲ တတပ်ကို၎င်း၊ ယဇ်ပုရောဟိတ်အကြီးတို့နှင့် ဖာရိရှဲတို့စေလွှတ်သော မင်းလုလင်တို့ကို၎င်း ခေါ် ခဲ့၍၊ မီးအိမ်၊ မီးရှူး၊ လက်နက် တို့ကိုလက်စွဲလျက်လာကြ၏။ ၄ယေရှုသည်  ကိုယ်၌ဖြစ်လတံ့သမျှသော အမှုအရာ တို့ကို သိတော်မူလျက်၊ လာသောသူတို့ဆီသို့သွား၍ အဘယ်သူကိုရှာကြသနည်းဟု မေးတော်မူ၏။ ၅နာဇရက်မြို့ သား ယေရှုကိုရှာကြသည်ဟုဆိုလျှင်၊ ယေရှုက၊ ငါသည်ထိုသူဖြစ်၏ဟု မိန့်တော်မူ၏။ ကိုယ်တော်ကို အပ်နှံသော ယုဒရှကာရုတ်သည်လည်း ထိုသူတို့နှင့်အတူ ရပ်နေ၏။ ၆ငါသည် ထိုသူဖြစ်၏ဟု မိန့်တော်မူလျှင်၊ ထိုသူတို့သည် နောက်သို့လှန်၍ မြေပေါ်၌ လဲကြ၏။ ၇အဘယ်သူကိုရှာကြသနည်းဟု တဖန်မေးတော်မူလျှင်၊ နာဇရက်မြို့သားယေရှုကိုရှာကြသည်ဟု ထိုသူတို့သည် ဆိုကြ၏။ ၈ယေရှုကလည်း၊ ငါသည်ထိုသူဖြစ်၏ဟု ငါပြောပြီ။ သို့ဖြစ်၍ ငါ့ကိုရှာလျှင် ဤသူတို့သည် သွားပါလေစေဟု မိန့်တော်မူ၏။ ၉ကိုယ်တော်သည် အကျွန်ုပ်အားပေးတော်မူသောသူတို့တွင် အဘယ်သူမျှ ပျက်ဆီးခြင်းသို့ မရောက်ပါဟူသော အထက်စကား တော်ကို ပြည့်စုံစေခြင်းငှါ ဤသို့မိန့်တော်မူ၏။

၁ဝထိုအခါ ရှိမုန်ပေတရုသည် မိမိ၌ပါသော ထားကိုဆွဲထုတ်ပြီးလျှင် ယဇ်ပုရောဟိတ်မင်း၏ ကျွန်တယောက် ကိုခုတ်သဖြင့် လက်ျာနားရွက်ပြတ်လေ၏။ ထိုကျွန်၏အမည်ကား မာလခုဖြစ်သတည်း။ ၁၁ယေရှုကလည်း ထားကို အိမ်၌သွင်းထားလော့။ ခမည်းတော်သည် ငါ့အားပေးတော်မူသောခွက်ကို ငါမသောက်ရာသလောဟု ပေတရုအား မိန့်တော်မူ၏။ ၁၂ထိုအခါ တပ်မှူးမှစ၍ စစ်သူရဲတို့နှင့် ယုဒမင်း လုလင်တို့သည် ယေရှုကိုဘမ်းဆီး၍ ချည်နှောင်ပြီးလျင် အန္နက်မင်းထံသို့ ရှေ့ဦးစွာယူသွားကြ၏။ ၁၃အန္နက်မင်းကား၊ ထိုနှစ်တွင် ယဇ်ပုရောဟိတ်မင်းဖြစ်သော ကယာဖ၏ ယောက္ခမဖြစ်သတည်း။ ၁၄ထိုကယာဖကား၊ လူတယောက်သည် လူများတို့အတွက် ပျက်ဆီးသော် သာ၍ကောင်းသည်ဟု ယုဒလူတို့ နှင့် တိုင်ပင်ပြောဆိုသောသူပေတည်း။

၁၅ရှိမုန်ပေတရုနှင့် အခြေားသောတပည့်တော်တယောက်သည် ယေရှုနောက်တော်သို့ လိုက်ကြ၏။ ထိုတပည့်တော်သည် ယဇ်ပုရောဟိတ်မင်း၏ အသိအကျွမ်းဖြစ်၍၊ ယေရှုနှင့်တကွ ယဇ်ပုရောဟိတ်မင်း၏ အိမ်ဦးထဲသို့ဝင်လေ၏။ ၁၆ပေတရုမူကား၊ ပြင်၌တံခါးနားမှာရပ်နေ၏။ ထိုကြောင့် ယဇ်ပုရောဟိတ်မင်းနှင့် အကျွမ်းဝင်သော တပည့်တော်သည်ထွက်၍ တံခါးစောင့်မိန်းမအားပြောပြီးမှ ပေတရုကိုသွင်းလေ၏။ ၁၇တံခါးစောင့်မိန်းမက ပေတရုအား၊ သင်သည် ထိုသူ၏တပည့်တို့အဝင်ဖြစ်သည်မဟုတ်လော ဟုဆိုလျှင်၊ မဟုတ်ဘူးဟု ပေတရုငြင်းလေ၏။ ၁၈ထိုကာလ၌ ချမ်းသောကြောင့် ကျွန်များနှင့် မင်းလုလင်များတို့သည် မီးခဲပုံကိုထည့်၍ မီးလှုံလျက်နေကြ၏။ ပေတရုသည်လည်း သူတို့နှင့်တကွ ရပ်၍မီးလှုံလျက်နေ၏။

၁၉ထိုအခါ ယဇ်ပုရောဟိတ်မင်းသည် တပည့်တော်တို့ကို၎င်း၊ ဒေသနာတော်ကို၎င်း အကြောင်းပြု၍ ယေရှုကိုမေးမြန်းစစ်ကြော၏။ ၂ဝယေရှုကလည်း၊ ငါသည်လောက၌ ထင်ရှားစွာဟောပြောပြီ။ ယုဒလူအ ပေါင်းတို့ စည်းဝေးရာတရားစရပ်၌၄င်း၊ ဗိမာန်တော်၌၄င်း အစဉ်မပြတ်ဆုံးမသြဝါဒပေးပြီ။ မထင်ရှားဘဲ အလျင်းမဟောမပြော။ ၂၁အဘယ်ကြောင့် ငါ့ကိုမေးမြန်းသနည်း။ ငါသည်အဘယ်သို့ဟောပြောသည်ကို ကြားနာသောသူတို့ကို မေးမြန်းလော့။ ငါပြောသောစကားကို ထိုသူတို့သည်သိကြ၏ဟု မိန့်တော်မူ၏။ ၂၂ထိုသို့မိန့်တော်မူလျှင်၊ အနီးအပါး၌ ရပ်နေသော မင်းလုလင်တယောက်က၊ သင်သည်ယဇ်ပုရောဟိတ်မင်းကို ဤသို့ပြန်ပြောရာသလောဟု ဆိုလျက် ယေရှုကိုရိုက်လေ၏။ ၂၃ယေရှုကလည်း ငါ့စကားမမှန်လျှင် မမှန်ကြောင်း ကိုပြပါ မှန်လျှင် ငါ့ကိုအဘယ်ကြောင့် ရိုက်သနည်းဟု မိန့်တော်မူ၏။ အန္နတ်မင်းသည် ကိုယ်တော်ကိုချည် နှောင်လျက် ရှိသည်အတိုင်း၊ ယဇ်ပုရောဟိတ် မင်း ကယာဖထံသို့ ပို့စေခဲ့ပြီ။

၂၅ရှိမုန်ပေတရုသည် ရပ်၍မီးလှုံလျက် နေသည်တွင် အချို့သောသူတို့က၊ သင်သည် သူ၏တပည့်တို့ အဝင် ဖြစ်သည်မဟုတ်လောဟု မေးလျှင်၊ မဟုတ်ဘူးဟု ပေတရုငြင်းလေ၏။ ၂၆ပေတရုခုတ်၍ နားရွက်ပြတ် သောသူနှင့် ပေါက်ဘော်တော်သော ယဇ်ပုရောဟိတ်မင်း၏ကျွန်တယောက်က၊ သင်သည် ဥယျာဉ်၌ ယေရှုနှင့်အတူ ရှိသည်ကို ငါမြင်ခဲ့ပြီမဟုတ်လောဟုဆိုလျှင်၊ ၂၇ပေတရုသည် တဖန်ငြင်းပြန်လေ၏၊ ထိုခဏခြင်း တွင် ကြက်တွန်လေ၏။

၂၈နံနက်အချိန်ရောက်လျှင် ယေရှုကို ကယာဖထံမှ အိမ်တော်ဦးသို့ဆောင်သွားကြ၏။ ထိုသူတို့သည် အာပတ်နှင့် ကင်းလွတ်၍ပသခါပွဲကိုခံမည်အကြောင်း၊ အိမ်တော်ဦးထဲသို့ ကိုယ်တိုင်မဝင်ကြ။ ၂၉ထိုကြောင့် ပိလတ် မင်းသည် သူတို့ရှိရာသို့ထွက်၍ ဤသူ၌အဘယ်အပြစ်ကို တင်ကြသနည်းဟု မေးသော်၊ ၃ဝဤသူသည် လူဆိုးမဟုတ်လျှင် အကျွန်ုပ်တို့သည် ကိုယ်တော်၌မအပ်ပါဟု လျှောက်ကြ၏။ ၃၁ပိလတ်မင်း ကလည်း၊ သူတို့ကိုယူ၍ သင်တို့ ဓမ္မသတ်အတိုင်း စီရင်ကြဟုဆို၏။ ယုဒလူတို့ကလည်း၊ အကျွန်ုပ်တို့သည် အဘယ်သူကိုမျှ မသတ်ပိုင်ပါဟု လျှောက်ကြ၏။ ၃၂ထိုသို့လျှောက်သော်၊ ယေရှုသည် အဘယ်သို့မိမိ သေရမည်အရိပ်ကိုပေး၍၊ မိန့်တော်မူသော စကားတော်ပြည့်စုံမည်အကြောင်းတည်း။

၃၃ပိလတ်မင်းသည် အိမ်တော်ဦးထဲသို့တဖန် ဝင်၍ ယေရှုကိုခေါ် ပြီးလျှင်၊ သင်သည် ယုဒရှင်ဘုရင်မှန်သလော ဟုမေး၏။ ၃၄ယေရှုကလည်း၊ မင်းကြီးသည် ကိုယ်အလိုအလျောက် ဤသို့မေး သလော။ သို့မဟုတ် သူတပါးတို့သည် ငါ၏အကြောင်းကို လျှောက်ကြပြီလောဟု မေးတော်မူ၏။ ၃၅ပိလတ်မင်းက၊ ငါသည် ယုဒလူဖြစ်သလော။ သင်၏ လူမျိုးနှင့်တကွ ယဇ်ပုရောဟိတ်အကြီးတို့သည် သင့်ကိုငါ၌အပ်ကြပြီ။ သင်သည်အဘယ်သို့ပြုမိသနည်းဟု မေးလျှင်၊ ၃၆ယေရှုက၊ ငါ၏နိုင်ငံသည် ဤလောက နှင့်မစပ်ဆိုင်။ ငါ၏နိုင်ငံသည် ဤလောကနှင့်စပ်ဆိုင်လျှင်၊ ငါသည်ယုဒ လူတို့လက်သို့ မရောက်စေခြင်းငှါ ငါ၏လူတို့သည် တိုက်လှန်ကြလိမ့်မည်။ ယခုမူကား ငါ၏နိုင်ငံသည် ဤဒေသ အရပ်နှင့် မစပ်ဆိုင်ဟုမိန့် တော်မူ၏။ ၃၇ပိလတ်မင်းကလည်း၊ သို့ဖြစ်လျှင် သင်သည်ရှင်ဘုရင်မှန်သလော ဟုမေးသော်၊ ယေရှုက၊ မင်းကြီးမေးသည်အတိုင်း ငါသည်ရှင်ဘုရင်မှန်၏။ သမ္မာတရားဘက်၌ သက်သေခံခြင်းငှါ ငါသည်မွေးဘွား ခြင်းကိုခံ၍ ဤလောကသို့ကြွလာပြီ။ သမ္မာတရား နှင့်စပ်ဆိုင်သမျှသောသူတို့သည် ငါ့စကားကိုနား ထောင်ကြသည်ဟု မိန့်တော်မူ၏။ ၃၈ပိလတ်မင်းကလည်း၊ သမ္မာတရားကား အဘယ်သို့နည်းဟု မေးပြီးမှတဖန် ယုဒလူတို့ရှိရာသို့ ထွက်၍၊ ဤသူ၌ အဘယ်အပြစ်ကိုမျှ ငါမတွေ့၊ ၃၉ပသခါပွဲ၌ လူတယောက်ကို သင်တို့အားငါလွှတ်မြဲထုံးစံရှိသည်ဖြစ်၍ ယုဒရှင်ဘုရင်ကို လွှတ်စေချင်သလောဟုမေးလျှင်၊ ၄ဝတဖန် လူအပေါင်းတို့က ဤသူကိုမလွှတ်စေချင်ပါ၊ ဗာရဗ္ဗကို လွှတ်စေချင်ပါသည်ဟု အော်ဟစ်၍ လျှောက်ဆိုကြ၏။ ထိုဗာရဗ္ဗကား ထားပြဖြစ်သတည်း။