၁ကော အခန်းကြီး (၈)


၁ရုပ်တုရှေ့၌ ပူဇော်သော ယဇ်ကောင်အရာမှာ၊ ငါတို့ရှိသမျှသည် ပိုင်းခြားတတ်သော ဥာဏ်ရှိသည် ကိုငါတို့သိကြ၏။ ဥာဏ်သည် ထောင်လွှားစေတတ်၏။ မေတ္တာမူကား တည်ဆောက်တတ်၏။ ၂အကြင်သူသည်၊ ငါကားပညာရှိဖြစ်သည်ဟူ၍ စိတ်ထင်၏၊ ထိုသူသည် သိအပ်သည်အတိုင်းအလျှင်းမသိသေး။ ၃ဘုရားသခင်ကို ချစ်သောသူမည်သည်ကား၊ ဘုရားသခင် သိစေတော်မူသောသူဖြစ်၏။ ၄ရုပ်တုရှေ့၌ ပူဇော်သောယဇ်ကောင်ကို စားခြင်းအရာမှာ၊ ရုပ်တုသည် ဤလောက၌ အချည်းနှီးသက်သက်ဖြစ်သည်ကို၎င်း၊ တဆူတည်းသောဘုရားသခင် မှတပါး အဘယ်ဘုရားသခင်မှမရှိသည်ကို၎င်း၊ ငါတို့သိကြ၏။ ၅ဘုရားများ၊ အရှင်များဟုဆိုသည်အတိုင်း ကောင်းကင်ပေါ်၊ မြေကြီးပေါ်မှာ ဘုရားဟူ၍ ခေါ်ဝေါ်သမုတ်သောသူ အများရှိသော်လည်း၊ ၆အကြင်ဘုရားသခင် အထဲက ခပ်သိမ်းသောအရာဖြစ်၍၊ အကြင်ဘုရားသခင်အဘို့ အလိုငှါ ငါတို့သည်ဖြစ်ကြ၏၊ ထိုခမည်းတော်ဘုရား သခင်တပါးတည်းသာ ငါတို့၌ရှိတော်မူ၏။ အကြင်သခင်အားဖြင့် ငါတို့မှ၍ ခပ်သိမ်းသောအရာဖြစ်ကြ၏။ ထိုသခင် ယေရှုခရစ်တပါးတည်းသာ ငါတို့၌ရှိတော်မူ၏။ ၇သို့သော်လည်း ထိုဥာဏ်ကို လူတိုင်းမရ။ အချို့သောသူတို့သည် ယခုတိုင်အောင် ရုပ်တုရှေ့၌ ပူဇော်သောယဇ်ကောင်ကိုစားသော် ရုပ်တုကိုထောက်သောစိတ်နှင့် စားကြသည် ဖြစ်၍၊ သူတို့၌ ကိုယ်ကိုကိုယ်သိသောစိတ်သည် အားနည်းသောကြောင့် ညစ်ညူးခြင်းသို့ရောက်တတ်၏။

၈အစားအသောက်အားဖြင့် ဘုရားသခင့်ရှေ့မှာ မျက်နှာရသည်မဟုတ်။ အစားကိုသုံးကာမျှဖြင့် မြတ်သည် မဟုတ်။ ရှောင်ကာမျှဖြင့် ယုတ်သည်မဟုတ်။ ၉သို့သော်လည်း၊ သင်တို့အခွင့်ကို အားနည်းသော သူတို့၌ ထိမိ၍ လဲစရာအကြောင်း မဖြစ်စေခြင်းငှါ သတိပြုကြလော့။ ၁ဝအကြောင်းမူကား၊ သင်သည်ပိုင်းခြား တတ်သောဥာဏ်ရှိလျက်ပင်၊ ရုပ်တုစင်ထဲ၌ စားပွဲနားမှာလျောင်းသည်ကို သူတပါးမြင်လျှင်၊ ကိုယ်ကိုကိုယ် သိသောစိတ် အားနည်း သောသူသည်၊ ရုပ်တုရှေ့၌ ပူဇော်သောယဇ်ကောင်းကို စားခြင်းငှါရဲမည် မဟုတ်လော။ ၁၁ထိုသို့ဖြစ်လျှင် အကြင် ညီအစ်ကိုအဘို့အလိုငှါ ခရစ်တော်သည် အသေခံတော်မူ၏၊ အားနည်းသော ထိုညီအစ်ကိုသည် သင်၏ဥာဏ်ကြောင့် ပျက်ဆီးခြင်းသို့ ရောက်ရပါသည်တကား။ ၁၂သင်တို့သည် ညီအစ်ကိုတို့ကို ထိုသို့ပြစ်မှား၍ သူတို့၌ ကိုယ်ကိုကိုယ် သိသောအားနည်းသောစိတ်ကို ထိခိုက်သောအခါ၊ ခရစ်တော်ကိုလည်း ပြစ်မှားရာသို့ရောက်၏။ ၁၃သို့ဖြစ်၍၊ ငါ၏ အစားအသောက်သည် ငါ့ညီအစ်ကိုကိုမှားယွင်း စေလျှင် ငါ့ညီအစ်ကို၌ မှားယွင်းစရာအကြောင်း မရှိစေခြင်းငှါ အမဲသားကို အစဉ်မပြတ်ရှောင်မည်။

၁ငါပေါလုသည် ကျွန်မဟုတ်၊ လူလွတ်ဖြစ်သည်မဟုတ်လော။ တမန်တော်ဖြစ်သည်မဟုတ်လော။ ငါတို့ သခင်ယေရှုခရစ်ကို မြင်ရပြီမဟုတ်လော။ သင်တို့သည် ဘုရားသခင်၌ ငါလုပ်သောအလုပ်ဖြစ်ကြသည် မဟုတ်လော။ ၂ငါသည် အခြားသောသူတို့အား တမန်တော်မဖြစ်သော်လည်း၊ သင်တို့အား တမန်တော် အမှန်ဖြစ်၏။ အကြောင်း မူကား၊ ငါသည် တမန်တော်မှန်သည်ဟု သင်တို့သည် တပည့်တော်ဖြစ်သောအားဖြင့် ငါ့ကိုတံဆိပ်ခပ်ကြ၏။ ၃ငါ့ကို စစ်ဆေးမေးမြန်းသောသူတို့အား ငါအပြစ်ဖြေစရာစကားဟူမူကား၊ ၄ငါတို့သည် စားသောက်ခြင်းအခွင့် မရှိသလော။ ၅ကေဖနှင့် သခင်ဘုရား၏ညီများမှစ၍ ကြွင်းသော တမန်တော်များကဲ့သို့၊ ငါတို့သည် ဒေသစာရီလှည့်လည်သည် တွင် နှမဖြစ်သော မယားပါစေခြင်းငှါ အခွင့်မရှိသလော။ ၆ငါနှင့် ဗာနဗသာ အလုပ်မလုပ်ဘဲနေရသော အခွင့်မရှိဟု ဆိုရသလော။ ၇အဘယ်သူသည် ကိုယ်စရိတ်ကိုသုံး၍ စစ်မှုကိုထမ်းရ သနည်း။ အဘယ်သူသည် ဥယျာဉ်ကိုစိုက်ပျိုး၍ အသီးကိုမစားဘဲနေရသနည်း။ အဘယ်သူသည် သိုးထိမ်းလုပ်၍ သိုးနို့ကိုမသုံးဘဲနေရသနည်း။

၈လောကီဝေါဟာရအားဖြင့်သာ ဤသို့ငါဆိုသလော။ ပညတ်တရားသည်လည်း ဤသို့ပင် ဆိုသည်မဟုတ်လော။ ၉မောရှေ၏ ပညတ္တိကျမ်းစာ၌လာသည်ကား၊ စပါးနင်းနယ်သော နွား၏နှုတ်ကို မချုပ်တည်းရဟုလာ၏။ ဘုရားသခင်သည် နွားကိုသာ ပမာဏပြုတော်မူသလော။ ၁ဝသို့မဟုတ် ငါတို့ကြောင့်သာ ဤသို့ပညတ်တော်မူ သလော။ လယ်ထွန်သောသူသည် မြော်လင့်လျက်ထွန်စေခြင်းငှါ၎င်း၊ မြော်လင့်လျက် စပါးနင်းနယ်သောသူသည် မြော်လင့်သည်အတိုင်း ရစေခြင်းငှါ၎င်း၊ ငါတို့ကြောင့်သာ ဤသို့ကျမ်းစာလာ၏။ ၁၁ငါတို့သည် သင်တို့၌ ဓမ္မမျိုးစေ့ကို စိုက်ပြီးမှ သင်တို့၏လောကီအသီးကို သုံးဆောင်လျှင် ကျေးဇူးကြီးမည်လော။ ၁၂အခြားသောသူတို့သည် သင်တို့ထံမှာ ထိုအခွင့်ကိုရလျှင် ငါတို့သည် သာ၍ရထိုက်သည်မဟုတ်လော။ သို့သော်လည်း ထိုအခွင့်ကိုငါတို့သည် မသုံးဘဲ၊ ခရစ်တော်၏ ဧဝံဂေလိတရားကို ဆီးတားခြင်း အကြောင်းမရှိစေခြင်းငှါ အရာရာ၌ သီးခံကြ၏။ ၁၃ဓမ္မကိစ္စအမှုကို ဆောင်ရွက်သောသူတို့သည် ဗိမာန်တော်ကို အမှီပြု၍ စားရသည်ကို၎င်း၊ ယဇ်ပူဇော်ခြင်းအမှုကို ဆောင်ရွက်သော သူတို့သည် ယဇ်ပလ္လင်နှင့်ဆက်ဆံ၍ စားရသည်ကို၎င်း၊ သင်တို့မသိရသလော။ ၁၄ထိုနည်းတူ၊ ဧဝံဂေလိတရားကို ဟောသောသူတို့သည် ဧဝံဂေလိတရားကို အမှီပြု၍ အသက်မွေးရမည်အကြောင်း၊ သခင်ဘုရား၏ ပညတ်တော် မူချက်ရှိ၏။

၁၅သို့သော်လည်း ထိုအခွင့်ကို ငါအလျှင်းမသုံး။ သင်တို့သည် ငါ့အား ထိုသို့ပြုစေခြင်းငှါ ဤစကားကို ငါရေးသည်မဟုတ်။ အကြောင်းမူကား၊ ငါဝါကြွားခြင်းအခွင့်ကို သူတပါးဖျက်ဆီးသည်ထက် ငါသေသော် သာ၍ကောင်း၏။ ၁၆ငါသည် ဧဝံဂေလိတရားကို ဟောရုံပြုလျှင် ဝါကြွားခြင်းအကြောင်းမရှိသေး။ အဘယ်ကြောင့် နည်းဟူမူကား၊ မဟောဘဲမနေနိုင်၊ မဟောဘဲနေလျှင် အမင်္ဂလာရှိ၏။ ၁၇သို့ဖြစ်၍ အမှုတော်ကို အလိုအလျောက် ဆောင်ရွက်လျှင် အကျိုးရှိ၏။ ကိုယ်အလိုကိုငြင်းဆန်၍ ဆောင်ရွက်လျှင် အရာတော်၌ခန့်ထားသောသူဖြစ်၏။ ၁၈သို့ဖြစ်၍ ငါ၏အကျိုးအဘယ်သို့နည်းဟူမူကား၊ ဧဝံဂေလိတရားကို ဟောသောအခါ ဟောခြင်းနှင့်စပ်ဆိုင်သော အခွင့်ကို မသုံးဘဲလျက်၊ ခရစ်တော်၏ ဧဝံဂေလိတရားကို နာသောသူတို့သည် အဘယ်စရိတ်ကိုမျှ မကုန်ဘဲ နေစေခြင်းငှါ ပြုလျှင် ငါ၌အကျိုးရှိ၏။

၁၉ငါသည် အဘယ်သူ၏ ကျွန်မြ