ေ၇ာမ အခန်ကြီး(၁၆)


၁ကင်ခြေမြို့အသင်းတော်၌ သင်းထောက်မိန်းမဖြစ်သော ငါတို့နှမဖိဗေကို သင်တို့ထံသို့ငါသွင်းပေး၏။ ၂သန့်ရှင်းသူတို့သည် ပြုသင့်သည်အတိုင်း သခင်ဘုရားကိုထောက်၍ ထိုသူကိုလက်ခံကြလော့။ သူသည် အကူအမလိုသမျှသော အမှုတို့၌သူ့ကို ကူမကြလော့။ အကြောင်းမူကား၊ သူသည် များစွာသောသူတို့ကို၎င်း၊ ငါ့ကို၎င်း၊ မစသောသူဖြစ်၏။ ၃ငါနှင့်အတူ ယေရှုခရစ်၏အမှုတော်ကို ဆောင် ရွက်သောသူ၊ ပြစ်ကိလနှင့် အာကုလကို နှုတ်ဆက်ကြလော့။ ၄ထိုသူတို့သည် ငါ့အသက်အဘို့ မိမိတို့လည်ပင်းကို ချထားသောသူ ဖြစ်ကြ၏။ သူတို့ကျေးဇူးရှိသည်ဟု ငါတယောက်တည်းသာ ဝန်ခံသည်မဟုတ်။ တပါးအမျိုးသား အသင်းတော်အပေါင်းတို့သည် ဝန်ခံကြ၏။ ၅သူတို့အိမ်၌ရှိသောအသင်းတော်ကိုလည်း နှုတ်ဆက်ကြလော့။ အာရှိပြည်တွင် ခရစ်အဘို့ အဦးသီးသော အသီးဖြစ်သော ငါ့ချစ်သားဧပဲနက်ကို နှုတ်ဆက်ကြလော့။ ၆ငါတို့အမှုကို ကြိုးစား၍ဆောင်ရွက်သော မာရိကိုနှုတ်ဆက်ကြလော့။ ၇ငါနှင့်အတူ အကျဉ်းခံရသောသူ၊ ငါ့အမျိုးသားချင်း အနြေ္ဒာနိတ်နှင့်ယုနိကို နှုတ်ဆက်ကြလော့။ ထိုသူတို့သည် တမန်တော်များတွင် အသရေထင်ရှားသောသူဖြစ်ကြ၏။  ငါ့အရင်တပည့် တော်အဖြစ်သို့ ရောက်သောသူလည်း ဖြစ်ကြ၏။ ၈သခင်ဘုရား၌ ငါ့ချစ်သား အမ္ပလိကို နှုတ်ဆက် ကြလော့။ ၉ငါတို့နှင့်အတူ ခရစ်တော်၏အမှုကို ဆောင်ရွက်သော ဥရဗန်နှင့် ငါ့ချစ်သားသတာခုကို နှုတ်ဆက်ကြလော့။ ၁ဝတပည့်တော်စစ်ဖြစ်သာ အပေလေနှင့်အာရိတ္တောဗုလု၏ အိမ်သူအိမ်သားတို့ကို နှုတ်ဆက်ကြလော့။ ၁၁ငါ၏အဆွေ အမျိုးဟေရောဒျုန် နှင့် တပည့်တော်ဖြစ်သောနာကိသု၏ အိမ်သူအိမ်သားတို့ကို နှုတ်ဆက်ကြလော့။ ၁၂သခင်ဘုရား၏ အမှုတော်ကိုကြိုးစားသောမိန်းမ၊ တရုတ်ဖဲနနှင့် တရုဖေါသကို၎င်း၊ သခင်ဘုရား၏ အမှုတော်ကို အလွန်ကြိုး စား၍ ချစ်အပ်သောမိန်းမပေရသိကို၎င်း နှုတ်ဆက်ကြလော့။ ၁၃မြတ်သောတပည့်တော်ရုဖုနှင့် သူ၏အမိတည်း ဟူသောငါ၏ အမိကို နှုတ်ဆက်ကြလော့။ ၁၄အသုံကြိတ်၊ ဖလေကုန်၊ ဟေရမ၊ ပတ်ရောဘ၊ ဟေရမေမှ စ၍သူတို့နှင့်အတူနေသော ညီအစ်ကိုတို့ကိုနှုတ်ဆက်ကြလော့။ ၁၅ဖိလောလုပ်၊ ယုလိ၊ နေရု၊ နေရုနှမနှင့် သြလုမ္ပမှစ၍ သူတို့နှင့် အတူနေသော သန့်ရှင်းသူအပေါင်းတို့ကို နှုတ်ဆက်ကြလော့။ ၁၆အချင်းချင်း တယောက်ကိုတယောက် သန့်ရှင်းသောနမ်းခြင်းနှင့် နှုတ်ဆက်ကြလော့။ ခရစ်တော်၏ အသင်းတော်အပေါင်း တို့သည် သင်တို့နှင့် နှုတ်ဆက်ကြ၏။

၁၇ညီအစ်ကိုတို့၊ သင်တို့ခံရပြီးသော ဆုံးမသြဝါဒနှင့် ဆန့်ကျင်ဘက်ဖြစ်သောသင်းခွဲခြင်း၊ မှားယွင်းခြင်း အကြောင်းကိုပြုတတ်သောသူတို့ကို မှတ်၍ရှောင်ကြလော့ ဟုငါသတိပေး၏။ ၁၈အကြောင်း မူကား၊ ထိုသို့သောသူတို့သည် ငါတို့သခင်ခရစ်တော်၏ အမှုကိုမဆောင်ရွက်ဘဲလျက်၊ မိမိတို့ဝမ်း၏ အမှုကိုသာဆောင်ရွက်၍၊ လောကဝတ်စကားနှင့် ချော့မော့သောစကားအားဖြင့် စိတ်ကောင်းသောသူတို့ကို လှည့်ဖြားတတ်ကြ၏။ ၁၉သင်တို့ယုံကြည်နားထောင်ခြင်း အကြောင်းအရာသည် လူအပေါင်းတို့တွင် ကျော်စောသည်ဖြစ်၍၊ ငါဝမ်းမြောက် ခြင်းရှိ၏။ သို့သော်လည်း၊ သင်တို့သည် ကောင်းသောအမှု၌ကား၊ ပညာရှိစေခြင်းငှါ၎င်း၊ ဆိုးသောအမှု၌ကား အပြစ်ကင်းစေခြင်းငှါ၎င်း၊ ငါအလိုရှိ၏။ ၂ဝငြိမ်သက်ခြင်း၏အရှင် ဘုရားသခင်သည် မကြာမမြင့်မှီစာတန်ကို သင်တို့ ခြေအောက်၌ နှိပ်စက်တော်မူမည်၊ ငါတို့သခင် ယေရှုခရစ်၏ ကျေးဇူးတော်သည် သင်တို့၌ရှိပါစေသော။

၂၁ငါနှင့်အတူ အမှုတော်ကိုဆောင်ရွက်သော တိမောသေမှစ၍ ငါ၏အဆွေအမျိုးလုကိ၊ ယာသုန်၊ သောတိပေတရုတို့သည် သင်တို့ကိုနှုတ်ဆက်ကြ၏။ ၂၂ဤစာကိုရေးသော ကျွန်ုပ်တေရတိသည် သခင်ဘုရားကို ထောက်၍ သင်တို့ကိုနှုတ်ဆက်ပါ၏။ ၂၃ငါ့ကို၎င်း၊ သင်းဝင်သူအပေါင်းတို့ကို၎င်း၊ လက်ခံ၍ ဧည့်သည်ဝတ်ကို ပြုတတ်သော ဂါယု၊ မြို့စာရေး ဧရတ္တု၊ သင်တို့ညီကွာတုတို့သည် သင်တို့ကိုနှုတ်ဆက် ကြ၏။ ၂၄ငါတို့သခင်ယေရှု ခရစ်၏ကျေးဇူးတော်သည် သင်တို့အပေါင်း၌ ရှိစေသတည်း။ အာမင်။

၂၅ရှေးကပ်ကာလပတ်လုံး ဝှက်ထားပြီးလျှင် ယခုမှာထင်ရှားသည်ဖြစ်၍၊ ၂၆လူမျိုးအပေါင်းတို့သည် ယုံကြည် နားထောင်ကြမည်အကြောင်း၊ ပရောဖက်တို့၏ ကျမ်းစာလာသည်နှင့်အညီ၊ ထာဝရဘုရားသခင်၏ ပညတ်တော် အတိုင်း ထိုသူတို့အား ဘော်ပြရသော နက်နဲရာကိုဖွင့်ထားခြင်း ကျေးဇူးတော်နှင့်လျော်စွာ၊ ငါဟောသော ဧဝံဂေလိ တရားတည်းဟူသော ယေရှုခရစ်၏အကြောင်းကို ဟောပြောခြင်းအားဖြင့်၊ သင်တို့ကိုမြဲမြဲခိုင်ခန့်စေခြင်းငှါ တတ်နိုင်တော်မူသောအရှင်၊ ၂၇တဆူတည်းသာလျှင် ပညာနှင့် ပြည့်စုံတော် မူသော ဘုရားသခင်သည်၊ ယေရှုခရစ်အားဖြင့် အမBာအဆက်ဆက် ဘုန်းကြီးတော်မူစေသတည်း။ အာမင်

 

ယောမသြဝါဒစာပြီး၏။