၁အရေလမြို့၊ ဒါဝိဒ်မင်းနေသော အရေလမြို့သည် အမင်္ဂလာရှိ၏၊၊ တနှစ်ပေါ်မှာ တစ်နှစ်ထပ်ကြလော့၊၊ ပွဲတို့ ကို အလှည့်လှည့်ခံကြလော့၊၊ ၂သို့ရာတွင်၊ အရေလမြို့ကို ငါဆင်းရဲစေ၍ ထိုမြို့သည် ဝမ်းနည်းခြင်းနှင့် ညည်းတွားခြင်း ရှိသော်လည်း၊ အရေလမြို့ကဲ့သို့ ငါ့ရှေ့မှာဖြစ်ရလိမ့်မည်။ ၃ငါသည် သင့်ပတ်ဝန်းကျင်၌ တပ်ချမည်။ မြေရိုးနှင့်ဝိုင်းထား၍၊ မြေကတုပ်များကိုလည်းတူးလုပ်မည်။ ၄သင်သည် နှိမ့်ချခြင်းကိုခံ၍ မြေထဲကပြောရလိမ့်မည်၊ မြေမှုန့်ထဲက ငယ်သောအသံနှင့်မြွက်ရလ်ိမ့်မည်။ သင်ပြောသောအသံသည် နတ်ဝင်သူပြောသံကဲ့သို့ မြေထဲကထွက်၍၊ သင်သည်မြေမှုန်ထဲက အသံသေးနှင့်တိုးတိုး မြွက်ဆိုရလိမ့်မည်။ ၅သို့ရာတွင်၊ သင်၏ရန်သူ အလုံးအရင်းသည် အဏုမြူကဲ့သို့၎င်း၊ ကြောက်မက်ဖွယ်သော သူအလုံးအရင်းသည် လွင့်သွားသောဖွဲကဲ့သို့၎င်း ဖြစ်၍၊ အလျင်တစော ချက်ချင်းအမှုရောက်လိမ့်မည်။ ၆ကောင်းကင်ဗိုလ်ခြေအရှင် ထာဝရဘုရားသည်၊ မိုဃ်းချုန်းခြင်း၊ မြေလှုပ်ခြင်း၊ အသံဗလံမြည်ခြင်းနှင့်တကွ မိုဃ်းသက်မုန်တိုင်း၊ လောင်တတ်သော မီလျှံအားဖြင့်အပြစ်ပေးတော်မူမည်။ ၇အပြည်ပြည် ကလာ၍၊ အရေလမြို့ကိုစစ်တိုက်သော အလုံးအရင်း၊ အရေလမြို့နှင့် ရဲတိုက်ကိုတိုက်၍ ညှဉ်းဆဲသော သူပေါင်းတို့သည်၊ အိပ်မက်တည်းဟူသော ညဥ့်ရှုပါရုံကဲ့သို့ ဖြစ်ရကြလိမ့်မည်။ ၈မွတ်သိပ်သောသူသည် အိပ်မက်တွင် စားရသည်ဟုထင်သော်လည်း၊ နိုးသောအခါ အမွတ်အသိပ်မပြေသကဲ့သို့၎င်း၊ ရေငတ်သောသူသည် အိပ်မက်တွင်သောက်ရသည် ဟုထင်သော်လည်း၊ နိုးသောအခါ နွမ်းနယ်လျှက်၊ တောင့်တလျှက်ရှိသကဲ့သို့၎င်း၊ အပြည်ပြည်မှလာ၍၊ ဇိအုန်တောင်သို့ စစ်တိုက်သောအလုံးအရင်းသည် ဖြစ်ရလိမ့်မည်။
၉ဖင့်နွဲ့၍မှိုင်တွေကြလော့။ ကာမဂုဏ်၌ ပျော်မွေ့၍ မွှန်လျှက်နေကြလော့။ စပျစ်ရေကိုမသောက်ပဲ ယစ်မူးလျှက်၊ သေရည်သေရက်ကို မသောက်ဘဲ တိမ်းယိမ်းလျှက်ရှိကြ၏။ ၁ဝအကြောင်မူကား၊ ထာဝရဘုရားသည် အိပ်ချင်သောသဘောကို သင်တို့၌သွင်းသဖြင့်၊ သင်တို့မျက်စိကိုပိတ်၍၊ သင်တို့၏ပရောဖက်များကို မင်းများ၊ ဗျာဒိတ်ခံသူများ တို့ကိုဖုံးလွှမ်းတော်မူပြီ။ ၁၁ဗျာဒိတ်တော်ရှိသမသည် တံဆိပ်ခတ်သောစာကဲ့သို့ သင်တို့၌ဖြစ်၏။ ထိုစာကိုစာတတ်သော သူအားပေး၍၊ ဤစာကိုဘတ်ပါလော့ဟုဆိုလျှင်၊ ထိုသူက၊ ဤစာကို ငါမဘတ်နိုင်၊၊ တဆိပ် ခတ်လျက်ရှိ၏ဟုပြန်ပြောတတ်၏။ ၁၂ထိုစာကိုစာမတတ်သောသူအားပေး၍၊ ဤစာကိုဘတ်ပါလော့ဟုဆိုလျင်၊ ထိုသူက ငါသည်စာမဘတ်ဟုပြန်ပြောတတ်၏။ ၁၃ထာဝရဘုရားကလည်း ဤလူမျိုးသည်နှုတ်နှင့် ငါ့ထံသို့ချဉ်းကပ်၍၊ နှုတ်ခမ်းနှင့် ငါ့ကိုရိုသေကြ၏၊၊ စိတ်နှလုံးမူကား ငါနှင့်ဝေးလှ၏။ လူတို့စီရင်သော ပညတ်တို့ကိုအမှီပြု၍ ငါ့ကိုကြောက်ရွံြ့က၏။ ၁၄ထို့ကြောင့် အံသြကြောက်မက်ဘွယ်သောအမှုကို ဤလူမျိုးတို့တွင် တဖန်ငါပြုအုံးမည်၊၊ သူတို့ တွင်ပညာရှိတို့၏ ပညာသည်ပျက်စီးလိမ့်မည်။ ဥာဏ်ကောင်းသော သူတို့၏ ဥာဏ်သည်လည်းကွယ် ပျောက်လိမ့် မည်ဟုမိန့်တော်မူ၏။
၁၅ထာဝရဘုရား မသိစေခြင်းငှာ၊ နက်နဲသောအကြံကိုကြံ၍၊ မှောင်မိုက်ထဲမှာ အမှုကိုပြုလျက်၊ ငါတို့ကိုအဘယ်သူ မြင်သနည်း။ ငါတို့ကိုအဘယ်သူသိသနည်းဟု ပြောဆိုတတ်သောသူတို့သည် အမင်္ဂလာရှိကြ၏။ ၁၆သင်တို့သည် ဖောက်ပြန်ကြသည်တကား။ အိုးထိန်းသမားကို၊ အိုးမြေကဲ့သို့မှတ်ရမည်လော။ လုပ်အပ်သောအရာသည် လုပ်တတ်သောသူကိုရည်မှတ်၍၊ ဤသူသည် ငါ့ကိုမလုပ်ဟုဆိုရမည်လော။ ဖန်ဆင်းအပ်သောအရာသည် ဖန်ဆင်းတတ်သောသူကိုရည်မှတ်၍၊ ဤသူ၌ ပညာအတတ်မရှိဟု ဆိုရမည်လော။
၁၇လေဗနုန်တောင်သည် ဝပြောသောလယ်ပြင်ကဲ့သို့၎င်း၊ ဝပြောသောလယ်ပြင်သည် တောကဲ့သို့၎င်း ဖြစ်ရသောအချိန်နီးပြီ မဟုတ်လား။ ၁၈ထိုကာလ၌ နားပင်းသောသူတို့သည် ကျမ်းစကားကိုကြားကြလိမ့်မည်။ မျက်စိကန်းသောသူတို့သည် မြှေးရှက်ခြင်း၊ မှောင်မိုက်ခြင်းနှင့်ကင်းလွတ်၍ မြင်ရကြလိမ့်မည်။ ၁၉စိတ်နှိမ့်ချသော သူတို့သည် ထာဝရဘုရားကိုအမှီပြု၍၊ ဝမ်းမြောက်ခြင်းတိုးပွားကြလိမ့်မည်၊၊ လူတို့တွင် ဆင်းရဲသောသူတို့သည် ဣသရေလအမျိုး၏ သန့်ရှင်းသောဘုရားကို အမှီပြု၍ရွှင်လန်းကြလိမ့်မည်။ ၂ဝအကြောင်းမူကား၊ ကြောက်မက် ဘွယ်သော သူသည် ဆုံးရှုံးရ၏။ ဆဲရေးသောသူသည် ပျောက်ကုန်ရ၏။ သူ့အပြစ်ကိုချောင်းမြောင်းသောသူ၊ ၂၁တရားတွေ့၍ ဆင်းရဲသားကို အပြစ်ရောက်စေသောသူ၊ မြို့တံခါးမှာ အမှုသည်ကိုကျော့မိစေခြင်းငှာပြုသောသူ၊ အပြစ်မရှိသောသူကို မတရားသဖြင့် ရှုံးစေသောသူအပေါင်းတို့ကို သုတ်သင်ပယ်ရှင်းရ၏။
၂၂သို့ဖြစ်၍ အာဗြဟံ အမျိုးကို ရွေးနှုတ်တော်မူသော ထာဝရဘုရားသည် ယာကုပ်အမျိုးကို ရည်မှတ်၍ မိန့်တော်မူသည်ကား၊ ယာကုပ်အမျိုးသည် နောက်တဖန် ရှက်ကြောက်ခြင်း၊ မျက်နှာပျက်ခြင်းမရှိရ၊၊ ၂၃ထိုအမျိုးသားတို့သည် ငါစီရင်သော အမှုကိုကိုမြင်လျှင် ငါ့နာမကိုမိမိတို့တွင် ရိုသေကြလိမ့်မည်၊၊ ယာကုပ်အမျိုး၏ သန့်ရှင်းသောဘုရားကို ရိုသေ၍၊ ဣသရေလ အမျိုး၏ဘုရားသခင်ကို ကြောက်ရွံ့ကြလိမ့်မည်။ ၂၄စိတ်သဘော ဖောက်ပြန်သောသူတို့သည် ပညာသတိကိုရကြ၍၊ ဆန့်ကျင်ဘက် ပြုသောသူတို့သည်လည်း၊ ဆုံးမသြဝါ စကားကို နာယူကြလိမ့်မည်။
Rev.U Min Lwin 